Skagafjörður

Líkamsárás sem átti sér stað á Sauðárkróki var kærð til lögreglu sl. föstudag í upphafi Laufskálaréttarhelgar í Skagafirði. Einn var tekinn grunaður um ölvunarakstur og eitt fíkniefnamál kom til kasta lögreglunnar.

Í morgun fór fram fjölmiðla- og kynningarfundur KKÍ fyrir komandi keppni í Dominos-deildunum í körfunni. Við það tækifæri voru birtar spár formanna, þjálfara og fyrirliða liðanna í Dominos og 1. deild karla og kvenna fyrir tímabilið 2018–2019.

Katrín Jakobsdóttir forsætisráðherra verður á opnum fundi á Kaffi Krók á Sauðárkróki þriðjudaginn í kvöld, 2. október kl. 20:00, ásamt þeim Svandísi Svavarsdóttur heilbrigðisráðherra og Guðmundi Inga Guðbrandssyni umhverfisráðherra.

Ökumenn hafa í dag lent í vandræðum á leið sinni um Öxnadalsheiði en þar er nú frost og snjókoma og vegurinn háll. Vegfarandi á austurleið sagði marga bíla vera stopp við Bakkasel sem kæmust ekki upp brekkuna. A.m.k. einn bíll hafði endað utan vegar í Öxnadalnum. Taldi viðmælandi Feykis bílana eiga það sammerkt að vera enn á sumardekkjum.

Kristinn Kristófersson hefur verið ráðinn til FISK-Seafood. Auk almennra verkefna fyrir félagið mun Kristinn sinna sérstaklega starfsemi fyrirtækisins á Snæfellsnesi. Kristinn býr í Ólafsvík og starfaði áður hjá Deloitte. Sérsvið Kristins eru uppgjör og endurskoðun sjávarútvegsfyrirtækja.

Fótbolti.net gekkst fyrir vali á liði ársins í fótboltanum nú á dögunum og voru það þjálfarar og fyrirliðar liðanna sem völdu listann. Tindastóll var með lið í báðum 2. deildunum, karla og kvenna, og reyndust stúlkurnar heldur atkvæðameiri, enda komust þær upp um deild á meðan brekkan var meiri hjá strákunum. Fjórar stúlkur komast í átján manna hóp úrvalsliðsins en aðeins einn strákanna.

Lið KR og Tindastóls mættust í kvöld í DHL-höllinni í Vesturbæ Reykjavíkur í leik þar sem í ljós kom hverjir væru meistarar meistaranna. Það voru semsagt Íslandsmeistararnir sem tóku á móti bikarmeisturunum og það var aldrei spurning hvoru megin sigurinn myndi enda í kvöld – Stólarnir voru mun betri og sigruðu 72-103 og fengu afhentan bikar af því tilefni.

Fólk lét ekki slæma veðurspá né kulda stoppa sig í að taka þátt og eða fylgjast með réttarstörfum í Laufskálarétt í gær. Fjöldi ríðandi manna fór í Kolbeinsdalinn og sótti stóðið sem viljugt hljóp til réttar. Veðurspáin fyrir daginn var ekki góð, rigning og norðan kuldi en betur rættist úr veðrinu þar sem úrkoman varð aldrei nein að ráði. Kuldann var einfalt að klæða af sér.

Jóhanna S. Björnsdóttir sagði lesendum frá handavinnu sinni í þættinum Hvað ertu með á pjónunum? í 43. tbl. Feykis 2017. Jóhanna S. Björnsdóttir á Sauðárkróki er fjölhæf handavinnukona þó ekki sé ýkja langt síðan hún fór að fást við handavinnu, aðeins 15 ár, í kjölfar slyss sem hún varð fyrir þannig að segja má að handavinnuáhuginn hafi kviknað fyrir slysni. Síðan þá hefur hún lagt stund á margs konar hannyrðir og meðal annars á hún nú fjóra þjóðbúninga. Jóhanna hefur sótt ýmis námskeið og skráði sig eitt sinn, fyrir misskilning, á bútasaumsnámskeið í New Hampshire, sem ætlað var fólki sem hafði bútasaum að atvinnu.

Ábær í Austurdal. Elzta heimild um þetta bæjarnafn er Landnáma. Hún segir þannig frá: „Önundr víss, hét maðr, er land nam frá Merkigili, enn eystra dal alt fyrir austan; enn þá er Eiríkur vildi til fara at nema dalinn allan alt fyrir vestan, þá feldi Önundr blótspán til, at hann skyldi verða víss, hvern tíma Eiríkr mundi til fara at nema dalinn, ok varð þá Önundr skjótari ok skaut yfir ána með tundröru ok helgaði sér svá landit fyrir vestan, ok bjó milli á“. (Land- náma, bls. 142).