Skagafjörður

Áskorandi Linda Jónsdóttir Árgerði Sæmundarhlíð Þegar ég var að alast upp í Bolungarvík voru kindur ekki ofarlega á vinsældarlistanum hjá mér. Pabbi var með nokkrar kindur í hesthúsinu og fóru þær frekar mikið í taugarnar á mér, fannst þær vera endalaust jarmandi og hafði ekki nokkurn áhuga á þeim.

Tindastólsmenn héldu suður í Hafnarfjörðinn í gær þar sem liðið spilaði við Hauka. Stólarnir voru vel inni í leiknum fram yfir miðjan þriðja leikhluta en þá kom átta mínútna kafli þar sem liðið gerði aðeins fjögur stig á meðan heimamenn röðuðu niður körfum eins og enginn væri morgundagurinn og náðu mest 24 stiga forystu. Stólarnir klóruðu lítillega í bakkann áður en leiktíminn rann út en lokastaðan var 91-73.

Í 8. og síðasta þætti Atvinnupúlsins, sem sýndur var á sjónvarpsstöðinni N4, er rætt við Sigfús Inga Sigfússon,verkefnisstjóra Svf. Skagafjarðar; Martein Jónsson, framkvæmdarstjóra verslunar- og þjónustusviðs KS; Sigríði Svavarsdóttur, forseta sveitarstjórnar; Gunnstein Björnsson, framkvæmdastjóra Atlantic Leather; Bryndísi Lilju Hallsdóttur, verkefnastjóra hjá sveitarfélaginu og Herdísi Sæmundardóttur, fræðslustjóra. Veglegur þáttur hér á ferð.

„Við erum ansi dugleg að skiptast á um eldamennskuna og frágang, þó frágangurinn sé ekki eitthvað sem slegist er um. Það þarf ekki að koma neinum á óvart að við gleðjumst yfir góðum fisk eða fiskiréttum með ýmsum tilbrigðum. Við deilum með ykkur tveimur af okkar uppáhalds réttum sem við fengum fyrir ótrúlega mörgum árum og hafa frá þeirri stundu verið vinsælir hér á borðum,“ segja matgæðingar vikunnar í 5. tölublaði Feykis árið 2016 þau Ásdís Hrund Ármannsdóttir og Jón Helgi Pálsson á Hofsósi.

Vilhelm Vilhelmsson, sagnfræðingur frá Hvammstanga, hefur verið ráðinn forstöðumaður Rannsóknaseturs Háskóla Íslands á Norðurlandi vestra sem er eitt rannsóknasetra Stofnunar rannsóknasetra Háskóla Íslands. Megináhersla þess í rannsóknum er sagnfræði. Starfsstöð setursins er á Skagaströnd.

Bilun var í greiðslukerfum Reiknistofu bankanna í gær sem olli truflunum í heimildagjöf greiðslukorta og hraðbönkum. Einnig urðu viðskiptavinir verslana fyrir óþægindum þar sem erfitt reindist að greiða með greiðslukortum. Starfsfólk Svf. Skagafjarðar hefur ekki fengið laun sín greidd.

Nauðsynlegt er að ráðast í umfangsmikla uppbyggingu húsnæðis um allt land. Þetta er á meðal þess sem fram kemur í nýrri ályktun stjórnar Íbúðalánasjóðs, en stjórnin fundaði á Sauðárkróki í gærmorgun. Tilefni fundarins þar var opnun nýs húsnæðisbótasviðs Íbúðalánasjóðs sem varð til með yfirtöku sjóðsins á útgreiðslum húsnæðisbóta. Stjórnin samþykkti einnig að grípa til aðgerða til að bæta stöðu leigjenda sem rannsóknir sýna að búa við mun hærri húsnæðiskostnað en aðrir hópar.

Talsvert hvassviðri gengur nú yfir landið en reikna má með að það verði gengið niður um eða upp úr hádeginu. Til að mynda fór vindstyrkur við Miðsitju í 48 í hviðum á áttunda tímanum í morgun. Vindmælir við Stafá virðist hafa gefið sig í rokinu og sýnir nú engar tölur.

Búið er að reisa grind hússins við Borgarflöt 17-19 á Sauðárkróki en þar byggir félagið ÞERS Eignir ehf, iðnaðar- og geymsluhúsnæði. Húsið skiptist í 12 bil sem eru 68fm hvert um sig með fimm metra vegghæð. Eignir ehf, er í eigu tveggja para, Ragnars Helgasonar, Erlu Hrundar Þórarinsdóttur, Þrastar Magnússonar og Sigríðar Kristínar Björnsdóttur.

María Finnbogadóttir, frá skíðadeild Tindastóls er þátttakandi á HM unglinga í Alpagreinum sem fram fer þessa dagana í Davos í Sviss. Á þriðjudaginn keppti hún í stórsvigi kvenna þar sem hún stóð sig með ágætum og hafnaði í 56. sæti af 102 keppendum. Í gær keppti María svo í svigi en þar átti hún það sameiginlegt með fjölda annarra þátttakenda að ljúka ekki fyrri ferð