Fréttir

Reikna má með að Síkið verði á suðupunkti í kvöld þegar Tindastóll og Grindavík mætast í leik númer 4. Í slagnum um Íslandsmeistaratitilinn í körfuknattleik. Í leiknum á föstudaginn var í Grindavík hrukku Stólarnir í gang efir nokkuð hökktandi spilamennsku í fyrstu tveimur leikjunum sem Grindavík vann. Þarna knúðu sem sagt Stólarnir fram fjórða leik sem fer fram í kvöld.

Líkt og Feykir hefur greint frá þá stóðu Byggðalisti og Sjálfstæðisflokkur uppi sem sigurvegarar sveitarstjórnarkosninganna í Skagafirði, fengu þrjá menn kjörna. Feykir hafði samband við Einar E. Einarsson oddvita Framsóknarflokksins nú undir kvöld en Framsókn tapaði töluverðu fylgi og einum manni í sveitarstjórn. Hann tjáði Feyki að eftir 12 ára samstarf í meirihluta þá hafi Sjálfstæðismenn tilkynnt að þeir hyggist hefja viðræður við Byggðalistann um myndun á nýjum meirihluta.

Talsverð tíðindi urðu í sveitarstjórnarkosningunum í Skagafirði en nú hafa lokatölur verið irirtar. Á kjörskrá voru 3297 og var kjörsókn 77,6%. Framsóknarflokkurinn hefur verið stærstur síðustu árin en nú fór svo að B-listi fékk ekki góða kosningu og tapaði manni, er með tvo en ekki þrjá. Meirihlutinn hélt þó þar sem Sjálfstæðisflokkurinn bætti við sig manni. Sigurvvegari kosninganna er þó klárlega Byggðalistinn sem endaði stærstur.

Lokatölur hafa verið birtar í sveitarstjórnarkosningum í Húnabyggð en kosið var í fyrsta sinn í nýju sameinuðu sveitarfélagi. Á kjörskrá voru 1034 og kjörsókn var 86,8%. Sjálfstæðismenn og óháðir fengu 50,7% atkvæða og fimm menn kjörna og hafa því hreinan meirihluta. Framsóknarmenn og aðrir framfarasinnar fengu 33,9% og héldu sínum þremur mönnum og þá hlaut A-listinn Öll saman 15,1% og einn mann kjörinn.

Atkvæði hafa verið talin í sveitarstjórnarkosningum í Húnaþingi vestra en þar voru þrír listar í boði líkt og síðast. Á kjörskrá voru 963 sem er 29 fleiri en 2022 en kjörsókn var 74% sem er um 5% aukning frá því síðast. Úrslitin urðu þau að N-listi Nýs afls í Húnaþingi vestra fékk flest atkvæði eða 37,8% og skaut B-lista Framsóknar og annarra framfarasinna aftur fyrir sig en sá listi fékk 34,2%. Sjálfstæðismenn og óháðir hlutu 28% atkvæða.

Kjörstað í sveitarfélaginu Skagaströnd var lokað kl. 21 og þar hafa öll atkvæði verið talin. Á kjörskrá voru 352 og var kjörsókn 88,1%. Þrír listar voru í boði og varð niðurstaðan sú að S-listi Samfylkingar og óháðra hlaut 43,3% atkvæða, K-listi Fyrir Skagaströnd 40,0% og B-listi Framsóknar og óháðra hlaut 16,7%.

Það var leikið í 3. deildinni á Króknum í dag en Tindastólsmenn fengu lið Árbæjar í heimsókn í blíðunni í dag. Stólarnir hafa farið vel af stað í deildinni, unnu fyrstu tvo leiki sína örugglega og héldu uppteknum hætti í dag. Lokatölur 3-1.

Húnahornið segir frá því að Pétur Bergþór Arason, sveitarstjóri Húnabyggðar, gefi ekki kost á sér til áframhaldandi starfa sem sveitarstjóri Húnabyggðar. Þetta kom fram í myndskeiði sem birt er á facebooksíðu D-listans í Húnabyggð.

Lið Kormáks/Hvatar hélt suður yfir heiðar í dag og lék við lið Selfoss á Selfossvelli í 2. deildinni. Selfyssinga mega muna fífil sinn fegurri í fótboltanum og höfðu ekki unnið leik í 2. deildinni áður en kom að þessum leik. Þeir náðu að merja sigur á Húnvetningum í leik sem endaði 2-1.

Stólastúlkur fengu lið Vestmannaeyinga í heimsókn á Krókinn í dag í 16 liða úrslitum Mjólkurbikarsins og hófust leikar kl. 13. Lið ÍBV var sterkt í Lengjudeildinni í fyrra, komst í bikarúrslitaleik og vann deildina af öryggi og er nú eitt tveggja liða í Bestu deildinni sem er með fullt hús stiga. Það var því næsta víst að leikurinn yrði erfiður heimastúlkum og sú varð raunin. Lokatölur 0-5.