Skagafjörður

Stelpurnar í meistaraflokki Tindastóls komst áfram í 16 liða úrslit með sigri á Völsungi sl. mánudagskvöld 3-1. Kolbrún Ósk Hjaltadóttir opnaði markareikning Stólanna á 22. mínútu en Hulda Ösp Ágústsdóttir svaraði fyrir gestina nánast á sömu mínútunni. Það var svo Bryndís Rún Baldursdóttir sem jók mun heimaliðsins rétt áður en dómarinn blés til hálfleiks og staðn því 2-1. Undir lok leiks gulltryggði Madison Cannon sigur Stólanna með marki þegar um 10 mínútur voru eftir af leiknum og Stólastúlkur komnar í 16 liða úrslit.

Í kvöld mun Reiðhöllin Svaðastaðir slútta vetrarstarfinu með formlegum hætti. Starfið í vetur hefur verið hefðbundið. Það hófst í byrjun september að vanda, en þá hóf Fjölbrautaskóli Norðurlands vestra kennslu á Hestabrautinni og Iðja hæfing með æfingar fyrir fatlaða fylgdi í kjölfarið. Þessir tveir aðilar eru með fasta tíma í höllinni allan veturinn fyrir iðkendur sína. Í lok september var svo Laufskálaréttarhelgin með sína föstu viðburði sem eru sýning og skemmtidagskrá á föstudagskvöldi og dansleikur á laugardagskvöldinu. Hvoru tveggja mannmargir viðburðir.

Söluvagn sem Helgi Freyr Margeirsson fékk leyfi til að staðsetja og reka tímabundið í landi Glaumbæjar í Skagafirði opnaði sl. laugardag í sól og blíðu. Í vagninum verður hægt að kaupa sér sitthvað í svanginn eða bara smáræði til að láta eftir duttlungum sínum. Heyrst hefur að ísinn sé afar vinsæll.

Styrkjum til atvinnumála kvenna var úthlutað þann 19.maí og fengu 35 verkefni styrki að upphæð kr. 35.000 milljónir. Þorsteinn Víglundsson, velferðar- og húsnæðismálaráðherra afhenti styrkina í athöfn sem fór fram í Hörpu. Í ár bárust 350 umsóknir og hefur ráðgjafarnefnd metið umsóknir á undanförnum vikum. Nokkur verkefni í Skagafirði hlutu náð fyrir augum dómnefndar og fékk Ragnheiður Þórarinsdóttir á Laugarmýri hæsta styrk eða kr. 4.000.000 fyrir verkefnið Samrækt

Íslandsmeistaramótið í ísbaði verður haldið í sundlauginni á Blönduósi í dag klukkan 17:15 og verða keppendur sex. Benedikt Lafleur mun kynna heilsugildi ísbaða og meistararitgerð sína Vatnið er kalt og djúpt eins og vitund mín sjálfs. Svo verður keppt í því hver getur verið lengst ofan í ísbaði.

Tónlistarskóla Skagafjarðar var slitið við hátíðlega athöfn sl. föstudag í Félagsheimilinu Höfðaborg á Hofsósi.

Nú styttist í sumarfrí í grunnskólunum og þá taka vinnuskólarnir til starfa. Skráning í Vinnuskóla Sveitarfélagsins Skagafjarðar stendur nú yfir en hann verður starfræktur frá 6. júní til 11. ágúst. Skólinn er fyrir börn á aldrinum 13-16 ára, fædd 2001-2004. Skráningu þarf að vera lokið fyrir 25. maí næstkomandi.

Indriði Ægir Þórarinsson og Óskar Aron Stefánsson í 7. bekk Varmahlíðarskóla, hlutu fyrstu verðlaun í Nýsköpunarkeppni grunnskólanemenda sem haldin var í Háskólanum í Reykjavík, sl. laugardag. Þóra Emilía Ólafsdóttir og Lilja Diljá Ómarsdóttir í 6. bekk hlutu önnur verðlaun fyrir Barnabjargara.

Þeir sem vita ekki hver Sherlock Holmes er þá er hann skáldsagnarpersóna sem er einkaspæjari og var skapaður af breska höfundinum Sir. Arthus Conan Doyle. Persónan er best þekkt fyrir það að vera ráðgjafi í sögunum en einstök hæfni hans við að leysa hin ólíklegustu mál með furðulegum athugunum, réttarvísindum og rökréttum rökum, gerir persónuna einstaka og skemmtilega.

Kristján Þorbjörnsson, yfirlögregluþjónn á Blönduósi, segir á Húna.is að hann hafi kallaður á skrifstofu nýs lögreglustjóra Norðurlands vestra sl. fimmtudag og verið tilkynnt þar formálalaust að starf hans væri lagt niður frá og með 1. júní 2017. Honum hafi verið tjáð að hann mætti hætta störfum þá strax sem hann kaus að gera.