Skagafjörður

Matgæðingur í tbl. 2 í ár er Björg Árdís Kristjánsdóttir og er hún uppalin á Króknum. Björg býr núna í Vesturbæ Reykjavíkur ásamt manninum sínum, Andrew Osborne frá Adelaide í Ástralíu, ásamt tveim börnum, Isobel Soleyju, þriggja ára og Patreki Ara sem verður tveggja ára í byrjun mars.

Hin þreytandi kórónaveira hefur aftur skotið upp kollinum í leikmannahópi Subway-deildarliðs Tindastóls og í tilkynningu á Facebook-síðu Körfuknattleiksdeildar Tindastóls er sagt frá því að tveir leikmenn liðsins hafi greinst með Covid. Leikmennirnir tveir eru að sjálfsögðu komnir í einangrun og afgangurinn af liðinu í sóttkví. Þetta hefur að sjálfsögðu í för með sér að leiknum gegn KR, sem fram átti að fara í Síkinu annað kvöld, hefur verið frestað.

Atkvæðagreiðsla utan kjörfundar er hafin hjá sýslumönnum vegna kosninga um sameiningu sveitarfélaganna Blönduósbæjar og Húnavatnshrepps annars vegar og Sveitarfélagsins Skagafjarðar og Akrahrepps hins vegar, sem fram fara laugardaginn 19. febrúar nk. Greiða má atkvæði utan kjörfundar á skrifstofum embættisins á Blönduósi, aðalskrifstofu, Hnjúkabyggð 33 og á Sauðárkróki, sýsluskrifstofu, Suðurgötu 1, alla virka daga frá klukkan 9 til 15.

Á Facebook-síðu Nes listamiðstöðvar segir að á íslenskum vetrum eru dagarnir stuttir og næturnar langar. „Eftir að ljósaflóð jólanna er liðið hjá getur janúar virst vera dimmasti mánuður ársins og við þráum öll langa sólríka daga,“ segir í tilkynningu á síðunni og til að bjóða bjartara og skærara 2022 velkomið þá mun Nes listamiðstöð lýsa upp Skagaströnd með þátttöku listamanna sem munu búa til allskonar listaverk með lýsingu. Það verður gert með því að nota LED ljós til að varpa birtu, búa til skugga, endurskin og fleira víða um Skagaströnd og með listagöngu fyrir íbúa Norðurlands vestra 22. og 23. janúar 2022 frá kl. 18.00–21.30.

Eins og vitað er eru aðgerðir ríkisstjórnar vegna Covid-19 í stöðugri endurskoðun og taka mið af stöðu faraldursins á hverjum tíma. Í öllum ákvörðunum og umræðu af hálfu yfirvalda hefur verið lögð mikil áhersla á að reyna að halda úti órofinni starfsemi á sem flestum sviðum. Sveitarfélagið Skagafjörður hefur markað sér þá stefnu að fylgja leiðbeiningum yfirvalda hvað þetta varðar eins og hægt er og leitast við að þjónusta íbúa í stofnunum sveitarfélagsins hvar sem þeir eru, í skólum, í velferðarþjónustu og annars staðar.

Um liðna helgi skapaðist nokkur umræða á samfélagsmiðlum í kjölfar þess að Morgunblaðið sagði frá því að sam­starfs­nefnd Sveit­ar­fé­lags­ins Skaga­fjarðar og Akra­hrepps færi fram á það að brú verði gerð yfir Héraðsvötn á milli Skaga­fjarðar­veg­ar og Kjálka. Að mati nefndarinnar eru trygg­ar sam­göng­ur grunn­ur að því að vel tak­ist til við sam­ein­ingu sveit­ar­fé­lag­anna og að Skag­f­irðing­ar sjái sér hag í því að samþykkja sam­ein­ingu. Feykir forvitnaðist nánar um málið og setti sig í samband við Hrefnu Jó­hann­es­dótt­ur, odd­vita Akra­hrepps og formannsam­starfs­nefnd­ar­inn­ar.

Á félagsfundi Vinstri grænna í Skagafirði sem haldinn var í gær voru þingmenn og ráðherrar hreyfingarinnar hvattir til áframhaldandi góðra verka og til þess að standa vörð um strandveiðarnar sem komið var á í sjávarútvegsráðherratíð Jóns Bjarnasonar og efla þær enn frekar með aukinni hlutdeild í veiðiheimildum. Mikilvægur liður í því, segir á Facebook-síðu VG, er að strandveiðar verði heimilaðar í 48 daga, 12 daga í hverjum mánuði maí – ágúst og öllum veiðisvæðunum verði tryggðir 12 dagar.

Á morgun 19. janúar stendur SSNV (Samtök sveitarfélaga á Norðurlandi vestra) fyrir samfélagsmiðladeginum #landsbyggðafyrirtæki (e. #ruralbusiness day) í samstarfi við Digi2Market. Markmiðið er að vekja athygli á því frábæra fólki, þjónustu og vörum fyrirtækja í landsbyggðunum, sem eiga stóran þátt í að styðja við og byggja upp samfélögin í hinum dreifðari byggðum, eftir því sem kemur fram í tilkynningu samtakanna, en með því að taka þátt í deginum fá fyrirtæki í landsbyggðunum aukinn sýnilega, fá tækifæri til að vaxa, styrkir viðskiptatengsl þeirra út um Evrópu.

Spurningakeppni framhaldsskólanna, Gettu betur, hélt áfram á öldum ljósvakans í gærkvöldi og þrátt fyrir tap í fyrstu umferð fékk keppnislið Fjölbrautaskóla Norðurlands vestra annað tækifæri í gærkvöldi þar sem liðið komst áfram sem stigahæsta tapliðið eftir fína frammistöðu gegn öflugu liði Tækniskólans. Andstæðingurinn í gær var sprækt lið Fjölbrautaskóla Vesturlands og í húfi var sæti í átta liða úrslitum keppninnar.

Kaupmaðurinn Bjarni Haraldsson á Sauðárkróki lést í nótt á 92. aldursári, en hann hafði dvalið á HSN á Sauðárkróki síðustu misseri. Bjarni var sæmdur heiðursborgaranafnbót fyrstur allra í Sveitarfélaginu Skagafirði árið 2019 er haldið var upp á 100 ára afmæli Verslunar Haraldar Júlíussonar, sem kennd er við föður hans.