Skagafjörður

Mercedes-Benz heldur í hringferð um landið í maí og mun kynna úrval fólks- og atvinnubíla frá þýska lúxusbílaframleiðandanum á landsbyggðinni. Þann 3. maí verður flotinn á Sauðárkróki við Bílaverkstæði KS.

Ýmislegt kemur upp í hugann þegar ég hugsa um mitt nánasta umhverfi, Skagafjörðinn. Margt af því sem er að gerast í kringum okkur er framúrskarandi, annað síður en svo. Hægt væri að ræða fjölmörg verkefni og ýmsar áskoranir sem við íbúarnir stöndum nú frammi fyrir, en það sem sækir hvað fastast að mér þessa stundina er hugtakið íbúalýðræði.

Alþjóðlegur baráttudagur verkalýðsins, 1. maí, er á morgun og verður hann að vanda haldinn hátíðlegur víða. Yfirskrift hátíðahaldanna að þessu sinni er STERKARI SAMAN.

Í Sæluvikunni munu hanga uppi í Sauðárkróksbakarí nokkur góð skot sem áhugaljósmyndarinn Hjalti Árnason hefur smellt af strákunum okkar í meistaraflokki Körfuknattleiksdeildar Tindastóls í vetur. Myndir Hjalta bera þess glöggt merki hve næmt auga hann hefur á viðfangsefninu og hafa myndir hans glatt margan körfuboltaáhugamanninn.

Í 64. gr. sveitarstjórnarlaga (138/2011) er fjallað um viðmiðanir um afkomu og fjárhagsstöðu sveitarfélaga og tekið fram að heildarskuldir og skuldbindingar A- og B-hluta sveitarsjóðs í reikningsskilum séu ekki hærri en nemur 150% af reglulegum tekjum.

Birkir Blær Óðinsson úr Menntaskólanum á Akureyri stóð uppi sem sigurvegari í Söngkeppni framhaldsskólanna sem haldin var á Akranesi sl. laugardagskvöld. Á Rúv segir að Birkir Blær hafi heillað dómnefndina með flutningi sínum á laginu I put a spell on you eftir Screamin' Jay Hawkins.

Í dag var lista- og menningarhátíðin Sæluvika Skagfirðinga formlega sett í Safnahúsinu á Sauðárkróki að viðstöddu fjölmenni. Ljósmyndasýning Gunnhildar Gísladóttur var opnuð af því tilefni, úrslit Vísnakeppni Safnahússins kynnt og samfélagsverðlaun Skagafjarðar voru afhent. Að þessu sinni var ákveðið að veita hjónunum Árna Stefánssyni, íþróttakennara, og eiginkonu hans, Herdísi Klausen, hjúkrunarfræðingi, samfélagsverðlaun Skagafjarðar árið 2018.

Ráðstefna undir yfirskriftinni Efling kvenfrumkvöðla á landsbyggðinni var haldin í Fjölbrautaskóla Norðurlands vestra á Sauðárkróki 18. apríl sl. Var þar um að ræða endapunkt Evrópuverkefnis sem ber heitið Free (Female Rural Enterprise Empowerment) og hafði það að markmiði að styðja við bakið á frumkvöðlakonum á landsbyggðinni. Verkefnið var samstarfsverefni sex aðila frá fimm löndum. Ásdís Guðmundsdóttir hjá Vinnumálastofnun stýrði verkefninu en Byggðastofnun var samstarfsaðili á Íslandi. Um 60 manns sátu ráðstefnuna.

Tindastóll og KR mættust í fjórða leiknum í einvíginu um Íslandsmeistaratitilinn í körfubolta í kvöld í DHL-höllinni í Vesturbænum. Stólarnir þurftu nauðsynlega að vinna til að halda í drauminn en KR dugði sigur í kvöld. Sú varð raunin; lið KR var betra liðið og sigraði af talsverðu öryggi þrátt fyrir að Tindastólsmenn hafi aldrei gefist upp. Lokatölur voru 89-73 og óskum við KR til hamingju með fimmta titilinn í röð.

Nk. mánudag, 30. apríl, ætla nemendur 7. og 8. bekkjar Varmahlíðarskóla að reima á sig hlaupaskóna og hlaupa áheitahlaup, svokallaðan Hegraneshring, til styrktar Krabbameinsfélagi Skagafjarðar. Þetta er í fjórða sinn sem nemendur þessara bekkja hlaupa slíkt hlaup en fyrst var hlaupið árið 2012.