Skagafjörður

Stjórn Landssambands kúabænda hefur gengið frá ráðningu Margrétar Gísladóttur, sem er frá Glaumbæ í Skagafirði, sem framkvæmdastjóra LK frá og með næstu mánaðamótum, en þá mun Baldur Helgi Benjamínsson láta af störfum eftir 10 ár hjá LK.

Aðalfundur Leikfélags Sauðárkróks verður haldinn í kvöld, miðvikudagskvöldið 8. júní, kl 20:00. Fundarstaður hefur verið færður til og verður fundurinn í Jarlsstofu á neðstu hæð Hótel Tindastóls, en ekki á Kaffi Krók eins og auglýst hafði verið.

Helgin var róleg hjá Lögreglunni á Norðurlandi vestra, og allt með kyrrum kjörum, þrátt fyrir hátíðarhöld vegna sjómannadagsins, að sögn vakthafandi lögreglumanns sem Feykir hafði samband við í gær .

Sveitarfélagið Skagafjörður efnir til umhverfisdaga um komandi helgi, 10. - 12. júní. Takmarkið er að fá snyrtilegra og fegurra umhverfi. Því er mikilvægt að íbúar taki höndum saman, tíni rusl og snyrti til í og við lóðir sínar og á nærliggjandi opnum svæðum.

Eins og Feyki hefur ítrekað fjallað um var póstdreifingardögum fækkað í dreifbýli 1. apríl sl. Sveitarfélög, fyrirtæki og ýmis hagsmunasamtök hafa sent frá sér ályktanir vegna þessa. Meðal annarra aðalfundur Landssambands kúabænda 2016, sem samþykkti svofellda ályktun um póstþjónustu, sem send var til Íslandspósts:

Konur á öllum aldri lét þokuna á laugardaginn ekkert á sig fá, heldur fjölmenntu í Sjóvá Kvennahlaup ÍSÍ á Sauðárkróki. Þegar þátttakendur höfðu nælt sér í í einkennisboli hlaupsins hófst upphitun við Sundlaug Sauðárkróks, undir stjórn Árna Stefánssonar. Var síðan hlaupið af stað, og vegalengdir og hraði eftir getu hvers og eins. Að sögn Völu Hrannar Margeirsdóttur, sem sér um hlaupið annað árið í röð, ásamt þeim Margréti Helgu Hallsdóttur og Önnu Hlín Jónsdóttur, voru um 120 þátttakendur á Sauðárkróki.

Þriðjudaginn 7. júní 2016 komu félagar í Veðurklúbbnum á Dalbæ saman til fundar í blíðskaparveðri, sólskini og 15 stiga hita, en í síðustu spá veðurklúbbsins hafði einmitt verið gert ráð fyrir góðu veðri þennan dag.

Fyrsta umferð í Íslandsmótinu í rallý var ekin í blíðskaparveðri á Suðurnesjum dagana 3. og 4. júní en keppnin var haldin af Akstursíþróttafélagi Suðurnesja. Mikil spenna var í loftinu strax í upphafi, fjórtán áhafnir voru skráðar til leiks og ljóst var að barist yrði um verðlaunasæti.

Siglingaklúbburinn Drangey hefur óskað eftir að fá að setja niður heitan pott við smábátahöfnina við Suðurgarð á Sauðárkróki. Pottinum er ætlað það hlutverk að þjóna börnum og unglingum á siglinganámskeiðum og öðrum þeim sem heimsækja klúbbinn og vilja nýta sér aðstöðu hans. Þetta kemur fram í fundargerð Skipulags- og byggingarnefndar Sveitarfélagsins Skagafjarðar frá því í morgun.

Lið Tindastóls tók á móti Knattspyrnufélagi Rangæinga (KFR) á Hofsósi í gær. Tindastólsmenn höfðu unnið síðustu tvo leiki sína í 3. deildinni og bættu þeim þriðja við með góðum leik en lokatölur urðu 4-0. Feðgarnir Gísli Eyland Sveinsson og Jón Gísli Eyland Gíslason tóku báðir þátt í leiknum í gær.