Fréttir

Sjó­mannadag­ur­inn var hald­inn hátíðleg­ur um allt land um helgina. Á Skagaströnd fóru hátíðarhöldin fram í blíðskaparveðri á laugardaginn og venju samkvæmt var það Björgunarsveitin Strönd sem hafði veg og vanda af dagskránni. Þar náði Róbert Daníel Jónsson einstöku myndskeiði af kappróðri sem fór fram við höfnina með notkun flygildis.

Siglingaklúbburinn Drangey hefur óskað eftir að fá að setja niður heitan pott við smábátahöfnina við Suðurgarð á Sauðárkróki. Pottinum er ætlað það hlutverk að þjóna börnum og unglingum á siglinganámskeiðum og öðrum þeim sem heimsækja klúbbinn og vilja nýta sér aðstöðu hans. Þetta kemur fram í fundargerð Skipulags- og byggingarnefndar Sveitarfélagsins Skagafjarðar frá því í morgun.

Lið Tindastóls tók á móti Knattspyrnufélagi Rangæinga (KFR) á Hofsósi í gær. Tindastólsmenn höfðu unnið síðustu tvo leiki sína í 3. deildinni og bættu þeim þriðja við með góðum leik en lokatölur urðu 4-0. Feðgarnir Gísli Eyland Sveinsson og Jón Gísli Eyland Gíslason tóku báðir þátt í leiknum í gær.

Textílsetur Íslands og samstarfsaðilar munu standa fyrir hátíðinni ,,Prjónagleði” helgina 10. - 12. júní 2016 í Íþróttamiðstöðinni á Blönduósi. Prjónagleði hefur það að markmiði að sameina reynda kennara og áhugasamt prjónafólk frá Íslandi sem og erlendis frá til að deila og miðla reynslu, læra eitthvað nýtt og hafa gaman.

WR hestaíþróttamóti UMSS og Skagfirðings var haldið á Hólum 21. maí siðast liðinn. Þetta var fyrsta stórmótið sem hestamannafélagið Skagfirðingur stóð fyrir og tókst það prýðilega. Þetta var einnig fyrsta mótið á nýjum keppnisvelli á Hólum og því fín prufukeyrsla fyrir komandi Landsmót.

Höldur hefur fengið vottun sem viðurkenndur þjónustuaðili fyrir allar gerðir Mercedes-Benz fólksbíla og smærri atvinnubíla fyrir bílaverkstæði sitt á Akureyri. Bílaumboðið Askja hefur hingað til verið eini viðurkenndi þjónustuaðili Mercedes-Benz á Íslandi enda með umboð fyrir þýsku lúxubílanna frá Stuttgart en Höldur bætist nú í hópinn. Höldur mun að þessu tilefni bjóða til veglegrar Mercedes-Benz bílasýningar á verkstæði fyrirtækisins á Akureyri nk. föstudag og laugardag.



Gönguferð í Þórðarhöfða og glæsileg myndlistarsýning eru meðal viðburða á Jónsmessuhátíð á Hofsósi síðar í þessum mánuði. Hátíðin hefst að þessu sinni á fimmtudegi, 16. Júní, með opnun myndlistarsýningar Hallrúnar Ásgrímsdóttur frá Tumabrekku. Hallrún var með sýna fyrstu einkasýningu í Sæluviku í Skagafirði í vor og vakti hún verðskuldaða athygli.

Atkvæðagreiðsla utan kjörfundar vegna kjörs forseta Íslands. Laugardaginn 25. júní 2016 í umdæmi sýslumannsins á Norðurlandi vestra verður sem hér segir:

Sjóvá Kvennahlaup ÍSÍ verður á Sauðárkróki morgun, laugardaginn 4. Júní og hefst kl. 10. „Það er sannkölluð sólar - og blíðuspá fyrir laugardaginn og við höldum í vonina að sú spá rætist, ef ekki þá verðum við allavega með sól í hjarta,“ segir í tilkynningu um hlaupið.

Kosningarnar í haust munu í raun snúast um tvær lykilspurningar. Þær eru: 1. Af hverju ættu kjósendur að kjósa það sama og síðast? Mörgum kjósendum finnst þeir eigi að gera það. Þeim bara finnst það og þeir gera það, alveg sama hvað er í boði. En það kostar og hefur kostað okkur sem þjóð. Undir stjórn núverandi meirihluta hefur Ísland orðið að athlægi erlendis, einræðisleg afstaða og ákvörðun fyrrverandi utanríkisráðherra í málefnum Úkraínu hafði áhrif á atvinnu landverkafólks og kostaði atvinnurekendur milljarða.