Ungversk gúllassúpa og ís með kantalópu og súkkulaðisósu
Matgæðingar í tbl 22, 2021, voru Júlía Pálmadóttir Sighvats og eiginmaður hennar, Óskar Friðrik Sigmarsson. Þau fengu áskorun frá Birgittu, móður Júlíu, en þau hjónakorn búa í Breiðholti í Reykjavík. Júlía er uppalin á Sauðárkróki og finnst þeim alltaf jafn gott að komast í „sveitina“ með börnin til að hitta afa og ömmu.
„Einn af okkar uppáhaldsaðalréttum er ungversk gúllassúpa. Við gerum oft þessa súpu þegar haldin eru barnaafmæli og þá skiptir eiginlega engu máli hvað við eldum mikið, það er alltaf skafið úr pottinum. Hún er alveg einstaklega góð borin fram með nýju súrdeigsbrauði og smjöri, enn betra ef þeytt smjör er í boði, svo er gott að bjóða upp á sýrðan rjóma með. Lykilatriðið við þessa súpu er að hafa gott kjöt og skera allt hráefnið í litla bita þannig að auðvelt sé að borða súpuna,“ segir Júlía. Uppskriftin kemur upprunalega frá www.eldhussogur.is og nota þau hana að mestu leyti eins og fram kemur þar.
AÐALRÉTTUR
Ungversk gúllassúpa - Uppskrift – fyrir 4 fullorðna
600 g gott nautakjöt
1 rauð paprika, skorin í bita
1 gulur laukur
5-6 meðalstórar kartöflur (alls ekki meira en 6)
3 meðalstórar gulrætur
1 msk. paprika (krydd)
1½ tsk. cumin
salt og pipar
chili krydd eftir smekk (við höfum notað chili explosion, passa að setja bara lítið í einu)
2 msk. góð ólívuolía
1 lítri kjötkraftur
3 hvítlauksgeirar, pressaðir
2 msk. smjör
1-2 msk. tómatpúrra
Aðferð: Kjötið er skorið í litla bita, aðeins minni bita en ef það væri borðað með hníf og gaffli. Laukurinn afhýddur og skorinn smátt og paprika er skorin í smáa bita – u.þ.b. 1x1 cm. Svo þarf að flysja kartöflurnar og gulræturnar og skera í frekar litla bita. Kjöt, laukur og paprika eru síðan steikt upp úr góðri olíu í stórum potti, kryddunum er síðan bætt út í Þetta er steikt þar til kjötið hefur fengið á sig lit og þá nautakraftinum og tómatpúrrunni bætt út í. Öllu hrært vel saman og hitað upp að suðu, þegar suðan er komin upp þá smjöri og hvítlauk bætt út í. Þetta er síðan allt látið malla í 50-60 mínútur, þegar um 15 mínútur eru eftir af suðutímanum skal bæta kartöflum og gulrótum út í súpuna. Súpan er alls ekki verri þegar hún er hituð upp, hún er bara svo góð að það er sjaldnast afgangur til að njóta þess.
EFTIRRÉTTUR
Ís með kantalópu og súkkulaðisósu
Einfaldur og góður eftirréttur er vanilluís með kantalópu melónu og heitri, storknandi súkkulaðisósu sem er heimagerð og afar einföld.
Vanilluís (tegund sem hver og einn velur)
Kantalópu melóna
50 g Nóa Síríus 70% súkkulaði
1 tsk. kókosolía
Aðferð: Kantalópan er skorin í litla bita – minna en 1x1 cm. Súkkulaðið er hitað yfir vatnsbaði og kókosolíunni bætt út í, hræra þetta tvennt vel saman. Ísinn er svo borinn fram með melónu og súkkulaði dreift yfir ísinn í mjórri bunu, eftir stutta stund storknar það á ísnum og er dásamlega gott með melónunni.
Verði ykkur að góðu!
Fleiri fréttir
-
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira -
Rabb-a-babb 225: Atli Freyr
feykir.is Skagafjörður, Rabb-a-babb 25.04.2024 kl. 09.11Atli Freyr Rafnsson frá Króknum fékk það verðuga verkefni að svara Rabb-a-babbi í Feyki og var það frekar strembin fæðing en útkoman svona ljómandi góð. Atli Freyr er fæddur árið 1997 eða um það leyti sem Tiger Woods vann sitt fyrsta Master mót og fyrsti þáttur af South Park fór í loftið.Meira -
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.