Skagafjörður

Fjórða liðið sem mun taka þátt í KS-Deildinni í ár er Íbess-Hleðsla. Liðstjóri er Jóhann B. Magnússon og með honum er Magnús Bragi Magnússon, Ísólfur Líndal Þórisson og Anna Kristín Friðriksdóttir.

Stjórn Samtaka sveitarfélaga á N orðurlandi vestra, SSNV, hefur sent frá sér ályktun þar sem harðlega er mótmæli þeirri ákvörðun Póst-og fjarskiptastofnunar að heimila Íslandspósti að draga úr póstdreifingu í aðildarsveitarfélögunum sjö sem standa að SSNV.

Í Sjónhorninu þann 28. janúar sl. var auglýstur fundur um samfélagsleg áhrif virkjana í Skagafirði. Ég hafði ekki tök á að sækja þann fund, en auglýsingin vakti hjá mér sterkar og áleitnar hugsanir um framtíðarsýn þessa dýrmæta og tækifæraþrungna héraðs okkar, sem býður opinn faðminn til margskonar samvinnu lands og lýðs.

Það er ekki á hverjum degi sem Feykir fær heimsóknir frá syngjandi kátum vampírum og nornum, Bat- og köngulóarmönnum, prinsessum og og hvað þá Almari í kassanum. Ef einhverjir voru ekki klárir á því hvaða dagur var þá varð snemma ljóst að það var runninn upp enn einn yndislegur öskudagur, fullur af gleði og söng.

Eldur kviknaði í vélsleða á Sauðárkróksbraut sunnan við Sauðárkrók, skammt hjá Félagsheimilinu Ljósheima, í dag. Samkvæmt upplýsingum frá Brunavörnum Skagafjarðar urðu engin slys á fólki og slökkvistarf gekk greiðlega. Vélsleðinn er ónýtur.

Sagt er að öskudagur eigi sér átján bræður og sé eitthvað til í því þurfa íbúar á Norðurlandi vestra ekki að kvíða veðurfarinu næsta rúman hálfa mánuðinn, þó vissulega væri nokkuð kalt í morgun.

Fyrirtækið Steinull hf. á Sauðárkróki fékk nýlega viðurkenningu frá VÍS fyrir góðan árangur í forvörnum og öryggismálum. Einar Einarsson framkvæmdastjóri Steinullar veitti verðlaununum viðtöku frá Sigrúnu Rögnu Ólafsdóttur forstjóra VÍS. Afhendingin fór fram á forvarnaráðstefnu VÍS og Vinnueftirlitsins á Grand Hóteli í Reykjavík síðastliðin fimmtudag.

Næsti fyrirlestur í fyrirlestraröðinni „Vísindi og grautur“ verður haldinn heima á Hólum í stofu 202, miðvikudaginn 10. febrúar nk. Guðrún Helgadóttir prófessor heldur erindi sem hún kallar: „Samfélagsleg áhrif ferðaþjónustu, þrjú tilvik úr dreifbýli“.

Á fundi fræðslunefndar Sveitarfélagsins Skagafjarðar þann 2. febrúar 2016 ítrekaði nefndin fyrri bókanir sínar um mikilvægi þess að framkvæmdum við nýja deild leikskólans Birkilundar verði hraðað svo sem verða má. Lýsti nefndin jafnframt áhyggjum af því hve verkið hefur dregist.

Nú er komið að vetrarfríi í skólunum í Skagafirði og breytist opnunartími sundlaugarinnar í Varmahlíð á meðan það stendur yfir. Fimmtudaginn 11. febrúar verður opið milli kl 14 og 21 og föstudaginn 12. febrúar verður lokað.