Skagafjörður

Ákveðið hefur verið útaf slæmri veðurspá að fresta fundinum sem vera átti næstkomandi sunnudag 17.mars til sunnudagsins 7. apríl. Allt annað er óbreytt. „Áhugafólk um forystufé úr öllum áttum mætir, hefur gaman saman og spjallar um (forystu-)heiminn og geiminn. Ekki síst um umdeilt efni á borð við blendinga, forystufé í göngum, skilgreiningu út frá ættum eða eiginleikum eða útliti. Við skoðum fé, hlustum á sögur, deilum reynslu, spyrjum spurningar og fræðumst á skemmtilegan hátt!“

Skipulagsfulltrúi Skagafjarðar auglýsir tillögu að breytingu á aðalskipulagi, Afþreyingar- og ferðamannasvæði á Sauðárkróki og tillögu að deiliskipulagi, Tjaldsvæðið við Sauðárgil. Hér að neðan má m.a. sjá kynningarmyndband sem útskýrir deiliskipulagstillöguna ítarlega.

Á fréttavefnum Huni.is segir að sveitarstjórn Húnabyggðar fagni því að samningar hafi náðst á vinnumarkaði og er hún reiðubúin til að leggjast á árarnar um að samstaða náist um mál er varða aðkomu sveitarfélaga á samningunum. Sveitarstjórnin ætlar að bjóða upp á gjaldfrjálsar skólamáltíðir fyrir grunnskólabörn frá og með næsta hausti og til loka samningstíma samninganna en með þeim fyrirvara að ríkisvaldið komið að málum eins og lagt er upp með. Þá leggur sveitarstjórnin áherslu á að tryggja þurfi aðkomu ríkisins til framtíðar að málaflokknum svo kostnaður lendi ekki í fanginu á sveitarfélögum að samningstímanum loknum.

Í gær hófust sýningar á leikritinu Garðabrúðan hjá 10. bekk í Árskóla en þau hafa unnið hörðum höndum síðustu vikur með að koma þessu heim og saman.  Gaman er að segja frá því að fullt var á fyrstu sýninguna hjá krökkunum og mæli ég eindregið með þessari sýningu. Leikstjórar eru þau Sigurlaug Vordís Eysteinsdóttir og Eysteinn Ívar Guðbrandsson og virðist þetta tvíeyki skothelt þegar kemur að uppsetningu leikrita. Næsta sýning er í dag kl. 17 og er miðasalan opin frá kl. 14:00-17:00. Nú er um að gera að skella sér á leikrit hjá 10. bekk og sjá þessa ungu og efnilegu krakka sýna hvað þau eru glæsileg.

Í dag, 14. mars kl. 17:00 heldur 10. bekkur sitt árlega páskabingó í matsal skólans. Miðað við fjallið af vinningum sem nemendur hafa safnað í hús geta margir glaðst með hjálp bingóspjaldanna! Í ár er svo boðið upp á nýjung: nemendur í 10. bekk bjóða upp á barnapössun! Spjaldið kostar kr. 1.000 og sömuleiðis barnapössun.

Á Facebooksíðu Björgunarveitin Skagfirðingasveit segir að um helgina verði allt fullt af björgunarsveitartækjum í Skagafirði og nágrenni en halda á Tækjamót Slysavarnarfélagsins Landsbjargar hér à svæðinu. Félagar úr björgunarsveitum frá Húnavatnssýslu og Skagafirði hafa undanfarnar vikur lagt hart að sér við að skipuleggja mótið en um 260 manns eru skràðir og fylgir þeim gríðarmagn af tækjum.

Karlakórinn Söngbræður heldur tónleika í félagsheimilinu á Hvammstanga laugardaginn 16. mars kl. 16:00. Stjórnandi kórsins er Viðar Guðmundsson og um píanóleik sér Kjartan Valdemarsson. Miðaverð er kr. 3000 og posi verður á staðnum.

Þriðjudaginn 12. mars var þriðja mótið í Kaffi Króks mótaröðinni haldið í aðstöðu Pílukastfélags Skagafjarðar og tóku 17 keppendur þátt í þetta sinn. Spilað var í þrem riðlum og stóð Þórður Ingi Pálmarsson uppi sem sigurvegari í A-riðli, Reynir Hallbjörnsson vann B-deildina og Andri Þór Árnason vann C-deildina. Hæsta útskot kvöldsins átti svo hinn ungi Axel Arnarsson með 121 stig.

Býrð þú á Norðvesturhluta Íslands? Ertu innflytjandi og skilur íslensku? Vilt þú taka þátt í að móta Safer Northwest með öllum helstu hagsmunaaðilum á svæðinu? Safer North West er svæðisbundið samráð gegn ofbeldi, öðrum brotum og stuðla að bættri þjónustu fyrir jaðarsetta hópa. Á vinnustofunni verður mikið rætt um málefni barna og ungmenna, jaðarsetta hópa, þjónustu við fólk með geðræn vandamál sem og ofbeldi í nánum samböndum.

Aðalfundur Félags kúabænda í Skagafirði 2024 var haldinn 20. febrúar sl.,vel var mætt á fundinn og Rafn Bergsson formaður nautgripadeildar BÍ var gestur fundarins. Veittar voru viðurkenningar fyrir góðan árangur og formannsskipti urðu, Guðrún Þórdís Halldórsdóttir bóndi á Ytri-Hofdölum var kosin formaður og gaman að segja frá því að hún er þriðji kvenmaðurinn í þeirri stöðu og einnig þriðja Guðrúnin.