Skagafjörður

Það verður nóg að gera hjá liðsmönnum Hjólreiðafélagsins Drangeyjar í Skagafirði en nk. laugardag, 4. júlí, mun félagið standa fyrir Drangeyjarmótinu sem er hluti af bikarmótinu í hjólreiðum. Þegar eru um 60 skráningar komnar í Drangeyjarmótið en gera má ráð fyrir því að þeim eigi eftir að fjölga. Keppt er í nokkrum styrkleikaflokkum karla og kvenna og auk þess er sérstakt almenningsmót sem er öllum opið.

Íslandsmót golfklúbba 15 ára og yngri fór fram dagana 25-27. júní á Garðavelli á Akranesi. Golfklúbbur Skagafjarðar átti þar flotta fulltrúa.

Sigurður Ingi Jóhannsson, samgöngu- og sveitarstjórnarráðherra, og Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra, undirrituðu á dögunum viðaukasamning við Sóknaráætlun Norðurlands vestra en ákveðið var í fjáraukalögum, sem samþykkt voru þann 30. mars sl., að veita viðbótarfjármagni til sóknaráætlana landshlutanna til að sporna við áhrifum Covid-19 á landsbyggðinni. Fjárhæðin sem veitt var til viðbótar nemur 200 milljónum króna og koma 26 milljónir í hlut Norðurlands vestra.

Á lokadegi Alþingis var samþykkt þingsályktunartillaga Samfylkingarinnar um mótun stefnu sem eflir fólk af erlendum uppruna til þátttöku í samfélaginu en fyrsti flutningsmaður er greinarhöfundur. Þetta var í annað sinn sem tillagan er lögð fyrir þingið og það ánægjulega gerðist að hún hlaut nú brautargengi.

Umsóknir um byggingarleyfi liggja hjá byggingarfulltrúa Sveitarfélagsins Skagafjarðar varðandi fyrirhugaðar framkvæmdir við Aðalgötu 1 og Aðalgötu 16B á Sauðárkróki. Framkvæmdirnar eru innan verndarsvæðis í byggð sem er norðurhluti gamla bæjarins á Sauðárkróki sem var staðfest af ráðherra þann 11. febrúar 2020.

Sveitarfélagið Skagafjörður hefur sent frá sér tilkynningu um tímabundna lokun Borgargerði við Túnahverfi. Verður gatan lokuð vegna framkvæmda frá gatnamótum Skagfirðingabrautar að Túngötu á morgun fimmtudag 2. júlí og föstudaginn 3. júlí.

Undanfarna daga hafa staðið yfir malbikunarframkvæmdir á Þverárfjallsvegi á Sauðárkróki. Á facebooksíðu Sveitarfélagsins Skagafjarðar kemur fram að önnur akreinin við Kjarnann sé lokið og eru vegfarendur beðnir um að fara varlega og virða lokanir sem tengjast framkvæmdunum.

Hjaltadalur ferðaþjónusta ehf. sem rekur ferðaþjónustu á Hólum í Hjaltadal afhenti nýlega Kvenfélagi Hólahrepps 200.000 kr. styrk í tilefni af samstarfi um veitingasölu í tengslum við kynbótasýningu sem haldin var af Ráðgjafarmiðstöð Landbúnaðarins og fór fram á Hólum dagana 8.-19. júní sl.

Um helgina fór fram stúlknamót Tindastóls á Sauðárkróki í knattspyrnu í 6. flokki kvenna sem að þessu sinni bar nafnið Steinullarmótið. Í ár mættu um 600 keppendur til leiks frá 22 liðum alls staðar að af landinu og léku í um 100 liðum. Er það á pari við fyrri ár og ekki merki um færri skráningar vegna covid.

Sumarið er sá tími sem fólk notar gjarnan til að dytta að umhverfi sínu. Að vanda munu konurnar í Soroptimistaklúbbi Skagafjarðar bregða undir sig betri fætinum og fara í skoðunarferðir um fjörðinn, fyrst í byrjun júlí og svo aftur í byrjun ágúst til að meta bæi, hverfi og svæði í firðinum fyrir Umhverfisverðlaun Skagafjarðar sem klúbburinn og Sveitarfélagið Skagafjörður standa að í sameiningu.