Fréttir

Utankjörfundaratkvæðagreiðsla vegna sveitarstjórnarkosninga þann 26. maí nk. er nú hafin fyrir nokkru og hægt er að greiða atkvæði á skrifstofum og útibúum sýslumanna á afgreiðslutíma á hverjum stað.

Íslendingar eru þekktir fyrir langa vinnudaga og um leið langan vistunartíma barna. Við Skagfirðingar erum þar engin undantekning. Löngum hefur það verið talin dyggð að vera vinnusamur. En raunin er sú að álagstengd veikindi geta fylgt mikilli vinnu. Vinnutengt stress getur leitt til verri svefns sem svo getur orsakað verri samskipti á vinnustöðum. Tími fyrir fjölskylduna, tómstundir eða hreyfingu verður minni á löngum vinnudögum og getur það leitt til þunglyndis og kvíða.

Fimmtudagana 17. maí og 24. maí 2018 verður opið til kl. 19:00 á aðalskrifstofunni á Blönduósi og sýsluskrifstofunni á Sauðárkróki vegna atkvæðagreiðslu utankjörfundar til sveitarstjórnarkosninga laugardaginn 26. maí 2018.

Sameiginlegir framboðsfundir í Skagafirði fyrir sveitarstjórnarkosningarnar 26. maí verða alls þrír og hefst sá fyrsti í kvöld á Sauðárkróki. Fulltrúar flokkanna verða með framsögur og síðan verða leyfðar fyrirspurnir úr sal.

Það er svo margt sem ég elska við Skagafjörð, við eigum magnaðar náttúruperlur sem við erum svo heppin að fá að njóta á hverjum degi, við eigum stórkostlegt mannlíf og afar mörg virk starfandi félagssamtök. Við getum verið afar stolt af allri uppbyggingunni sem á sér stað í Skagafirði í íþrótta og tómstundastarfi. Við eigum endalaust af glæsilegum viðburðum og glæsilegu fólki sem er tilbúið að gefa tíma sinn og vinnu í óeigingjarnt starf fyrir samfélagið sitt, hvort sem það er í þágu menningar, íþrótta, einstaklinga, fjölskyldu eða sérstaks málefnis. Samfélagið okkar hefur þá sérstöðu að vera umhugað um hvert annað, þá sérstöðu þurfum við að passa upp á.

Lagðar voru fram tvær tillögur um hækkun launa í Vinnuskóla Svf. Skagafjarðar á fundi félags- og tómstundanefndar í gær eftir að ábendingar bárust um að tímakaup í skólanum væri lægra en almennt gerist í sveitarfélögum landsins. Annars vegar kom tillaga um 15% hækkun og hins vegar um krónutöluhækkun. Áður hafði nefndin ákveðið að hækka laun um 3% frá árinu á undan og vísaði m.a. til uppfærðrar launatöflu á heimasíðu sveitarfélagsins.

Ég vil byrja á því að þakka íbúum Skagafjarðar fyrir stuðninginn við okkur strákana í Tindastól á nýliðnu tímabili. Það er ekki sjálfgefið að fólk hafi áhuga á því sem maður fæst við og ekki hægt annað en að vera auðmjúkur yfir stuðningnum og áhuganum sem við höfum fundið fyrir í vetur og í vor.

Húnaþing vestra mun starfrækja vinnuskóla í sumar fyrir 13-17 ára ungmenni og hefst hann miðvikudaginn 6. júní nk. Vinnutími er frá klukkan 8:30-12:00 árdegis og 13:00-16:00 síðdegis, frá mánudegi til fimmtudags, á föstudögum lýkur vinnu kl. 12:00. Á heimasíðu sveitarfélagsins segir að verkbækistöð verði í vinnuskólahúsinu að Norðurbraut 14, Hvammstanga en mögulega verði starfsstöð á Borðeyri, með samskonar sniði og fyrri ár.

Á aðalfundi Markaðsstofu Norðurlands sem haldinn var á Hótel Kea þann 3. maí sl. voru stjórnarkjör á dagskrá. Kosið var um stöður tveggja aðalamanna, annars vegar af Norðurlandi vestra og hins vegar af Norðurlandi eystra en stjórnarmenn eru kosnir til tveggja ára.

Nú er fjögurra ára kjörtímabili að ljúka og þar með hef ég ákveðið segja staðar numið við sveitarstjórnarstörf fyrir Sveitarfélagið Skagafjörð. Það voru blendnar tilfinningar við þá ákvörðun að segja skilið við þennan starfsvettvang, því kynni mín af samstarfsfólki jafnt í sveitarstjórn og í almennum störfum hjá sveitarfélaginu hafa verið afar ánægjuleg og gefandi. Það var ekki fyrir að ég nyti ekki stuðnings að ég ákvað að stíga til hliðar, það var alfarið mín ákvörðun, þrátt fyrir að hljóta afgerandi kosningu í skoðanakönnun sem gerð var innan flokksins.