Rannsókn lokið á örslátrun í Birkihlíð - Með stöðu sakbornings
„Ég veit ekki betur en að lögreglan sé búin að rannsaka málið og senda það frá sér. Þá á eftir að taka um það ákvörðun hvort saksóknari haldi málinu til streitu eða felli niður,“ segir Þröstur H. Erlingsson bóndi í Birkihlíð í Skagafirði sem kærður var, ásamt Sveini Margeirssyni fv. forstjóra MATÍS, fyrir dreifingu og sölu á heimaslátruðu lambakjöti á bændamarkaði á Hofsósi á síðasta ári.
Um svokallaða örslátrun var að ræða og til þess gerð að vekja athygli á þeim möguleika að bændur gætu slátrað heima á löglegan hátt. „Í þessu augnamiði voru m.a. framkvæmdar ítarlegar örverumælingar á lambsskrokkunum og komu þær mjög vel út,“ sagði Sveinn Margeirsson, fv. forstjóri Matís, í viðtali við Feyki í október í fyrra. „Örslátrunin var tilraun til að láta á það reyna hvort sauðfjárbændur væru í stakk búnir til að auka verðmætasköpun í sveitum landsins með slátrun, vinnslu og sölu beint til neytenda. Niðurstaðan sýnir ótvírætt að slíkt er mögulegt, ef rétt er að málum staðið og ef lögð verður vinna í að láta reyna á undanþáguákvæði evrópsku matvælalöggjafarinnar,“
Ekki liggja neinar niðurstöður fyrir úr verkefninu þar sem ekki hefur verið unnið úr gögnum sem aflað var í Birkihlíð vegna fjárskorts. „Þetta verkefni bara stoppaði, engin fjármögnun á því og ekkert unnið í þessu. Það liggur ekki neitt tilbúið sem við getum sent frá okkur sem hefur eitthvað að segja,“ segir Oddur M. Gunnarsson, starfandi forstjóri MATÍS, aðspurður um hvort vænta mætti að niðurstöður verkefnisins yrðu gerðar opinberar.
Þröstur segir þetta verkefni hafa verið á höndum MATÍS á sínum tíma en verið framkvæmt á búi hans þar sem aðstaða sé góð og vinnslurými samkvæmt öllum settum reglum. „Þetta var gert til að sýna fram á að þetta sé hægt og gæðin væru í góðu lagi.“
Atvinnuskapandi fyrir bændur
Hvaða áhrif þetta hafi á framleiðslu Birkihlíðar segir Þröstur þetta hafa verið góða auglýsingu fyrir hann. Enginn sem hann hefur talað við hefur verið að agnúast út í þetta. „Menn hafa aðallega verið að hlægja að þessum viðbrögðum Matvælastofnunar. Mönnum blöskrar þau. Það hefur verið slátrað heima í 1000 ár og stór hluti þjóðarinnar sem étur heimaslátrað kjöt. Það er sama við hvern maður talar, flestir eru með einhvers konar tengsl við bónda sem slátrar heima.“
Auk mjólkurframleiðslu eru Þröstur og hans fjölskylda með yfir 140 kindur og selja allar afurðir sjálf. Slátrað er á löglegu sláturhúsi en allt unnið heima og selt til almennings. Þröstur segist einnig vera með nautakjöt en mest af því fari enn lagt inn í sláturhús. „Það er enginn vafi að þetta getur sparað og verið atvinnuskapandi fyrir bændur. Það er ómögulegt að segja hvernig þetta þróast. Vonandi kemur bara meiri gæði út úr þessu.“
Tengdar fréttir:
Innköllun á heimaslátruðu lambakjöti
Mikilvægt að styðja bændur til að skapa eigin verðmæti
Sala á heimaslátruðu lambakjöti kærð til lögreglu
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.