Skagafjörður

Í janúar 2020 opnaði Verkís starfsstöð á Faxatorgi á Sauðárkróki. Byggingafræðingurinn Magnús Ingvarsson var eini starfsmaðurinn til að byrja með er nú, tæplega þremur árum síðar, eru fimm starfsmenn Verkís með aðstöðu á skrifstofunni og verkefnin hafa verið mörg og fjölbreytt. Fjölgunin hefur farið fram úr björtustu vonum og ljóst að Sauðárkrókur hefur mikið aðdráttarafl. Starfsstöðin á Sauðárkróki heyrir undir útibú Verkís á Norðurlandi sem staðsett er á Akureyri.

Frá því var greint á Feyki í sumar að til stæði að breyta þjónustustöðvum Olís á Skagaströnd, Ólafsfirði og í Fellabæ í sjálfsafgreiðslustöðvar ÓB sem lið í stefnu fyrirtækisins að útvíkka þjónustu- og vöruframboð á þeim þjónustustöðvum sem eftir standa. Hafði þetta í för með sér að sjoppan á Skagaströnd lokaði um miðjan september en unnið var að því að finna rekstraraðila sem gæti nýtt húsnæðið sem fyrir var. Í stuttu máli sagt fannst rekstraraðili að öllum sjoppunum þremur og munu þær heita Sjoppan mín í framtíðinni.

NAFN: Auður Björk Birgisdóttir. ÁRGANGUR: 1984. FJÖLSKYLDUHAGIR: Þriggja barna móðir og eiginkona. Er gift Rúnari Páli Hreinssyni frá Grindum, saman eigum við þrjú börn þau Bjarkey Dalrós 14 ára, Sigurrós Viðju 8 ára og Birgi Smára Dalmann 4ra ára. HVAÐ ER Í DEIGLUNNI: Í deiglunni er að byggja 300 fermetra fjárhús fyrir veturinn… (svona ef veðrið verður til friðs).

Síðast þegar Feykir forvitnaðist um dag í lífi brottflutts þá skutumst við í sólina til Önnu Birnu Sæmundsdóttur á Tenerife. Nú stökkvum við beint í norður frá Tene og lendum í Miðvági á Vogey (Vágar) í Færeyjum. Þar býr nefnilega Guðrún Halldórsdóttir Nielsen, fædd 1990, ásamt eiginmanni sínum, Færeyingnum Rana Nielsen, og þremur börnum þeirra; Halldóri Kristian 9 ára, Martin Bjarka 8 ára og Daviu Sól 1 árs. Guðrún starfar sem leiðbeinandi á leikskólanum Miðgarði í Miðvági.

Fimmtudagurinn 24. nóvember verður haldinn fyrirlestur á netinu í fyrirlestraröð Ferðamáladeildar Háskólans á Hólum, Vísindi og grautur – þrjú korter af vísindum, þar sem því er velt upp hvort, og þá hvernig ferðaþjónustan geti nýtt sér myrkurgæði til að skapa nýja ferðavöru.

Skrítið hvað hlutir verða minni eftir því sem maður verður eldri. Eða kannski að minningin stækki allt og fegri. Í æsku minni var ekkert hús á Króknum stærra en Bifröst og þar gerðust ævintýri í töfraheimi leiklistar, kvikmynda og tónlistar.

Kynningarblaði körfuknattleiksdeildar Tindastóls, Stóllnum, var dreift í hús á Króknum í vikunni og hægt er að nálgast blaðið á nokkrum útvöldum stöðum í Skagafirði. Nú er búið að skella því á netið og hægt að lesa blaðið eða skoða myndirnar með því að smella á Stólinn hér á forsíðu Feykis.is.

Sunnudaginn 20. nóvember verður viðburður í Gránu á Sauðárkróki. Þá ætlar þjóðfræðingurinn og Strandamaðurinn Jón Jónsson að ræða um förufólk fyrri alda og segja af því sögur. Hann veltir meðal annars fyrir sér landlægum áhuga á sögum af sérkennilegu fólki og rifjar upp fjölmargar sögur. Frítt er inn á viðburðinn sem hefst kl. 14:00.

Upplestrarkvöldið Héraðsbókasafns Skagfirðinga var haldið síðastliðið miðvikudagskvöld og það á sjálfum Degi íslenskrar tungu. Samkvæmt frétt á fésbókarsíðu safnsins tókst vel til og kvöldið ljómandi skemmtilegt. Frábær mæting var í Safnahúsið á Króknum og bókaþyrstir drukku í sig nærandi upplesturinn.

Ráðstefnan „Stefnum á Norðurland“ verður haldin fimmtudaginn 24. nóvember í Hofi á Akureyri, frá 13-15:30. Á ráðstefnunni verða kynntar niðurstöður greiningar KPMG á þörf fyrir gistirými á Norðurlandi á næstu árum, sérstaklega með tilliti til aukinna umsvifa flugfélaga um Akureyrarflugvöll.