Skagafjörður

Síðast fórum við yfir hnöttinn alla leið til Ástralíu og töluðum við Hönnu Kent. Að þessu sinni skruppum við fram í mekka Skagafjarðar, Varmahlíð. Þar situr fyrir svörum Sirrý Sif Sigurlaugardóttir, félagsráðgjafi og doktorsnemi við Félagsráðgjafardeild Háskóla Íslands, eiginkona og móðir. Spurningin er hvort doktorsnemi hafa tíma til að lesa eitthvað annað en námsbækur. Við sendum Bók-hald á Sirrý til að komast að því.

Matgæðingur vikunnar í tbl 13, 2024, var Guðrún Ólafsdóttir á Kríthóli í Skagafirði en hún fékk áskorun frá Eyrúnu Helgadóttur sem býr á Akurbrekku í Húnaþingi vestra. Guðrún er gift Sigþóri Smára Sigurðssyni og þau eiga saman tvær stelpur, þær Rebekku Ósk og Snæbjörtu Ýr.

Systurnar Ragna og María Valdimarsdætur sem búa á Bárustígnum á Króknum eiga einn Miniature Schnauzer sem heitir Tobbi. Þær eru dætur Valdimars Péturssonar og Evu Kuttner en þau fluttu á Krókinn sumarið 2022 en bjuggu áður í Hrafnagili í Eyjafjarðarsveit. Móðir stelpnanna segir að það hafi víst aldrei verið planið að eignast hund en eftir að þau fluttu á Krókinn þá fór þau að langa meira og meira og létu svo verða af því.

Tími þorrablótanna er genginn í garð eins og alkunna er. Á Sauðárkróki fer Króksblótið fram nú laugardaginn 1. febrúar og að þessu sinni er það 70 árgangurinn sem stendur fyrir blótinu sem fer fram í íþróttahúsinu.

Vísir.is sagði frá því í morgun að liði Tindastóls hefði bæst liðsstyrkur fyrir lokaátökin í Bónus deild karla. Um er að ræða Dimitris Agravanis, eldri bróðir Giannis sem spilar með liði Tindastóls, þaulreyndan þrítugan landsliðsmann Grikkja en hann hefur allan sinn feril spilað með stórliðum í Evrópu þrátt fyrir að hafa á sínum tíma verið valinn af Atlanta Hawks í NBA-deildinni.

Félag grunnskólakennara  í Árskóla á Sauðárkróki sendir frá sér opið bréf til sveitastjóra og sveitastjórnar Skagafjarðar til að koma m.a á framfæri vonbrigðum að formaður fræðslunefndar Skagafjarðar sé meðal þeirra sem stefna Kennarasambandi Íslands fyrir ólögmætt verkefall. Bréfið í heild sinni má lesa hér að neðan.

Í gærmorgun var gul veðurviðvörun fyrir allt landið um helgina en eitthvað hefur útlitið breyst. komin appelsínugul viðvörun á sumum landsvæðum í dag og fram yfir hádegi á morgun. Það er helst Breiðafjörðurinn sem fær þennan skell en í dag verður einnig bálhvasst á miðhálendinu og suðausturlandi. Gul viðvörun tekur gildi á Norðurlandi vestra kl. 16 í dag og stendur til kl. fimm í nótt – annars er helgin litlaus á svæðinu þegar kemur að viðvörunum.

Það voru sex einstaklingar frá UMSS sem fengu þátttökurétt á Reykjavík International í frjálsum sem haldið var í 18. sinn í Laugardalshöllinni þann 27. janúar síðastliðinn. Þau höfðu með frábærum árangri á tímabilinu 1. okt. 2024 – 20. jan. 2025 öðlast rétt til að taka þátt í þessu alþjóðlega móti og fóru fyrir hönd UMSS þau; Emilía Rós Ólafardóttir, Friðrik Logi Haukstein Knútsson, Halldór Stefánsson, Ísak Óli Traustason, Súsanna Guðlaug Halldórsdóttir og Sveinbjörn Óli Svavarsson

Axel Arnarsson var Íþróttagarpur Feykis í tbl. 15 í fyrra en hann verður 18 ára í lok maí og býr á Grundarstígnum á Króknum. Axel og fjölskylda hans fluttu á Krókinn þegar hann var níu ára gamall en foreldrar hans eru Arnar Már Elíasson og Aldís Hilmarsdóttir. Axel á svo einn lítinn bróðir, eins og hann orðaði sjálfur, sem heitir Kjartan Arnarsson.

Tindastólsmenn sóttu lið Hattar heim á Egilsstaði í gær í 16. umferð Bónus deildar karla í körfubolta. Hattarmenn eru í einu af botnsætum deildarinnar en eru sýnd veiði en ekki gefin. Þeir fóru betur af stað í gærkvöldi en Tindastólsliðið náði yfirhöndinni fyrir hálfleik og sigldi síðan næsta öruggum sigri heim í síðari hálfleik. Lokatölur voru 85-97 og Stólarnir áfram í öðru sæti deildarinnar.