Skagafjörður

Eitt stærsta hagsmunamál Eyfirðinga er raforkuöryggi. Það er óþolandi staðreynd að Akureyri og Eyjafjörður allur skuli búa við raforkuskort þrátt fyrir að næg orka sé til í landinu. Áralöng barátta um úrbætur hefur litlu skilað og hafa fyrirtæki og sveitarfélög þurft að koma sér upp varaafli með díselvélum og olíukötlum sem er algjörlega úr takti við baráttuna gegn loftlagsbreytingum. Orkuskorturinn hamlar uppbyggingu atvinnulífs á Eyjafjarðarsvæðinu og á hún sér enga framtíð við þessi skilyrði enda samkeppnishæfni svæðisins skert.

Skíðasamband Íslands hefur valið í A og B landslið í alpagreinum fyrir keppnistímabilið 2018/2019. María Finnbogadóttir úr Tindastól var valin í B-landsliðið en þar þurfa iðkendur að vera undir 80 FIS punktum á heimslista í einni grein. Fjölda takmörkun er sex af hvoru kyni í liðinu. Í A landsliðinu þarf iðkandi að vera undir 40 FIS punktum á heimslista í einni grein. Fjölda takmörkun er þrír af hvoru kyni í liðinu.

Sumir sjá bara það sem þeir vilja sjá og heyra bara það sem þeir vilja heyra. Einn góður maður spurði mig um daginn: „Eru virkilega fíkniefni í Skagafirði og er fíkniefnaneysla í Skagafirði?“ Svarið við því er „JÁ“. Eða bara nákvæmlega eins og allstaðar annarsstaðar á landinu.

Nýverið auglýsti stjórn Samtaka sveitarfélaga á Norðurlandi vestra stöðu framkvæmdastjóra samtakanna lausa til umsóknar en sem kunnugt er sagði núverandi framkvæmdastjóri, Björn Líndal Traustason, starfi sínu lausu um miðjan síðasta mánuð. Alls bárust 13 umsóknir um starfið en tveir þeirra drógu umsóknir sínar til baka. Reiknað er með að ráðið verði í stöðuna á næstu vikum.

Skagafjörður geymir mikla sögu og er bæði fallegur og áhugaverður heim að sækja. Við megum vera stolt af fjölda ferðamanna sem leggja leið sína hingað. Hér er meðal annars ein af fallegustu sundlaugum landsins á Hofsósi, með stórbrotnu útsýni yfir fjörðinn og Drangey. Glæsileg söfn prýða héraðið, má þar nefna Byggðasafnið í Glaumbæ, Samgönguminjasafnið í Stóragerði og Vesturfarasetrið á Hofsósi. Fyrirtæki eins og Gestastofa sútarans á Sauðárkróki og afþreyingarfyrirtæki á borð við flúðasiglingar, eyjasiglingar og hestaleigur laða að sér ferðamenn.

Nú er tækifæri til breytinga í Skagafirði. Of lengi hafa stjórnmálin snúist um skiptingu á völdum og greiðum milli manna. Ef þú klórar mér þá klóra ég þér hefur verið mottóið undanfarin tvö kjörtímabil og þar er enginn af forystumönnum hinna hefðbundnu flokka undanskilinn. Á öllum framboðslistum er að finna traust og gott fólk og margir þar vinir mínir og samstarfsfélagar en leiðtogar flestra flokkanna þurfa hvíld.

Í aðdraganda kosninganna sem fram fara 26. maí nk. hafa framboðin haldið íbúafundi í Varmahlíð. Það hafa þeir gert áður, tekið samtalið við íbúa og haldið svo sína leið.

Nú á dögunum var úthlutað úr Sprotasjóði fyrir starfsárið 2018-2019 en sjóðurinn hefur það hlutverk að styðja við þróun og nýjungar í skólastarfi í leik-, grunn- og framhaldsskólum í samræmi við stefnu stjórnvalda og aðalnámskrá viðkomandi skólastiga. Alls hlutu 38 verkefni styrki að þessu sinni og var heildarupphæð styrkjanna rúmlega 54 milljónir kr. Að þessu sinni voru áherslusvið sjóðsins þrjú, verklegt nám, vellíðan og menntun fyrir alla. Alls bárust 83 umsóknir um styrki úr sjóðnum og var heildarupphæð umsóknanna rúmar 190 milljónir.

Það er gott að búa í Skagafirði, fjölbreytt mannlíf, einstæð náttúra og sagan við hvert fótmál. Við eigum að gera samfélagið okkar þannig úr garði að hér sé umfram allt gott að lifa í hversdagsleikanum. Það gerum við með því að leggja áherslu á að grunnþjónustan sé góð og verðlagi á henni stillt í hóf. Margt er nú þegar gott, en ennþá má ýmislegt bæta.

Helgi Freyr Margeirsson mun koma inn í þjálfarateymi meistaraflokks Tindastóls í körfubolta næsta tímabil. Aðspurður sagðist hann ekki endilega vera hættur að spila og verði líklega spilandi aðstoðarþjálfari a.m.k. fyrst um sinn. „Ég ætla bara að sjá til. Ef ég get hjálpað liðinu eitthvað með því að leika einhverjar mínútur geri ég það. Annars kemur það allt í ljós næsta vetur,“ segir hann. Feykir henti nokkrum spurningum á Helga.