Íþróttir

Það var Hugrún Pálsdóttir sem gerði fyrsta mark Tindastóls í efstu deild og ágætt fyrir þá sem hafa gaman að fótbolta pub-quizzi að muna þá staðreynd. Markið gerði hún eftir hornspyrnu á 36. mínútu og virtist ætla að duga til sigurs en Þróttur jafnaði í uppbótartíma og liðin skildu því jöfn. Hugrún hefur alla tíð spilað fyrir Tindastól, á að baki 117 leiki og hefur skorað 19 mörk. Feykir lagði nokkrar spurningar fyrir markaskorarann í morgun og byrjaði á að spyrja hvernig tilfinningin hafi verið að skora fyrsta mark Tindastóls í efstu deild.

Stólastúlkur tóku á móti liði Þróttar Reykjavík á Sauðárkróksvelli í kvöld í fyrstu umferð Pepsi Max deildarinnar í knattspyrnu. Sannarlega stór dagur í sögu fótboltans á Króknum, flaggað í bænum af því tilefni, og kannski viðeigandi að bjóða upp snarpa norðangolu á Króknum – enda er Pepsi Max best ískalt. Lið gestanna var meira með boltann í leiknum en lentu undir og allt leit út fyrir að aðdáunarverður varnarleikur Tindastóls dygði til sigurs en gestirnir jöfnuðu í uppbótartíma. Jafntefli því sanngjörn úrslit.

„Leikurinn leggst mjög vel í okkur,“ sagði Guðni Þór Einarsson, annar þjálfara kvennaliðs Tindastóls, í samtali við Feyki í morgun. „Við eigum von á erfiðum leik við spútniklið deildarinnar frá því í fyrra. Lið Þróttar er vel skipulagt og hefur góða leikmenn í sínum röðum. Þessum leik höfum við beðið með eftirvæntingu í nokkra mánuði og við erum tilbúin og stemmningin er virkilega góð í hópnum, einbeiting í bland við spennu.

„Já, að sjálfsögðu! Þetta hefur verið okkar markmið til lengri tíma og nú rætist draumurinn,“ segir Bryndís Rut Haraldsdóttir, fyrirliði Tindastóls, þegar blaðamaður Feykis spyr hana hvort það sé komin spenna í hópinn hjá Stólastúlkum en liðið spilar fyrsta leikinn í Pepsi Max deildinni í kvöld, miðvikudaginn 5. maí, og hefst leikurinn kl. 18:00 á gervigrasinu á Króknum. Það er því full ástæða til að taka púlsinn á fyrirliðanum farsæla.

Fyrstu tveir riðlar Skólahreysti fóru fram í gær í Íþróttahöll Akureyrar í beinni útsendingu á RÚV. Í fyrri riðli öttu kappi átta skólar af Austur- og Norðurlandi og þar mætti m.a. Grunnskóli austan Vatna sem gerði sér lítið fyrir og sigraði.

Síðasti heimaleikur Stólastúlkna í 1. deild kvenna fór fram í kvöld en þá kom lið Ármanns í heimsókn. Leikurinn var jafn lengstum en slök hittni Tindastóls í fjórða leikhluta vóg ansi þungt í lokin þrátt fyrir ágætan varnarleik. Það fór svo að gestirnir að sunnan tóku stigin tvö og unnu, 61-70.

Síðasta púsl í heimsmynd Kormáks Hvatar þetta sumarið hefur verið fundið og fellur sérlega vel að restinni. Skrifað hefur verið undir samninga við varnarmanninn Acai Elvira um að binda saman vörnina í sumar og kemur hann til móts við félaga sína nú innan skamms.

Lið Tindastóls í 1. deild kvenna í körfubolta á eftir að spila tvo deildarleiki áður en liðið hefur leik í úrslitakeppninni. Fyrri leikurinn verður í Síkinu annaðkvöld kl. 20:00 en þá taka stelpurnar á móti liði Ármanns.Síðan er útleikur á laugardaginn gegn Fjölni. Feykir hafði samband við Árna Eggert, þjálfara Stólastúlkna, og spurði út í markmið liðsins.

Nýkrýndir deildarmeistarar Keflavíkur komu í Síkið í gær í 20. umferð Dominos-deildarinnar. Tindastólsmenn hófu leik með ágætum, voru yfir eftir fyrsta fjórðung en svo kom það bersýnilega í ljós að Keflavík er með langbesta liðið í deildinni því þó svo að þeir væru án Harðar Axels þá var tilfinningin sú að þeir væru alltaf með leikinn í höndum sér. Þegar upp var staðið fóru þeir dökkbláu heim með stigin tvö. Lokatölur 71-86.

Stólastúlkur brunuðu á Ísafjörð í gær þar sem þær léku við lið Vestra í 1. deild kvenna. Lið Ísfirðinga hafði aðeins hlotið tvö stig í leikjum vetrarins en lið Tindastóls hafði unnið fimm leiki af14. Raunar höfðu þær vestfirsku unnið annan leikinn í svokölluðum tvíhöfða hér á Króknum sl. haust en í kjölfar kófsins var leikjum í 1. deild kvenna fækkað og úrslitin í leiknum sem Vestri vann strikuð út. Þær voru því æstar í að næla í glötuðu stigin tvö en frábær tíu mínútna kafli Tindastóls seint í leiknum skóp fínan sigur gestanna. Lokatölur 64–73.