Fréttir

Boðað hefur verið til íbúafundar í skólahúsinu á Borðeyri á morgun, fimmtudaginn 1. júní, kl. 13:00 þar sem undirbúningur Húnaþings vestra að umsókn til mennta- og menningarmálaráðherra um að gamli hluti Borðeyrar, „plássið“ svokallaða, verði skilgreindur sem verndarsvæði í byggð. Á fundinum verður verkefnið kynnt fyrir íbúum og þeim gefinn kostur á að spyrja spurninga og/eða koma með athugasemdir.

Félag eldri borgara í Vestur – Húnavatnssýslu lenti í öðru sæti á árlegu Vesturlandsmóti félags eldri borgara í boccia sem fram fór í Borgarnesi síðastliðinn laugardag. Þetta mun vera í ellefta skipti sem mótið er haldið en a.m.k. sex sveitarfélög hafa skipst á að hýsa það. Skessuhorn greinir frá því að til leiks hafi mætt að þessu sinni 16 sveitir; fjórar frá Akranesi, Borgarbyggð og Stykkishólmi og tvær sveitir frá Snæfellsbæ og Húnaþingi vestra.

Úthlutun styrkja á vegum Samtaka sveitarfélaga á Norðurlandi vestra (SSNV) til menningarmála og atvinnuþróunar og nýsköpunar fyrir árið 2017 er lokið. Styrkir eru veittir úr tveimur sjóðum; Uppbyggingarsjóði, þar sem úthlutað var rúmum 67 millj. kr. og Atvinnu- og nýsköpunarsjóði en þar var úthlutað rúmum 17 millj. kr. Í heild bárust 150 umsóknir þar sem óskað var eftir 200 milljónum kr. í styrki. Úthlutað var styrkjum til 90 verkefna. Fyrri úthlutun ársins fór fram í febrúar sl. en þá var úthlutað um 66 millj. kr. Seinni úthlutun var í maí og þá var úthlutað 18,5 millj. kr.

Sumaropnun sundlaugarinnar á Sólgörðum í Fljótum gengur í gildi í dag og um leið hefst starfsemi ferðaþjónustunnar sem þau Kristín Sigurrós Einarsdóttir og Alfreð Símonarson ætla að reka þar í sumar.

Vormót Tindastóls var haldið sl. sunnudag í íþróttahúsinu á Sauðárkróki. Keppendur voru 40 talsins og komu frá fimm júdófélögum: Draupni á Akureyri, Pardusi á Blönduósi, JR í Reykjavík, Júdódeild Ármanns í Reykjavík auk Tindastóls.

Fyrir skemmstu bárust svör frá þremur ráðherrum við spurningum mínum varðandi sjóvarnir almennt og skráningu og vernd menningaminja á ströndum landsins sem bornar voru fram af gefnu tilefni. Vitað er að víða hefur hafið gengið á ströndina og afmáð menningarminjar sem þar voru. Þá er ljóst að þær breytingar sem eiga sér nú stað á loftslagi, veðurfari og sjávarstöðu geta orðið til þess að auka þörf fyrir sjóvarnir og annan viðbúnað til að bregðast við hættu af sjávarflóðum.

Björgunarsveitir í Húnavatnssýslu og Skagafirði fengu beiðni um aðstoð vegna manns sem var á gangi við Spákonufellsborg í gær en hann kvartaði yfir brjóstverk og komst ekki leiðar sinnar en hann var þá staddur í u.þ.b. 500 m.y.s.. Björgunarsveitir á svæði 9 og 10 mættu á svæðið ásamt sjúkraflutningamönnum og lækni.

Sjúkraflutningamenn á Blönduósi hafa ekki dregið uppsagnir sínar til baka og er einn þeirra hættur að því er fram kom í hádegisfréttum Ríkisútvarpsins í dag. Samkomulagið sem tókst á föstudag var sagt marka tímamót þar sem nú væru allir sjúkraflutningamenn á landinu komnir með kjarasamning. Þórður Pálsson, sjúkraflutningamaður á Blönduósi segir í samtali við RÚV að þetta sé ekki rétt þar sem einungis sé um samkomulag að ræða sem sjúkraflutningamenn séu ekki allir ánægðir með.

Sundlaugin á Hofsósi verður lokuð þessa viku vegna viðhalds og námskeiðs starfsmanna, frá og með deginum í dag. Stefnt er að því að opna aftur á laugardagsmorgun, 3. júní, kl. 7:00.

Í frétt á Vísir.is er greint frá því að Geir Jón Þórisson, fyrrverandi yfirlögregluþjónn og fyrrverandi formaður félags yfirlögregluþjóna sé afar ósáttur við brottvikningu Kristjáns Þorbjörnssonar, yfirlögregluþjóns á Blönduósi, sem vikið var frá störfum fyrr í þessum mánuði. Eins og komið hefur fram var ástæða brottvikningarinnar sparnaður hjá embættinu. Stutt er í að Kristján nái eftirlaunaaldri, aðeins eitt ár þegar greiðslu biðlauna lýkur.