Íþróttir

Leikmenn Kormáks Hvatar bættu þremur stigum í pottinn þegar þeir mættu Úlfunum á Framvellinum í Reykjavík í gær. Bæði lið höfðu unnið einn leik og tapað öðrum í ansi jöfnum D-riðli 4. deildar og því mikilvægt fyrir bæði lið að sækja þrjú stig og koma sér betur fyrir á stigatöflunni. Húnvetningar skoruðu snemma leiks og þar við sat, lokatölur 0-1.

Lið Tindastóls og Augnablika mættust í hörkuleik í dag í 3. deildinni en leikið var á Sauðárkróksvelli. Heimamenn tóku forystuna snemma leiks en gestirnir jöfnuðu metin í upphafi síðari hálfleiks og þrátt fyrir mikil átök tókst hvorugu liðinu að gera sigurmarkið og skildu því jöfn. Lokatölur 1-1.

Meiri verður dramatíkin varla á fótboltavellinum en í kvöld þegar lið Tindastóls og Þórs/KA mættust á Sauðárkróksvelli. Lið Tindastóls leiddi lengstum í leiknum en gestirnir tóku yfir leikinn í síðari hálfleik, jöfnuðu metin þegar um 20 mínútur voru eftir og gerðu síðan sigurmarkið bókstaflega með síðasta sparki leiksins – rothögg um leið og bjallan klingdi! Svekkjandi úrslit fyrir Stólastúlkur en kannski má segja að sigur Þórs/KA hafi verið sanngjarn að þessu sinni. Lokatölur 1-2.

Það verður nóg um að vera á Blönduósi í sumar þegar það kemur að íþróttum og tómstundum og hefur Blönduósbær gefið út bækling á vef sínum þar sem inniheldur upplýsingar um íþrótta- og tómstundastarf á Blönduósi sumarið 2021.

Á föstudaginn næsta, 28. maí mun GSS standa fyrir skemmtimóti í golfi til styrktar og stuðnings meistaraflokki kvenna í knattspyrnu sem nú spilar í fyrsta sinn í sögu Tindastóls í efstu deild.

Keflvíkingar sendu Tindastólsmenn í sumarfrí í dag þegar þeir unnu þriðja leikinn í einvígi liðanna og sópuðu Stólunum þar með út úr Sláturhúsinu og alla leið norður í Skagafjörð. Enn og aftur mætti segja að lið Tindastóls hafi fallið um sjálft sig; var sex stigum yfir þegar tvær og hálf mínúta var eftir en lokasóknir liðsins voru grátlegar þar sem liðið tapaði boltanum fjórum sinnum á síðustu tveimur mínútum leiksins og missti heimamenn fram úr. Tímabilið í hnotskurn – eins og einn höfðinginn orðaði það. Lokatölur 87-83 fyrir Keflavík.

Lið Kormáks Hvatar tók á móti Vængjum Júpíters á Sauðárkróksvelli í dag í D-riðli 4. deildar. Leikurinn var bráðfjörugur og útlit fyrir að Húnvetningar séu til alls líklegir í sumar. Þeir voru 3-1 yfir í hálfleik, komust síðan í 4-1 en gestirnir löguðu stöðuna örlítið undir lokin og úrslitin því 4-2.

Tindastóll spilaði annan leik sinn í 3. deildinni í knattspyrnu í dag en leikið var á Würth vellinum í Árbænum . Mótherjinn var lið Elliða sem er b-lið Fylkis og það var heimamenn sem náðu að knýja fram sigur undir lokin. Lokatölur 1-0 og Stólarnir enn án stiga í Íslandsmótinu.

Lið Kormáks Hvatar spilaði fyrsta leikinn í D-riðli 4. deildar um liðna helgi en þá mættu þeir liði Léttra á Hertz-vellinum í Breiðholtinu. Áður en keppni hófst sendi Feykir nokkrar spurningar á Ingva Rafn Ingvarsson sem tók við þjálfun liðsins nú á vordögum eftir smá sviptingar á þjálfaramarkaðnum. Hann segir lið sitt fara fullt sjálfstrausts og tilhlökkunar inn í sumarið.

Þriðji leikurinn í einvígi Keflavíkur og Tindastóls fer fram í Keflavík á laugardag og hefst kl. 17:00. Keflvíkingar hafa unnið báða leikina hingað til og eiga möguleika á að sópa Stólunum út úr úrslitakeppninni en eflaust ætla strákarnir okkar að selja sig dýrt. Feykir lagði nokkrar spurningar fyrir Baldur Þór Ragnarsson þjálfara Tindastóls sem bendir stuðningsmönnum Stólanna á að gefast ekki upp. „Það er alltaf möguleiki á comebacki.“