Skagafjörður

Arnþór Freyr Guðmundsson mun ekki leika með körfuknattleiksliði Tindastóls í seinni umferð Domino's deildarinnar. Samkvæmt fréttatilkynningu frá körfuknattleiksdeildinni tengist ákvörðunin ekki Arnþóri Frey sjálfum heldur megi rekja ákvörðunina til fjárhagsaðstæðna deildarinnar.

Hálka eða hálkublettir eru á Norðurlandi. Norðaustan 8-13 m/s og dálítil snjókoma eða slydda er á Ströndum og Norðurlandi vestra, en þurrt að kalla á morgun. Hiti kringum frostmark.

Kjöri á Manni ársins á Norðurlandi vestra lýkur kl. 12 á hádegi í dag, 4. janúar. Kosningin fer fram á forsíðu feyki.is. Í þetta skiptið bárust sjö tilnefningar til titilsins og er kosið á milli þeirra sem hér eru nefndir í kosningunni Maður ársins á Norðurlandi vestra 2015.

Tónlistarmaðurinn Geirmundur Valtýsson var í dag sæmdur heiðursmerki hinnar íslensku fálkaorðu, við hátíðlega athöfn á Bessastöðum. Orðuna hlaut Geirmundur fyrir framlag sitt til íslenskrar tónlistar og heimabyggðar.

Feykir óskar lesendum sínum, viðmælendum, velunnurum og landsmönnum öllum gleðilegs og gæfuríks nýs árs og þakkar samstarfið á árinu sem er að líða. Meðfylgjandi eru nokkrar myndir frá áramótabrennunni og glæsilegri flugeldasýningu björgunarsveitarinnar Skagfirðingasveitar á Sauðárkróki í kvöld.

Áramótaþáttur FeykisTV og Skotta Film, Síðast en ekki síst, var tekinn upp í morgun og er nú kominn í loftið. Fyrstu gestir þáttarins eru Bergrún Sóla Áskelsdóttir, skemmtanastjóri NFNV og Ingileif Oddsdóttir, skólameistari FNV. Þá er rætt við Árna Stefánsson, íþróttakennara og umsjónarmann Skokkhópsins á Sauðárkróki og Kára Marísson körfuboltamann og húsvörð í Árskóla. Loks koma yngstu menn í Heimi, þeir Gísla Laufeyjar og Höskuldsson og Sæþór Már Hinriksson, í sófann.

Undirbúningur og framkvæmdir á tilvonandi landsmótssvæðinu að Hólum í Hjaltadal gengur vel og kominn er hugur í hestamenn fyrir landsmóti næsta sumar, ef marka má ganginn í forsölumiða á mótið. „Aldrei hafa jafnmargir keypt miða í forsölu og nú, en um helmingi fleiri hafa nýtt sér forsöluverðin í ár en áður og sala gjafabréfa hefur sömuleiðis náð nýjum hæðum,“ segir í fréttatilkynningu.

Samkvæmt upplýsingum frá Veðurstofunni og Vegagerðinni hefur veðrið í Skagafirði versnað mjög á síðustu klukkutímum. Björgunarsveitin Skagfirðingasveit er í viðbragðsstöðu en engar hjálparbeiðnir höfðu borist nú fyrir stundu þegar Feykir hafði samband við sveitina.

Vonskuveður hefur gengið yfir landið í nótt og í morgun. Lægðin er nú yfir landinu, rétt 930 millibör. Samkvæmt Veðurstofu Íslands er stormur í kringum Tröllaskaga og Skagaströnd núna um hádegisbil. Spáð er vaxandi suðvestanátt, 18-28 m/s upp úr hádegið, hvassast á annesjum, en hægari í kvöld. Hiti um og yfir frostmarki.

Hið árlega Gamlársdagshlaup verður þreytt samkvæmt venju frá Íþróttahúsinu á Sauðárkróki á morgun síðasta degi ársins en lagt verður af stað klukkan 13:00. Vegalengdir að eigin vali, þó að hámarki 10 km. Allir eru hvattir til að taka þátt, fólk getur gengið, skokkað eða hjólað allt eftir eigin höfði.