Fréttir

Tindastóll og Njarðvík mættust í fjórða leiknum í rimmu liðanna í undanúrslitum Subway-deildarinnar í Síkinu í kvöld. Talið er að um 1200 manns hafi troðið sér í Síkið og fengu flestir eitthvað fyrir sinn snúð og rúmlega það. Leikurinn var æsispennandi en gestirnir byrjuðu betur. Stólarnir löguðu stöðuna í öðrum leikhluta en gestirnir leiddu í hálfleik, 45-47. Þriðji leikhlutinn reyndist Stólunum dýrmætur að þessu sinni og liðið náði undirtökunum í leiknum en gestirnir minnkuðu muninn í tvö stig, 77-75, þegar fjórar mínútur voru eftir. Stólarnir héldu vel á spöðunum síðustu mínúturnar og sigruðu að lokum, 89-83, og tryggðu sér þannig réttinn til að spila við Valsmenn í úrslitaeinvíginu. Þvílíka snilldin!

Lengjudeildarlið Tindastóls og HK mættust á gervigrasinu á Króknum í dag í fyrstu umferð Mjólkurbikars kvenna. Lið Tindastóls fékk fljúgandi start og leiddi 3-0 í hálfleik þó það geti nú varla talist hafa verið samkvæmt gangi leiksins. Lið HK kvittaði fyrir sig með tveimur mörkum snemma í síðari hálfleik og spenna hljóp í leikinn. Stólastúlkur náðu að stoppa í götin að mestu í vörninni og þrátt fyrir talsverða pressu HK tókst þeim ekki að jafna leikinn og það var því lið Tindastóls sem vann leikinn 3-2 og tryggði sér sæti í 2. umferð. Þar mæta stelpurnar 2. deildar liði ÍR og verður leikið á Króknum 15. maí.

VG og óháðum bárust þessar spurningar frá íbúa sveitarfélagsins og erum sannarlega glöð að svara fyrirspurnum frá áhugasömum!

„Ég er fædd og uppalin á Sauðárkróki, á Skagfirðingabrautinni þar sem ég bý enn,“ segir Kristbjörg Kemp sem segir frá því hvað hún er með á prjónunum þessa dagana. „Ég gekk í barna- og gagnfræðaskólann á Sauðárkróki og síðan í fjölbraut á Króknum. Ég lauk BA prófi í ensku frá HÍ, kláraði kennsluréttindanám frá sama skóla og lauk að lokum meistaranámi frá HÍ þar sem áhersla var lögð á áhættuhegðun ungmenna og forvarnir. Ég vinn í Árskóla og er deildarstjóri á unglingastigi. Maðurinn minn heitir Guðni Kristjánsson og hann kemur frá Siglufirði. Við eigum þrjú börn, Rakel, Kristján Rögnvald og Matthildi, þrjú tengdabörn þau Maríu Önnu, Nandiu og Bjarna Pál. Barnabörnin okkar eru Stefán Þór (10 ára), Davíð Örn (6 ára) og Guðni Freyr (1 árs). Labrador hundurinn Garpur setur svo sinn svip á heimilislífið á Skagfirðingabrautinni.“

Í dag klukkan 14 opnar listamaðurinn Ásta Bryndís Sveinsdóttir frá Egilsstöðum málverkasýningu í Gallerí HÚN í Húnabúð á Blönduósi. Ásta Bryndís verður á staðnum ásamt fjallhressum systrum sínum sem mættar eru af þessu tilefni, segir á Facebooksíðu Húnabúðarinnar. Boðið verður upp á vöfflur með rjóma af þessu tilefni.

Það þarf eflaust ekki að minna nokkurn á það að Tindastóll og Njarðvík mætast í Síkinu í kvöld í fjórðu viðureign liðanna í undanúrslitum Subway-deildarinnar. Feykir spáir því að það verði barist frá fyrstu til síðustu sekúndu enda er allt undir; Tindastóll leiðir einvígið 2-1 og vilja pottþétt tryggja sér farseðilinn í úrslitarimmu gegn liði Vals á heimavelli í kvöld á meðan gestirnir úr Njarðvík verða að vinna leikinn til að halda draumnum sínum á lífi og tryggja sér oddaleik í Ljónagryfjunni suður með sjó.

Í Skagafirði er gott að búa, fjölbreytt atvinnulíf og aðstæður góðar fyrir fjölskyldufólk. Hér viljum við ala upp börnin okkar og er því mikilvægt að grunninnviðir sveitarfélagsins séu í lagi. Í upphafi kjörtímabilsins sem nú er að líða var bæði vöntun á íbúðarhúsnæði og leikskólaplássi. Sjálfstæðisflokkurinn hefur því lagt mikla áherslu á að fjölga lóðum í þéttbýliskjörnum sveitarfélagsins og stuðla að uppbyggingu á leikskólum um fjörðinn.

Þetta var aðal frasinn á Húnavöllum í mörg ár og þótti okkur óbærilegt að hugsa að við þyrftum kannski að deila skólagöngu með Blönduósingum. Hversu ömurlegt að við fengjum fleiri möguleika til að taka þátt í íþróttum, félagsstarfinu og lúðrasveitinni, sem var ennþá á lífi þá, vá hvað allir myndu vorkenna okkur fyrir að eiga svo erfitt líf.

Sveitarfélagið Skagafjörður vann og samþykkti árið 2014 FJÖLSKYLDUSTEFNU SKAGAFJARÐAR sem er sex síðna plagg með afar göfugum fyrirheitum og áætlunum að glæsilegri stefnu. Árið 2019 skrifuðu fulltrúar sveitarfélagsins Skagafjarðar undir það að vera HEILSUEFLANDI SAMFÉLAG og árið 2020 var ákveðið að sveitarfélagið Skagafjörður yrði BARNVÆNT SVEITARFÉLAG.

Skagafjörður er góður búsetukostur enda sveitarfélagið bæði víðfeðmt og fallegt með fullt af möguleikum. Einn megin styrkur atvinnulífs í Skagafirði er hversu blandað atvinnulífið er. Í grunninn erum við framleiðslusamfélag sem byggir á landbúnaði og sjávarútvegi en samhliða því höfum við einnig byggt upp öflugt þjónustusamfélag þar sem bæði starfar mikið af sjálfstæðum fyrirtækjum en einnig opinberar stofnanir.