Skagafjörður

Í fyrradag voru haldin Hrekkjavökuböll í Húsi frítímans á Sauðárkróki fyrir nemendur í 3.-4. bekk og 5.-7. bekk grunnskólanna í Skagafirði. Ballgestir voru hvattir til að mæta hræðilegir og að sjálfsögðu var valinn hræðilegasti búningurinn. Á balli eldri hópsins var það Óðinn Freyr Gunnarsson, 11 ára Króksari, sonur Guðbjargar Óskarsdóttur og Gunnars Páls Ólafssonar, sem bar sigur úr býtum. Feykir fékk að leggja nokkrar spurningar fyrir vinningshafann.

Nú eftir dramatísk stjórnarslit er blásið til kosninga til Alþingis eftir þriggja ára kjörtímabil. Við í Framsókn göngum til kosninga af jákvæðni og bjartsýni. Jákvæð af því að við höfum góða sögu að segja. Bjartsýn því við sjáum að við erum á réttri leið út úr efnahagslægð síðustu missera og áfalla. Við höldum áfram og segjum „þetta er allt að koma!“ Það er vegna þess að við höfum verkfæri og hæfni til að standa við þau orð.

Umræða um lágvöruverslanir á Norðurland vestra hefur verið nokkur að undanförnu. Þannig lagði Álfhildur Leifsdóttir, fulltrúi VG í skipulagsnefnd Skagafjarðar, fram tillögu um miðjan október þar sem lagt var til að „... sveitarstjórn nýti sér 8. grein úthlutunarreglna Skagafjarðar um vilyrði til að skipuleggja sérstaklega hentuga lóð fyrir lágvöruverslun.“ Í aðsendri grein í Feyki segir Álfhildur að tillagan hafi jafnframt gengið út á að lóðin verði með ívilnunum þar sem felld yrðu niður eða veittur verulegur afsláttur af lóða- og gatnagerðagjöldum en fordæmi væru í sveitarfélaginu fyrir ívilnunum af slíku tagi.

Það er þokkalegur stórleikur í körfunni í kvöld en þá mæta Stólastúlkur erkifjendunum í liði Þórs en leikurinn fer fram í Höllinni á Akureyri og hefst kl. 19:15. „Leikurinn leggst mjög vel í okkur, það er alltaf ákveðin spenna að fara á Akureyri,“ sagði Klara Sólveig Björgvinsdóttir fyrirliði Tindastóls þegar Feykir spurði út í leikinn. „Ég á von á hörkuleik, Þórs stelpurnar eru vanar að berjast þannig ég held að þetta verði mjög skemmtilegur leikur.“

Vaxandi umræða um það hvort rétt sé fyrir okkur Íslendinga að vera áfram aðilar að EES-samningnum er afar skiljanleg þó Hanna Katrín Friðriksson, þingflokksformaður Viðreisnar, telji hana óskiljanlega samanber pistill hennar í Morgunblaðinu á dögunum þar sem hún hélt því enn fremur meðal annars fram að án samningsins færum við aftur í torfkofana. Eða eins og hún kaus að orða það: „Eins og það sé einhver glóra í því fyrir þjóð sem á allt sitt undir viðskiptum við önnur lönd að forða sér aftur inn í torfkofana.“

Starfsfólk Árskóla harmar það að sveitarfélagið Skagafjörður hafi ætlað sér að halda starfsemi leikskólans Ársala gangandi í þeim verkfallsaðgerðum félagsmanna KÍ sem þar starfa.

Kennarafélag Fjölbrautaskóla Norðurlands vestra fundaði þriðjudaginn 29. október til stuðnings leikskólakennurum í Ársölum og sendi í kjölfarið eftirfarandi ályktun og áskorun til sveitarstjóra, sveitarstjórnar og sviðsstjóra fjölskyldusviðs Skagafjarðar.

Una Aldís býr á Hólaveginum á Króknum, er gift Stefáni Guðmundssyni og eiga þau þrjá syni. Tveir eru farnir suður í háskóla en sá yngsti enn heima. Una vinnur hjá KPMG, spilar blak með Krækjum og mætir eldsnemma í ræktina 550 með hinum morgunhönunum.

Byggingarnefnd menningarhúss á Sauðárkróki fundaði 8. október síðastliðinn en nefndina skipa einn fulltrúi frá hverjum flokki sem sæti á í sveitarstjórn. Á fundinum var farið yfir drög að forvalsgögnum vegna þátttökurétts í lokaðri hönnunarsamkeppni vegna nýs menningarhúss á Sauðárkróki. Fulltrúar frá VSÓ ráðgjöf fóru yfir ferlið og í lok fundar samþykkti byggingarnefnd samhljóða að ráðast í forval. En hvað þýðir þetta nú? Feykir forvitnaðist um það hjá Einari E. Einarssyni forseta sveitarstjórnar.

Í bréfi til sveitarstjóra, fræðslusviðs og leikskólastjóra sveitarfélagsins Skagafjarðar lýsa Inga Jóna Sveinsdóttir og Hafdís Einarsdóttir, foreldrar, starfandi kennarar og fulltrúar í foreldraráði Ársala, yfir óánægju með að sveitarfélagið hafi skipulagt opnun leikskólans Ársala í dag þrátt fyrir verkfallsaðgerðir KÍ. „Við teljum ekki réttlætanlegt að hafa deildir opnar, með skertri starfsemi, þegar deildarstjóra vantar á deildir þar sem hann stýrir faglegu starfi hverrar deildar fyrir sig,“ segir m.a. í bréfinu.