Skagafjörður

Það er ekki laust við að það hafi orðið ansi hressileg fólksfjölgun í Fljótum í Skagafirði í gær þegar fram fór hið árlega skíðagöngumót Fljótamanna. Á Facebook-síðu mótsins segir að mótið hafi verið algerlega ótrúlegt en um 170 þátttakendur gengu í blíðu og gleði.

Jón Gísli Eyland Gíslason hefur vakið mikla athygli fyrir hæfileika sína á knattspyrnuvellinum og náði að sanna sig, þrátt fyrir ungan aldur, sem meistaraflokksleikmann hjá Tindastóli en hann spilar sem hægri bakvörður. Jón Gísli, sem er á 16. aldursári, er enn skráður leikmaður í 3. flokki og er, eins og gefur að skilja, lykilmaður þar. Þá hefur hann verið leikið átta U17 landsleiki frá því í haust, fyrst í undankeppni EM og nú í janúar í umspili fyrir sömu keppni. Jón Gísli er Íþróttagarpur Feykis að þessu sinni.

Lögreglan á Norðurlandi vestra hefur sinnt öflugu eftirlit með umferðinni sl. viku. Mikil umferð hefur verið í embættinu og allt of mikill hraðakstur að sögn lögreglu en hún hefur haft afskipti af 322 ökumönnum og kært vegna hraðaksturs. Þessi fjöldi hraðakstursmála er eitthvað sem ekki hefur sést áður á svo skömmum tíma og hvað þá þessum árstíma.

Það er óhætt að segja að árið 1918 hafi verið viðburðaríkt, ekki einungis hjá íslensku þjóðinni heldur heimsbyggðinni allri. Heimstyrjöld með tilheyrandi mannfalli, farsótt sem lagði tugi milljóna um allan heim, októberbyltingin í Rússlandi þar sem Nikulás keisari var tekin af lífi ásamt konu sinni og fimm börnum, fimbulkuldi á Íslandi, hvítabirnir gengu á land, Kötlugos, stríðslok með uppgjöf Þjóðverja og fullveldi Íslands sem varð frjálst ríki í konungssambandi við Danmörku svo eitthvað sé nefnt. Hér verður einungis forvitnast um frostakaflann sem hófst í upphafi ársins og stóð yfir í þrjár vikur.

Í gærkvöldi fóru fram árlegir Skírnardagstónleikar í Sauðárkrókskirkju og að þessu sinni voru það tveir brottfluttir Króksarar, Kristján Gísla og Ellert Jóhanns, annálaðir raddtæknar í fullorðinsflokki, sem létu ljós sín skína og skemmtu kirkjugestum með góðum söng og nokkrum vel völdum orðum.

Það er hið ágætasta veður á Norðurlandi vestra í dag, reyndar skýjað en vindur lítill og hiti yfir frostmarki. Það ætti því ekki að væsa um skíðakappa sem ýmist renna sér til ánægju á skíðasvæðinu í Tindastóli eða taka þátt í árlegu skíðagöngumóti í Fljótum sem hófst nú kl. 13:00.

Helga Gunnarsdóttir, kennari á Skagaströnd, svaraði spurningum í Bók-haldinu í páskablaði Feykis árið 2017. Helga bjó í Kaupmannahöfn fyrstu sjö árin en síðan á Hvanneyri og Selfossi þar til hún flutti að Akri í Austur-Húnavatnssýslu þar sem foreldrar hennar búa nú. Helga hefur gaman af ýmiss konar bókum, ekki síst ævintýrabókum, og tekur oft miklu ástfóstri við persónur þeirra.

Föstudagsmorguninn 16. mars mætti stór hópur jeppamanna í Skagafjörðinn á landsmót 4x4 klúbbsins á Íslandi. Farnir voru bíltúrar á fjöll bæði föstudag og laugardag og á laugardagskvöld var svo boðið upp á sameiginlegan kvöldmat í Miðgarði. Skagafjarðardeild 4x4 klúbbsins stóð að undirbúningi heimsóknarinnar og skipulagði bíltúrana. Undirrituðum var boðið með í föstudagstúrinn sem hófst við Hótel Varmahlíð en þar gisti stór hópur gestanna. Ferðasöguna er hægt að nálgast í 12. tbl. Feykis ásamt myndir en einnig var vídeóvélin á lofti og hér fyrir neðan er hægt að sjá afraksturinn.

Verið velkomin ! Á sýningaropnun á verkum Einars Fals Ingólfssonar í Gallerí Gangi, Kárastíg 9, Hofsósi laugardaginn 31. mars nk. kl. 14. Sýning Einars Fals Ingólfssonar „(Fullt hús) / Tómt hús“ verður opnuð á Ganginum, heimagalleríi Helga Þorgils Friðjónssonar, að Kárastíg 9 á Hofsósi, laugardaginn 31. mars kl. 14-17.

Það varð loks ljóst í gærkvöldi hverjir yrðu andstæðingar Tindastóls í undanúrslitum Dominos-deildarinnar þegar deildarmeistarar Hauka mörðu spræka Keflvíkinga í oddaleik í Hafnarfirði. Þar sem þau fjögur lið sem enduðu í efstu fjórum sætunum í deildinni eru öll komin áfram þá mæta Haukar liðinu í fjórða sæti, KR, og ÍR, sem vermdi annað sætið, fær lið Tindastóls í heimsókn.