Skagafjörður

Á laugardaginn var Opna Advania mótið haldið á Hlíðarendavelli þar sem spilaður var betri bolti – punktakeppni – og voru tíu lið skráð til leiks. Tveir og tveir skráðu sig saman og gilti betra skor á holu. Keppendur fengu 7/8 af leikforgjöf. Á heimasíðu Golfklúbbs Sauðárkróks segir að duglega hafi rignt á keppendur meginhluta mótsins en að sama skapi hafi vindinn lægt og hlýtt verið í veðri.

Leikfélag Sauðárkróks er nú farið að huga að vetrarstarfinu og boðar til fundar í kvöld í gamla Tengilshúsinu eða Puffins and friends að Aðalgötu 26.

Mánudagar geta stundum verið erfiðir eftir annasama helgi... þetta myndband er svolítið ég í dag:)

Í sunnudagsblíðunni í gær þá fengu Tindastólsstúlkurnar eitt af toppliðum 1. deildarinnar, HK/Víking, í heimsókn. Gengi Tindastóls hefur ekki verið gott í síðustu leikjum og hver leikurinn af öðrum tapast og það varð engin breyting á því í gær þrátt fyrir ágæta frammistöðu. Lokatölur voru 0-2 fyrir gestina.

Ný göngukort yfir svæðið á milli Skagafjarðar og Austur-Húnavatnssýslu eru nú komin út. Annað kortið nær yfir Skagann á milli Húnaflóa og Skagafjarðar, hitt yfir svæðið frá Skagafirði til Vatnsdals.

Tindastóll og Víðir mættust á Sauðárkróksvelli í dag í úrhellisrigningu en logni. Leikurinn var mikilvægur báðum liðum; Stólarnir vildu reyna að fjarlægjast botnbaráttuna en Víðismenn sáu glitta í sæti í 1. deild að ári. Leikurinn var fjörugur og þegar upp var staðið var búið að sækja boltann sex sinnum í mörkin en ferðir Víðismanna reyndust fleiri. Þetta var ekki góður dagur fyrir Ísland á körfubolta- og fótboltavellinum en fínn fyrir Stólana. Lokatölur 4-2 fyrir Tindastól.

Lestur er börnum bestur er yfirskriftin á Lestrarstefnu Skagafjarðar sem út kom nú á dögunum en frumkvæði að gerð hennar áttu deildarstjórar sérkennslu í grunnskólum fjarðarins.

Matgæðingar vikunnar í 34. tölublaði Feykis árið 2015 voru Ingveldur Ása Konráðsdóttir og Jón Benedikts Sigurðsson á Hvammstanga. Þau buðu lesendum upp á uppskrift af kjúklingarétti með Ritzkexi í aðalrétt en svokallað Nicecream í eftirrétt.

Hinrik Már Jónsson á Syðstu-Grund í Skagafirði hefur orð á sér fyrir að geta sagt margt í fáum orðum og nú er komin út ljóðabók þar sem hann glímir við þá íþrótt að semja ljóð í fáum orðum. „Orð eru dýr og þarf að fara sparlega með,“ segir í formála bókarinnar sem ber heitið Lífsmark handan fjallsins.

Nú styttist í göngur og réttir sem eru án efa viðburðir sem margir bíða með eftirvæntingu. Fyrstu réttirnar á Norðurlandi vestra verða á morgun, þann 2. september, þegar réttað verður á fjórum stöðum í Skagafirði og einum í Austur-Húnavatnssýslu. Feykir hefur nú tekið saman lista yfir réttir á svæðinu. Er hann að mestu unninn upp úr Bændablaðinu og er þar tekið fram að ekki sé ólíklegt að eitthvað sé um villur á listanum og eins geti náttúruöflin átt þátt í að breyta fyrirætlunum með stuttum fyrirvara. Ef glöggir lesendur verða varir við rangar dagsetningar væru athugasemdir vel þegnar á netfangið feykir@feykir.is.