A-Húnavatnssýsla

Ingibergur Guðmundsson á Skagaströnd, fyrrverandi menningarfulltrúi á Norðurlandi - vestra, mun halda fyrirlestur í Heimilisiðnaðarsafninu á Blönduósi sem hann nefnir: „Ófermd, illa uppalin, afstyrmi á vöxt, tekin á flakki“. Fyrirlesturinn fer fram laugardaginn 14. nóvember og hefst kl. 15:00.

Nýjar háupplausnar loftmyndir voru teknar af öllum þéttbýlisstöðum á Norðurlandi vestra síðastliðið sumar. Teknar voru meðal annars myndir af Blönduósi, Sauðárkróki, Skagaströnd og Hvammstanga svo nokkrir staðir séu nefndir. Myndirnar hafa nú verið birtar á kortasjám sveitarfélaganna sem hægt er að nálgast á heimasíðum þeirra og á www.map.is

Einhver draugagangur gerði vart við sig rétt áður en Feykir fór í prentun á mánudaginn því ljósmynd af altaristöflu í Sjávarborgarkirkju prentaðist á hlið. Myndin var teinrétt og til mikillar fyrirmyndar í próförk en einhverjir voru hissa þegar blaðið fór að berast áskrifendum í dag.

Laugardaginn 7. nóvember var blásið til mikillar hátíðar á Blönduósi til að fagna 150 ára afmæli bæjarins. Forseti Íslands, frú Halla Tómasdóttir og Björn Skúlason eiginmaður hennar, voru sérstakir gestir í afmælinu.

Veðurspekingar reikna með norðvestanátt og snjókomu í lok vikunnar. Það er gert ráð fyrir frosttölum svo langt sem spár ná. Veðrið helst skaplegt í dag en það byrjar væntanlega að élja hér á Norðurlandi vestra um hádegi á fimmtudag og bætir svo aðeins í föstudag og laugardag en mestri úrkomu er spáð á sunnudag. Reyndar verður þetta væntanlega ekki eintóm snjókoma því í bland verður boðið upp á slyddu og rigningu.

Haustþing Samtaka sveitarfélaga á Norðurlandi vestra samþykkti ályktun gegn fyrirhugaðri skerðingu á framlögum ríkisins til sóknaráætlana og til atvinnuþróunar á vegum landshlutasamtaka sveitarfélaga. Í ályktuninni kemur fram að sóknaráætlanir og atvinnuráðgjöf landshlutasamtaka hafi reynst mikilvægur farvegur fyrir atvinnuuppbyggingu og nýsköpun á landsbyggðinni. Þær skili sér margfalt til baka í formi fjölbreyttara atvinnulífs, betri þjónustu og skilvirkari nýtingar á opinberu fjármagni.

Nú ber vel í veiði því Ólafur Þór Ólafsson sveitarstjóri á Skagaströnd féllst á að svara Rabbinu. Ólafur er fæddur 1972 og er langsamlega yngstur í stórum barnahópi Vestfirðinganna Þórdísar Marteinsdóttur og Ólafs Davíðssonar. „Þau féllu frá fyrir nokkrum árum. Fyrstu árin bjó ég í Garðabæ en svo fluttum við til Sandgerðis og þar ólst ég upp að mestu leyti.“ Nú býr hann á Skagaströnd en fjölskyldan dreifist líka í Garðabæ og Sandgerði. „Ég er trúlofaður Sigríði Katrínu Kristbjörnsdóttur og í okkar samsettu fjölskyldu eru átta börn, þrjú tengdabörn, eitt barnabarn og tveir hundar.“

Menningar- og samstöðutónleikar verða haldnir í Hólaneskirkju á Skagaströnd þann 19. nóvember kl. 20. Þar munu söngvarar og hljóðfæraleikarar bjóða upp á fjölbreytta tónlistardagskrá til stuðnings Bergrósar Hafsteinsdóttur, ungri móður sem berst við krabbamein.

Nú nýverið sendi Króksarinn Sölvi Sveinsson skólamaður frá sér bók sem hann kallar Skólabók – er leikur að læra? en það er Ugla útgáfa sem gefur út. Sölvi hóf sína skólagöng í Barnaskóla Sauðárkróks, kláraði grunnskólann á Króknum og fór síðan í Menntaskólann á Akureyri. Hóf síðan nám í íslensku og sögu við Háskóla Íslands en til að eiga fyrir helstu nauðsynjum – eins og skrölti á skemmtistaðnum Glaumbæ og jafnvel út að borða á Sælkeranum – þá sótti hann um vinnu sem kennari í Hagaskóla.

Árið 1985 ákváðu Sameinuðu þjóðirnar að 5. desember yrði helgaður sjálfboðaliðum og síðan þá hefur dagurinn verið haldinn hátíðlegur víða um heim ár hvert. Íþróttahreyfingin á Íslandi lætur sitt ekki eftir liggja og halda ÍSÍ og UMFÍ nú upp á daginn þriðja árið í röð. Við hvetjum íþróttahéruð og sérsambönd til að taka þátt með því að tilnefna sjálfboðaliða úr sínum röðum og lyfta þannig upp því góða fólki sem sinnir ómetanlegu starfi innan hreyfingarinnar. Svæðisstöðvar íþróttahéraða verða ykkur til halds og trausts við verkefnið og miðlun þess á hverju svæði. Í tilefni dagsins hlýtur svo einn sjálfboðaliði á hverju landsvæði viðurkenningu.