Fréttir

Skagfirskir hestamenn ætla að taka vel á móti gestum sem koma með hross til keppni á Landsmótinu á Hólum næsta sumar. Á opnum fundi um skipulag mótsins sl. laugardag tilkynnti Ingimar Ingimarsson sem unnið hefur að skipulagi hesthúsmála fyrir mótið að skagfirskir hestamenn hyggist bjóða keppendum á Landsmótinu ókeypis hesthúspláss á meðan á mótinu stendur.

Nokkrar konur í Austur-Húnavatnssýslu komu saman á dögunum og ræddu möguleika til heimavinnslu matvæla í héraði. Greint er frá þessu á Húna.is. Í framhaldinu var ákveðið að boða til fundar til kynningar og fræðslu um hvað þurfi að gera til að koma slíku í gang. Fundurinn verður haldinn í dag, miðvikudaginn 27. janúar, klukkan 20:00 í sal BHS, Húnabraut 13 á Blönduósi.

Ég hef aldrei nokkurn tímann stílað inn á það að fara í búð þegar hún er lokuð. Mér hreinlega dettur það ekki í hug. En auðvitað eins og karlmanni sæmir hef ég misskilið opnunartíma af og til, en það er óvart. Ég hef heldur aldrei búist við að einhver komi til mín þegar það er lokað og læst.

Íslandspóstur hf. ætlar að fækka dreifingardögum í dreifbýli í annan hvern dag og fækka landpóstum og er sú ákvörðun byggð á heimild í nýrri reglugerð innanríkisráðuneytisins. Ég tók þessi mál upp í fyrirspurnartíma Alþingis þar sem innanríkisráðherra var til svara og lýsti því yfir að mér þætti þetta vera aðför að dreifðum byggðum.

Stéttarfélögin Kjölur, SFR og Samstaða bjóða félagsmönnum sínum á námskeið í samstarfi viðFarskólann en á vef hans má finna nánari lýsingar á námskeiðin og þar er einnig hægt að skrá sig á þau. Námskeiðin er að sjálfsögðu opin öllum og vill Farskólinn minna á að mörg stéttarfélög styrkja félagsmenn sína um allt að 75% af námskeiðsgjaldi.

Samkvæmt fundargerð Skipulags- og byggingarnefndar Svf. Skagafjarðar frá 6. janúar sl. hefur Atvinnu-, menningar- og kynningarnefnd sveitarfélagsins leitað eftir samþykki fyrir staðsetningu minnismerkis á Nafabrún, austan kirkjugarðs. Áformað er að reisa þar minnismerki til að heiðra skagfirska rithöfundinn Hannes Pétursson.

Mér hefur alltaf fundist gaman að fylgjast með herratískunni eftir að ég sá um innkaup fyrir Smash í Kringlunni, sem er „streetwear“ verslun. Þegar ég tók það verkefni að mér var eitt stórt vandamál, að versla inn herrafatnað, því framan af hafði ég ekki mikið spáð í henni því kærastinn minn hefur nefnilega verið mjög tregur í að fylgja tískuráðunum mínum. Hann hefur frekar farið sínar eigin leiðir, mér til mikilla ama, og oftar en ekki hef ég þurft að bíta fast í tunguna á mér þegar hann er að setja saman „outfittið“.

Tindastóll og Þór Þorlákshöfn mættust í háspennuleik í Síkinu síðastliðið fimmtudagskvöld. Bæði liðin voru með 14 stig fyrir umferðina og leikurinn því mikilvægur fyrir úrslitakeppnina. Stólarnir voru betri í fyrri hálfleik en Þórsarar komu til baka í þeim seinni í lokafjórðungnum skiptust liðin á um að hafa forystuna. Á æsipennandi lokakafla voru það gestirnir, með Vance Hall í óstöðvandi stuði, sem höfðu betur. Lokatölur 78-80.

Húnaþing vestra auglýsir laust til umsóknar starf safnvarðar á Byggðasafni Húnvetninga og Strandamanna. Um er að ræða fullt starf. Safnvörður ber ábyrgð á daglegu starfi byggðasafnsins, m.a. safnkennslu, skráningu, miðlun og kynningarmálum.

Lesendur Húnahornsins hafa valið Róbert Daníel Jónsson, forstöðumann í Íþróttamiðstöðinni á Blönduósi, sem mann ársins í Austur-Húnavatnssýslu árið 2015. Róbert Daníel hefur verið iðinn við að taka myndir af húnvetnskri náttúru og húnvetnsku mannlífi og deilt þeim á veraldarvefinn. Myndirnar hans hafa vakið athygli margra á fegurð svæðisins og áhugaverðum stöðum í sýslunni. Tilkynnt var um valið á þorrablóti Vökukvenna sem haldið var í Félagsheimilinu á Blönduósi sl. laugardagskvöld.