Fréttir

Sólveig Birna Halldórsdóttir frá Sauðárkróki hefur síðustu tvo mánuði dvalið í Suður Afríku og sinnt sjálfboðaliðsstörfum. Hennar hlutverk er að afla matar og elda fyrir börn eftir skóla en það er oft eina máltíð þeirra yfir daginn þar sem heimilisaðstæður þeirra eru mjög bágbornar. Hana langar að safna fyrir jólagjöfum handa þeim.

Víða á Norðurlandi vestra er snjókoma og hálka, samkvæmt upplýsingum á vef Vegagerðarinnar klukkan 11:20 í morgun. Á Þverárfjalli er A8 m/s og hiti við frostmark og snjókoma. Á Vatnsskarði er ANA 8m/s og hiti við frostmark. Víða í Skagafirði er éljagangur og hálka. Vegir í Húnavatnssýslum eru allir merktir greiðfærir.

Fyrstu kjörfundir á Norðurlandi vestra hófust klukkan níu í morgun. Norðvesturkjördæmi nær frá Akraneskaupstað til Akrahrepps og skulu þar vera sjö kjördæmissæti og eitt jöfnunarsæti. Tíu stjórnmálaflokkar bjóða fram lista í Norðvesturkjördæmi en það eru A-listi Bjartrar framtíðar, B-listi Framsóknarflokks, C-listi Viðreisnar, D-listi Sjálfstæðisflokks, E-listi Íslensku þjóðfylkingarinnar, F-listi Flokks fólksins, P-listi Pírata, S-listi Samfylkingar, T-listi Dögunar og V-listi Vinstri grænna. Kjörfundir eru sem hér segir, á Norðurlandi vestra:

Á morgun, laugardaginn 29. október, verður kosið til Alþingis Íslendinga. Stuttri en snarpri kosningabaráttu lýkur og þjóðin ákveður hverjir fara með stjórnartaumana í landinu næstu fjögur árin. Við í Vinstri hreyfingunni grænu framboði finnum fyrir byr í seglin og höfum á ferðum okkar síðustu vikurnar fundið að margir hyggjast binda traust sitt við okkur. Við státum af formanni sem nýtur virðingar og trausts í þjóðfélaginu – langt út fyrir raðir flokksfélaga. Á framboðslista okkar eru öflugir einstaklingar sem bæði í krafti hugsjóna, reynslu og metnaðar vilja gera vel fyrir íslenskt samfélag.

„Já, þetta er Guðmundur hérna.“ „Guðmundur?“ „Já einmitt.“ „Hvaða Guðmundur?“ „Það skiptir ekki máli góði.“ „Get ég eitthvað aðstoðað þig Guðmundur?“

Helga Una Björnsdóttir á Syðri-Reykjum í Húnaþingi vestra hefur hlotið tilnefningu sem skeiðknapi ársins, en sá titill er meðal þeirra sem veitt verða verðlaun fyrir á Uppskeruhátíð hestamanna í Gullhömrum í Reykjavík þann 5. nóvember næstkomandi.

Skagfirðingarnir Ásdís Ósk Elvarsdóttir á Syðra-Skörðugili og Eyrún Ýr Pálsdóttir á Flugumýri hafa verið tilnefndar fyrir knapaverðlauna sem afhent verða á Uppskeruhátíð hestamanna í Gullhömrum í Reykjavík þann 5. nóvember næstkomandi.

Um þessar mundir er að ljúka bleikum októbermánuði, en hann hefur undanfarin ár verið helgaður vitundarvakningu um krabbamein, meðal annars með sölu á Bleiku slaufunni og með því að lýsa byggingar með bleikum ljósum. María Reykdal sálfræðingur og garðyrkjubóndi á Starrastöðum í Skagafirði er starfsmaður Krabbameinsfélags Skagafjarðar. Feykir heimsótti hana í síðustu viku og spjallaði við hana um störf hennar og starfsemi Krabbameinsfélagsins.

Það ríkti mikil gleði og eftirvænting á frumsýningu Leikfélags Sauðárkróks á Dýrunum í Hálsaskógi í gær. Börnin í salnum tóku undir í söng og lifðu sig inn í sýninguna og hinir fullorðnu skemmtu sér ekki síður. Blaðamaður Feykis brá sér á sýningu og fangaði stemninguna bak við tjöldin og í lok sýningar.

Kómedíuleikhúsið sýnir hið áhrifamikla leikrit Gísli á Uppsölum á Blönduósi. Leikurinn var frumsýndur á söguslóðum í Selárdal fyrir mánuði síðan og hefur farið víða síðan við einstaklega góðar viðtökur.