Skagafjörður

Páskarnir eru að koma og vorið líka og því vinna stelpurnar í 3. flokki Tindastóls hörðum höndum að því að fjármagna fótboltaferðina sína í knattspyrnuskóla á Spáni í sumar. Þær hafa verið í samstarfi við Blóma og gjafabúðina á Sauðárkróki að bjóða páskaliljur og páskagreinar til sölu.

Aðalfundur Sambands skagfirskra kvenna heldur aðalfund sinn í dag kl. 13 í félagsheimilinu Héðinsminni í Akrahreppi. Meðal fundarstarfa verður ágóði af vinnuvöku afhentur Krabbameinsfélagi Skagafjarðar.

Þær vöktu athygli, er til sáu, ferðir fiskiskips alveg í botni Skagafjarðar sl. fimmtudagskvöld, „nánast undir brúargólfinu á vestari kvísl Héraðsvatna“, eins og eigandi myndar komst að orði í pósti til Feykis. Fannst viðkomandi að skipið væri komið full nálægt landi eða ós Héraðsvatnanna.

Bærinn stendur lágt og hefir sjálfsagt heitið í fyrstu Dæl, sem haft er í eldra máli um lægð eða lág, samstofna við orðið dal, en nú er ávalt haft dæld, nema í bæjanöfnum. Eignarfallið dælar, t.d. í samsetningunni Dælar-land (orðið „dæl“ er mikið notað fyr á öldum, sbr. líka markdæl, Dipl. V. b., bls. 298) sýnir, að orðið hefir upphaflega verið dæl í nefnifalli og beygst eins og geil (dæl er auðsjáanlega kvk., en „dæli“ notað sem hvorugkyns, eins og bæli, hæli, sbr. eignarfall dælis). Nú er alment haft eignarfallið Dælis, og fleirt. nefnifalls Dælir (ekki Dælar). (Efamál getur það verið, að viðskeytið i hafi myndað nefnifall af áhrifum þágufalls, því að þágufallið af dæl [nf.] hlaut að vera dæl). -

Þann 25. apríl verða haldnir tónleikar á Mælifelli á Sauðárkróki sem ber heitið Út við himinbláu sundin. Þar verða gömlu góðu söngkonurnar heiðraðar og saga þeirra rifjuð upp í tali og tónum ásamt gömlu lögunum sem þær gerðu vinsæl og hafa lifað með þjóðinni í mörg ár.

Hjónin Jean Adele og Guðmundur Waage í Skálholtsvík í Hrútafirði voru matgæðingar í fermingarblaði Feykis árið 2017 þar sem segir: „Þau eiga fjögur börn og búa tvær yngstu dæturnar enn heima. Að aðalatvinnu eru þau sauðfjárbændur en einnig sér Jean um skólaakstur á Borðeyri og rekur lítið saumafyrirtæki sem heitir Ísaumur. „Við borðum að sjálfsögðu mest af lamba og ærkjöti og dags daglega elda ég mikið úr ærhakki, vinsælasti maturinn á heimilinu er sennilega lasagna en ég er dugleg að prófa einhverja nýja rétti til að brjóta upp hversdaginn, sem stundum fellur misjafnlega vel í kramið hjá yngstu börnunum,“ segir Jean. „Hérna er ég með uppskriftir af forrétti, aðal- og eftirrétti sem eru í uppáhaldi hjá okkar fjölskyldu. Kannski að það komi fram að við erum sitthvor tegundin af matgæðingum. Ég sé alfarið um eldamennskuna og Gummi minn elskar að borða. Fyrir nokkrum árum langaði mig til að kynna fjölskyldu mína fyrir bláskel og eldaði þá þennan rétt, eða súpu, sem sló í gegn og ég hef eldað þetta alltaf annað slagið síðan.“"

Ég tók áskorun skólasystur minnar úr Gaggó og samstúdents, Ninnu í Ketu, um að hamra lyklaborðið með hugleiðingum brottflutts Skagfirðings. Ég fæddist á Króknum og ólst þar upp, er dóttir Óla rafvirkja og Haddýjar í Rafsjá. Þegar ég hugsa um æskuárin á Króknum þá er eins og öll sumur hafi verið alveg einstaklega sólrík en þó aldrei logn.

Leikfélag Hofsóss frumsýndi Gullregn eftir Ragnar Bragason í Höfðaborg á Hofsósi í gærkvöldi. Leikstjóri er Ólafur Jens Sigurðsson. Leikritið Gullregn segir frá Indíönu Jónsdóttur sem býr í Fellahverfinu í Breiðholti. Hún lifir á bótum þó að hún gæti talist heilbrigð en hún er svokallaður kerfisfræðingur.

Lionsklúbbur Sauðárkróks afhenti á dögunum endurhæfingardeild HSN – Sauðárkóki, Nustep T5xr fjölþjálfa ásamt fylgihlutum að verðmæti kr. 1.550.000,- að gjöf. Lionsfélagar fjölmenntu eftir fund upp á Sauðárhæð og inn í sal endurhæfingardeildar. Þar afhenti Alfreð Guðmundsson formaður tækið og sagði það vera von Lionsfélaga að fjölþjálfinn kæmi að góðum notum fyrir þá sem þyrftu að nýta sér endurhæfingaraðstöðuna.

Það bregst ekki að þegar glittir í vorið og stutt er í Sæluviku Skagfirðinga lyftist brúnin á skáldagyðjunni, sem er merki þess að vísnakeppni Safnahúss Skagfirðinga er einnig á næsta leiti.