Fréttir

Á kvennafrídeginum sem haldinn var í gær flutti Sigríður Þorgrímsdóttir ræðu áður en hópurinn lagði upp í göngu í bæinn. Þar sem fjöldinn var mikill og hljóðkerfi ekki til staðar heyrðist ræðan ekki nógu vel til allra svo hún verður birt hér á Feyki.is.

Styrktarsjóðsballið á Blönduósi hefur verið fastur liður í tilveru Húnvetninga um árabil með þá hugsjón að safna fyrir góðum málefnum sem og að skemmta sér og öðrum. Styrktarsjóður Húnvetninga var stofnaður árið 1974 með samstilltu átaki nokkurra félaga á Blönduósi og nágrenni og hefur ballið verið stór þáttur söfnunarinnar, en nú verður breyting á.

Mér datt í hug um daginn þegar ég var að hugsa um kvótakerfið, ef ákveðið væri að minnka yfirbygginguna í fjarskiptageiranum og takmarka fjölda fjarskiptaverkfræðinga. Það væri búin til regla: Þeir sem hefðu verið fjarskiptaverkfræðingar síðustu 3 árin fengju að vera það áfram, en það ætti ekki að fjölga í stéttinni. Það væri orðið of dýrt fyrir neytendur að halda uppi öllum þessum tæknimönnum. Ég er ekki að halda því fram að þetta sé gáfulegt, en segjum bara að þetta yrði gert. Svo væri líka hægt að leigja réttinn frá sér. Þá væri ég nú aldeilis í fínni stöðu. Ég gæti hætt að vinna, og selt réttinn til hans Stefáns sem vinnur með mér, eða hennar Ólafíu. Þau eru nýbyrjuð og hefðu lítinn rétt. Svo gæti ég bara slappað af og látið þau vinna fyrir mig.

Nýlega afhentu Rafiðnaðarsamband Íslands og SART, félag rafverktaka, öllum nemum á landinu í rafiðnaði spjaldtölvur til eignar. Tilgangurinn með gjöfinni er að nemar í rafiðnaði geti nýtt sér allt það kennsluefni sem til er í rafiðnaði á netinu, þ.m.t. rafbok.is sem er með kennsluefni fyrir námið, og í leiðinni sparast kostnaður fyrir nemendur.

Um 300 manns mættu í samstöðugöngu á Sauðárkróki sem farin var í tilefni Kvennafrídagsins sem er í dag. Kvenkyns nemendur og starfsfólk Fjölbrautaskóla Norðurland vestra á Sauðárkróki hvöttu konur til að leggja niður vinnu klukkan 14:38 og ganga með þeim og þiggja veitingar á eftir.

Karlakór Reykjavíkur hyggur á norðurferð þann 12. nóvember næstkomandi og mun halda tónleika í Skagafirði og bruna svo á Siglufjörð. Kórinn syngur í Miðgarði í Skagafirði kl. 14.00, þar sem Karlakórinn Heimir slæst í hópinn og í Siglufjarðarkirkju kl. 20.00.

Samkvæmt kosningavef innanríkisráðuneytisins mun Íslenska þjóðfylkingin bjóða fram krafta sína í Norðvesturkjördæmi fyrir komandi Alþingiskosningar. Jens G. Jensson skipstjóri í Kópavogi leiðir listann.

RUV. Rás 1. Íslensk mál, málfarsráðunautur, málverndarnefnd, málfarskennsla, málfarsþróun. Eftir að hafa hlustað á orðræðu um íslenskt mál á rás 1 áðan, fljúga margblendnar hugsanir í gegnum undirvitundina og vekja til nánanari ígrundunar á ýmsum hliðum málsins. Og til þess nota menn málið að tjá hugsanir sínar í orði og verki. Í nútímanum er talvan oft nærtækust til að taka við því sem leitar útrásar. Svo fer einnig í þetta sinn. Þó verðugt væri að ræða málið nánar og fá fram fleiri sjónarmið frá mörgum hliðum þessa mikilsverða máls.

Árni Guðmundsson var félagi í Rotaryklúbbi Sauárkróks og mætti á alla fundi. Hann lést 11. september 1999. Faðir hans Guðmundur Árnason á Þorbjargarstöðum var landpóstur. Sótti póst Skagabænda til Sauðárkróks , gjarnan ríðandi. Hluti póstleiðarinnar var varðaður eða frá Lambá norður á brún Kamba rétt ofan Grímsstaða.

Föstudaginn 14. október var haldin samkoma í Kjarnanum á Sauðárkróki í tilefni þess að Kaupfélag Skagfirðinga hyggst færa öllum félagsmönnum sínum þrjár Árbækur Ferðafélags Íslands. Bækurnar fjalla allar um Skagafjörð og voru gefnar út hver á sínu árinu, 2012, ´14 og ´16. Fyrsta bókin fjallar um Skagafjörð vestan Vatna og heitir Frá Skagatá að Jökli en hinar tvær austan Vatna, Frá Jökli að Furðuströndum og Frá Hjaltadal að Úlfsdölum.