Skagafjörður

Það er Rósanna Valdimarsdóttir sem skipar 4. sætið á lista Sjálfstæðisflokksins í Skagafirði sem svarar spurningum Feykis í aðdraganda sveitarstjórnarkosninga. „Ég er dóttir Valdimars Bjarnasonar og Ragnhildar Halldórsdóttur. Ég á tvö systkini, Birnu sem er kúabóndi í Glaumbæ og Sindra sem er smiður og rafvirki á Ólafsfirði. Ég er fædd og uppalin í Skagafirði og hef búið lengst af á Fitjum í Lýtingsstaðahreppi en við erum einmitt að kaupa jörðina af foreldrum mínum. Í dag starfa ég sem rekstraraðili á gistiheimilinu Hlín á Steinsstöðum.“

Fiðringur á Norðurlandi fór fram í fimmta sinn í Menningarhúsinu Hofi á Akureyri þann 6. maí sl. Í frétt á vef SSNV er sagt frá því að í ár tóku níu grunnskólar af Norðurlandi þátt í viðburðinum, þar á meðal tveir skólar af Norðurlandi vestra; Grunnskóli Húnaþings vestra og Varmahlíðarskóli.

Kæmi til þess að Ísland gengi í Evrópusambandið myndum við Íslendingar greiða meira í sjóði þess en skilaði sér til baka eins og til dæmis Pawel Bartoszek, formaður utanríkismálanefndar Alþingis og þingmaður Viðreisnar, gekkst við nýverið í hlaðvarpinu Lyklavöldin. Þar á meðal í bæði landbúnaðar- og byggðastyrki. Ástæðan er einkum miklar þjóðartekjur okkar miðað við það sem gerist víðast hvar innan sambandsins. Þar myndi muna fleiri milljörðum króna árlega.

Körfubolta rússíbaninn hélt áfram í gærkvöldið. Tindastóll lagði Stjörnuna í fimmtu lotu og er kominn í úrslitaseríu á móti Grindavík. Blaðamaður Feykis var á svæðinu og tók gesti tali fyrir leik og í hálfleik og smellti af nokkrum myndum. Almennt var fólk á því að Stólarnir myndu hafa þetta.

Tindastólsmenn tryggðu sér réttinn til að spila til úrslita um Íslandsmeistaratitilinn í körfubolta í gærkvöldi þegar strákarnir okkar unnu nokkuð öruggan níu stiga sigur á grjóthörðum Garðbæingum. Stólarnir spiluðu vel í fyrri hálfleik og leiddu með 20 stigum í hálfleik en gestirnir höfðu engu að tapa í síðari hálfleiknum og gerðu sitt besta en náðu muninum mest niður í sjö stig þegar 97 sekúndur voru eftir. Nær komust þeir ekki og troðfullt Síkið fagnaði innilega góðum sigri. Lokatölur 100-91 og það verða bestu lið Bónus deildarinnar í vetur, Grindavík og Tindastóll, sem mætast í úrslitum.

Sveinn Sigfússon, sem flestir Skagfirðingar þekktu sem Svenna Siffa, lést 4. maí en hann lenti í alvarlegu umferðarslysi í desember síðastliðnum. Svenni fæddist 5. ágúst1946 en hann var sonur Hólmfríðar Sveinsdóttur og Sigfúsar Svarfdal Guðmundssonar. Svenni var öflugasti leikmaður Tindastóls á upphafsárum körfuboltans á Króknum. Útför hans verður gerð frá Sauðárkrókskirkju þann 27. maí.

Kosningar eru krossgötur. Þetta eru tímamót þar sem við þurfum að spyrja okkur stórra spurninga og ég ætla að byrja á þeirri spurningu sem brennur á mér. Er Skagafjörður að fljóta sofandi að feigðarósi?

Hjólað í vinnuna var formlega sett í 24. sinn í Gestastofu Elliðaárstöðvar þriðjudaginn 5. maí sl. Á dagskrá voru hressileg hvatningarávörp góðra gesta. Willum Þór Þórsson, forseti ÍSÍ, bauð gesti velkomna og sagði stuttlega frá verkefninu og þróun þess.

Það er Elfa Björk Víðisdóttir sem svarar spurningum Feykis en hún skipar 3. sætið á lista Miðflokksins í Skagafirði. „Ég er fædd og uppalin á Húsavík en flutti í Skagafjörð fyrir um tveimur árum. Ég er gift Birki Erni Kristjánssyni og saman eigum við tvö börn. Auk þess rekum við fjögur fyrirtæki saman,“ segir Elfa.

Kirkjuþing íslensku þjóðkirkjunnar lýsir yfir þungum áhyggjum af stöðu mála að Hólum í Hjaltadal. Starfsemi ríkisins á staðnum hefur dregist mjög saman, viðhald bygginga verið vanrækt og umhirðu ábótavant. Mikilvægt er að ríkisvaldið marki Hólastað skýra stefnu til framtíðar í samráði við sveitarstjórn og að staðnum verði sýndur sá sómi sem honum ber.