Fréttir

Björgunarsveitin Húnar á Hvammstanga aðstoðuðu við að draga kýr sem hafði fallið í haughús. „Það er ekki hægt að vera með neinn pempíuskap þegar belja fellur í haughús,“ segir á vef Landsbjargar.

„Þetta byrjaði þannig að árið 1995 fór ég að gefa út pésa eða smákver með minningum sem ég sendi vinum mínum í staðinn fyrir jólakort. Ég hef haldið þeim sið síðan og mörg af þessum kverum eru með æskuminningum mínum af Króknum. Það sem ég gerði núna var að ég tók þessa pésa og er búinn að breyta þeim talsvert, stytta sumt og sumstaðar hef ég bætt heilmiklu við. Svo hef ég skrifað nokkra nýja þætti og tengt þetta allt saman í nýja heild,“ útskýrir Sölvi Sveinsson sem var að gefa út bókina Dagar handan við dægrin – Minningarmyndir í skuggsjá tímans. Í bókinni fjallar hann um minningar sínar frá uppvaxtarárunum á Króknum. Sölvi settist niður með blaðamanni Feykis og sagði frá tilurð bókarinnar.

Nokkur endurnýjun verður í Útsvarsliði Skagfirðinga þetta árið en liðið munu skipa þau Indriði Þór Einarsson, sviðstjóri veitu- og framkvæmdasviðs svf. Skagafjarðar, Berglind Þorsteinsdóttir ritstjóri Feykis, auk reynsluboltans Guðrúnar Rögnvaldardóttur, framkvæmdastjóra Staðlaráðs Íslands.

Í næstsíðasta tölublaði Feykis, 10. september sl. vöktu athygli frétt af bókun byggðaráðs Sveitarfélagsins Skagafjarðar og grein eftir Bjarna Jónsson sveitastjórnarfulltrúa VG og óháðra. Í báðum þessum skrifum er fullyrt að verið sé að skerða heilbrigðisþjónustu í Skagafirði.

Á morgun, föstudaginn 2. október, býður Farskólinn gesti velkomna á milli kl. 17:00-18:00 til að kynna sér námskeið og námsleiðir, raunfærnimat, náms- og starfsráðgjöf, fræðslusjóði stéttarfélaga og fleira. Fram kemur í Sjónhorninu í dag að opið hús sé 29. september, það mun ekki vera rétt og leiðréttist það hér með.

Samtök sveitarfélaga á Norðurlandi vestra (SSNV) auglýstu í upphafi mánaðarins eftir framkvæmdastjóra og rann umsóknarfrestur út þann 21. september. Samkvæmt fréttatilkynningu sóttu 16 um starfið og eru þeir eftirfarandi:

Í frétt á vef KKÍ er sagt frá því að búið er að breyta leikstað undanúrslita og úrslita Lengjubikarsins 2015 en til stóð að karlaleikirnir yrðu spilaðir á Sauðárkróki. Undanúrslit kvenna fara fram í TM-höllinni í Keflavík og undanúrslit karla og úrslitaleikirnir verða í íþróttahúsinu Iðu á Selfossi.

Mikill fjöldi fólks lagði leið sína að Hólum í Hjaltadal í góðu veðri sl. laugardag, að lokinni Laufsskálarétt, til að bera augum þær framkvæmdir sem þar hafa farið fram í tengslum við Landsmót hestamanna sumarið 2016 og fyrir Háskólann á Hólum.

Hreyfiviku UMFÍ lauk sl. sunnudag. Komst Ísland á topp tíu lista í Evrópu yfir fjölda viðburða en um fimmhundruð viðburðir fóru fram víðs vegar um landið. Á heimasíðu Húnaþings vestra segir að viðburðir þar hafi verið vel sóttir og alls hafi um þúsund manns lagt leið sína í Íþróttamiðstöðina þar.

Selasetrið á Hvammstanga hefur í sumar unnið að frumtilraun þar sem hitamyndavél er fest á flygildi (drone) sem flogið er yfir sellátur til að taka myndir, að því er fram kemur í frétt á heimasíðu setursins. Stofnstærðartalningar á landsel fara yfirleitt fram úr lofti, en þar sem stundum getur verið erfitt að greina seli frá umhverfinu. Því er nú gerð tilraun til að ná fram nákvæmari niðurstöðum með því að gera bæði hefðbundnar talningar og talningar með hjálp hitamyndavélar.