Fréttir

Sveitarstjórn Húnaþings vestra tekur undir byggðarráði og fagnar hugmyndum um stofnun húsnæðissjálfseignarstofnunar á landsbyggðinni. Samband íslenskra sveitarfélaga óskaði eftir því að sveitarfélög taki afstöðu til hugmyndarinnar fyrir lok október.

Grænar greinar er eitt af grænum verkefnum Orkusölunnar og er fyrst og fremst hugsað til vitundarvakningar og skemmtunar og fá öll sveitarfélög landsins afhenta plöntu til gróðursetninga. Yfir þúsund plöntur gróðursettar við Skeiðsfossvirkjun.

Lið Skallagríms og Tindastóls mættust í VÍS-bikarnum í körfubolta í Fjósinu í Borgarnesi í kvöld. Borgnesingar spila í 1. deildinni í vetur líkt og undanfarin tímabil og þeir sáu aldrei til sólar gegn liði Tindastóls í kvöld. Lokatölur voru 61-112 og Stólarnir því komnir í 16 liða úrslitin.

Á heimasíðu Árskóla á Sauðárkróki er sagt frá því að skólinn er þátttakandi í Evrópuverkefni sem leitt er af vendinámssetri Keilis í Reykjanesbæ. Snýr verkefnið að góðum starfsvenjum í evrópsku skólakerfi á tímum Covid. Verkefnið, sem nefnist BestEDU, er styrkt af Erasmus+ Menntaáætlun Evrópusambandsins og er til tveggja ára. Það er unnið í samstarfi átta skóla og fræðslustofnana í sex Evrópulöndum.

Kvennalið Tindastóls í körfunni heimsótti lið KR á Meistaravelli í gærkvöldi í 1. deildinni. Leikurinn fór ágætlega af stað og lið Tindastóls tveimur stigum yfir að loknum fyrri hálfleik. Heimastúlkur bitu hinsvegar duglega frá sér í þriðja leikhluta og náðu góðri forystu fyrir lokafjórðunginn. Stólastúlkur sýndu karakter og náðu að klóra í bakkann en lokatölur voru 80-71 fyrir KR.

Hjá Knattspyrnudeild Tindastóls er nú unnið að því að semja við leikmenn fyrir næsta keppnistímabil. Nú hafa átta stúlkur skrifað undir samning um að leika áfram með liði Tindastóls næsta sumar en liðið tekur þátt í 1. deild kvenna undir stjórn nýráðins þjálfara, Donna Sigurðssonar. Um er að ræða sex heimastúlkur og tvær bandarískar, sem þarf nú hvað úr hverju að fara að tala um sem heimastúlkur, en það eru Murr og Amber.

Það er auðvelt að lifa hátíðardaginn en tekur á að lifa hvernsdaginn, þó er hann mjög mikilvægur, á honum gerast hlutirnir. Nú lifum við vikur þar sem gylliboðin fylla flesta miðla sem ná til okkar, boð sem flestir sem þau senda vita að eru tál. Blessunarlega er hægt að slökkva á flestum miðlum og ég segi oft að þögnin sé besta útvarpsefnið.

Haustið er minn tími. Ekki það að ég sé ekki eins og hver annar sólardýrkandi Íslendingur sem rýkur út um leið og sólin fer að skína að sumri til, þá er bara eitthvað annað við haustið.

Á Húnahorninu segir af því að laxveiðitímabilinu sé nú lokið í flestum ám landsins þetta sumarið. Í sjö helstu laxveiðiánum í Húnavatnssýslum veiddust samtals 4.550 laxar og er það 156 löxum meira en í fyrra þegar 4.394 laxar veiddust.

Enn er tekist á um talningu atkvæða í Norðvesturkjördæmi í kjölfar alþingiskosninganna sem fram fóru 25. september síðastliðinn. Nú hafa að minnsta kosti ellefu aðilar kært kosningarnar til Alþingis og þegar þessi frétt er skrifuð er undirbúningsnefnd fyrir rannsókn kjörbréfa að funda. Mjög skiptar skoðanir eru ríkjandi varðandi málið en í nýrri könnun Gallup sem RÚV segir frá kemur í ljós að flestir telji að seinni talning eigi að standa.