Skagafjörður

Stólastúlkur sóttu sigur á Suðurnesið í kvöld þegar þeir sóttu lið Grindvíkinga heim. Lið Grindvíkinga var í sjöunda sæti Lengjudeildarinnar fyrir leikinn en Tindastóll í þriðja. Staðan á toppi deildarinnar er hrikalega jöfn og spennandi og ljóst að liðin mega lítið misstíga sig. Það gerðu Stólastúlkur að sjálfsögðu ekki og gerðu tvö mörk á lokakafla leiksins og útslitin því 0-2.

Í gær var auglýst laust til umsóknar starf forstjóra Byggðastofnunar. Snemma á árinu var Aðalsteinn Þorsteinsson, þáverandi forstjóri Byggðastofnunar, settur forstjóri Þjóðskrár Íslands tímabundið. Samtímis var Arnar Már Elíasson settur tímabundið í embætti forstjóra Byggðastofnunar en hann var áður staðgengill forstjóra. Í vor var Aðalsteinn síðan skipaður skrifstofustjóri í innviðaráðuneytinu og mun þar af leiðandi ekki hverfa aftur til Byggðastofnunar.

Nú styttist í Húnavöku og dagskráin komin út. Á dagskrá eru bíngó til styrktar meistaraflokks Kormáks/Hvatar, myndlistasýningin FLÓI, Veltibíllinn í boði Sjóvá, bókamarkaður og glæsileg fjölskyldudagskrá.

Af óviðráðanlegum ástæðum seinkar útgáfu Sjónhornsins og Feykis í þessari viku og eru áhangendur, auglýsendur og áskrifendur beðnir afsökunar á því. Miðlarnir fara að öllum líkindum í dreifingu á morgun, fimmtudag, og ættu því allflestir á drefingarsvæðinu að vera komnir með Sjónhornið í hendur fyrir helgi eins og vanalega.

Um klukkan 18:50 í gærkvöldi var björgunarsveitin í Skagafirði kölluð út. Hundurinn Þoka, hundur Steinars Gunnarssonar, hafði þá hætt sér of nærri klettabrún við Gönguskarðsána og fallið fram af klettinum niður tæpa 20 metra í gilið og lent í grýttri urð, rann hún þar niður að flæðarmáli.

Mótið hefst föstudaginn 8. júlí, kl. 21:00. Fjölbreytt dagskrá alla helgina! Laugardaginn kl. 17:00 verður kristniboðssamkoma Sunnudag kl. 11:00 verður messa í Glaumbæjarkirkju. Predikari er Leifur Sigurðsson kristniboði.

Sunnudaginn 10. júlí kl.14 verður hin árlega sumarmessa haldin í Knappstaðakirkju og eru hestamenn sérstaklega hvattir til að mæta á fákum sínum. Stefán Gíslason spilar undir almennan safnaðarsöng. Sr. Gísli Gunnarsson þjónar. Að messu lokinni verður boðið upp á kaffi í kirkjugarðinum.

Það var toppslagur í B-riðli 4. deildar í gærkvöldi þegar Tindastólsmenn sóttu kappana í liði KFK heim. Leikið var í Fagralundi í Kópavogi og ljóst að sigurliðið væri komið í lykilstöðu í riðlinum. Liðin höfðu gert 1-1 jafntefli á Króknum í fyrstu umferðinni í sumar og þá var ljóst að mótherjinn hafði á að skipa vel spilandi liði. Það fór svo í gær að þeir reyndust örlítið sterkari á svellinu og uppskáru 3-2 sigur.

„Sumrin eru ávallt nýtt vel til framkvæmda og er sumarið í ár þar engin undantekning,“ segir í frétt á Skagafjörður.is. „Nýjar götur og ný hús rísa og fjölbreyttar framkvæmdir erum í gangi um allan Skagafjörð.“

Það er nokkuð um liðið síðan Feykir skaust með lesendur sína út fyrir landsteinana til að kynnast degi í lífi brottflutts. Nú tökum við því gott tilhlaup og stökkvum alla leið til Káliforníu eins og fylkið heitir í Lukku-Láka bókunum. Í höfuðborg fylkisins, Sacramento, tekur Björk Ólafsdóttir á móti lesendum og við skulum ímynda okkur að hún taki á móti okkur heima hjá sér því tæki hún á móti okkur í vinnunni er ekki víst að við höfum átt góðan dag – hún er nefnilega bráðalæknir.