Skagafjörður

Hreyfiviku UMFÍ lauk sl. sunnudag. Komst Ísland á topp tíu lista í Evrópu yfir fjölda viðburða en um fimmhundruð viðburðir fóru fram víðs vegar um landið. Á heimasíðu Húnaþings vestra segir að viðburðir þar hafi verið vel sóttir og alls hafi um þúsund manns lagt leið sína í Íþróttamiðstöðina þar.

Forseti Íslands, Ólafur Ragnar Grímsson, afhenti í morgun umhverfisverðlaun atvinnulífsins á umhverfidegi atvinnulífsins sem nú stendur yfir á Hilton Reykjavík Nordica. Þar var Steinull hf. á Sauðárkróki valið umhverfisfyrirtæki ársins 2015.

Úlfar Hinriksson, þjálfari U17 landsliðs kvenna, hefur valið 18 leikmenn til að taka þátt í undanriðli EM sem leikinn verður í Svarfjallalandi 20. -28. október. Þar á meðal er Skagfirðingurinn Laufey Harpa Halldórsdóttir sem leikur með Tindastóli.

Tindastólsmenn sóttu Þórsara heim í Þorlákshöfn í kvöld í átta liða úrslitum Lengjubikarkeppninnar. Með sigri hefðu Stólarnir boðið stuðningsmönnum sínum upp á ærlegt partí í Síkinu um komandi helgi því úrslitaleikir Lengjubikarsins verða spilaðir á Króknum. Það var því súrt að Þórsarar reyndust sterkari í kvöld og slógu Stólana út með 10 stiga sigri, 85-75.

Í kvöld kl. 19:15 ætla drengirnir meistaraflokki Tindastóls að sækja Þór Þorlákshöfn heim en þetta leikur í 8 liða úrslitum Lengjubikarsins í körfu. Sunnlenskir Tindstælingar eru hvattir til að fjölmenna og hvetja sína menn til sigurs.

Markaðsstofa Norðurlands er nú orðinn tengiliður ferðaþjónustunnar á Norðurlandi við Vegagerðina. Samkvæmt fréttatilkynningu frá Markaðsstofunni gefur þetta samkomulag, sem gert var við Vegagerðina, ferðaþjónustunni tækifæri á að koma á framfæri sínum áherslum varðandi þjónustu, viðhald og uppbyggingu vegakerfisins.

Fimmtudaginn 8. október n.k. munu nemendur í 9. bekk Grunnskólans austan Vatna vera með pizzuhlaðborð á Ketilási. Pizzahlaðborðið er fjáröflunarverkefni þeirra en þau eru að fara á Lauga í Sælingsdal í febrúarbyrjun.

Á heimasíðu Húss frímtímans er sagt frá því að nú styttist í að vetrarstarf eldri borgara í Skagafirði geti hafist í húsinu, en þar hafa framkvæmdir staðið yfir. Hefst félagsstarfið á mánudaginn í næstu viku, þann 5. október með félagsvist og bridge. Á miðvikudeginum, 7. október, byrjar leikfiminámskeið sem Guðrún Helga Tryggvadóttir einkaþjálfari kennir milli kl 10 og 11.

Haustrallý BÍKR fór fram núna um helgina í afleitu verðri, roki og úrhellisrigningu. Keppendur létu það þó ekki á sig fá en 14 áhafnir hófu keppni á laugardags morguninn. Baldur Haraldsson og Aðalsteinn Símonarson urðu fyrir því óhappi að spindilkúla gaf sig og þeir höfnuðu utan vegar og féllu úr leik. Þrátt fyrir þetta óhapp leiða þeir enn Íslandsmótið.

Feðgarnir í Tindatríóinu, þeir Atli Guðlaugsson, Bjarni Atlason og Guðlaugur Atlason, ásamt Sveini Arnari Sæmundssyni píanóleikara og söngvara, leggja land undir fót og skemmta Norðlendingum um næstu helgi.