Skagafjörður

Sigríður Herdís Bjarkadóttir er uppalinn Skagfirðingur en býr í Reykjavík með manninum sínum og tveimur köttum.

Mikil úrkoma var á Tröllaskaga nú í lok vikunnar. Í frétt á mbl.is í hádeginu í gær var sagt frá því að Veðurstofa Íslands hafi gert ráð fyrir 75 mm uppsafnaðri úrkomu í grennd við Siglufjörð en meira varð úr því mælar sýndu hátt í 150 mm á einum sólarhring. Eitthvert þarf vatnið síðan að renna en í Fljótum hafði vatnið skilað sér illa til sjávar og þar voru talsverð flóð í gær.

Sú hættulega staða sem kom upp fyrir nokkrum dögum þegar net og símasambandslaust varð á Skagaströnd og í Skagabyggð afhjúpar alvarlega veikleika í fjarskiptaöryggi byggðarlaga á landsbyggðinni. Þá lá netsamband niðri í 6 stundir og var með öllu símasambandslaust í 3 tíma og ótraust þess fyrir utan eftir að grafinn var í sundur ljósleiðari vegna framkvæmda í Refasveit. Þennan tíma var ekki hægt að hringja í neyðarlínuna 112 eða eiga samskipti fólks í milli vegna aðstæðna eða atvika sem kynnu að kalla á neyðaraðstoð.

Næstkomandi sunnudag, 13. nóvember verður haldin í frímúrarahúsinu á Sauðárkróki metnaðarfull söngdagskrá með ævisöguívafi byggða á höfundarverki Eyþórs Stefánssonar og ævisögu hans eftir Sölva Sveinsson. Auk þess að hlýða á söng frábærra listamanna fá gestir að heyra frá, ekki síðri listamanni, Eyþóri Árnasyni leikara frá Uppsölum, flutning um ævi og störf Eyþórs.

Fyrir um þrem áratugum kom Bragi Skúlason, byggingameistari, að máli við mig og spurði hvort ég ætti mynd af kirkjunni þar sem að kúlurnar þrjár á turni kirkjunnar kæmu skýrt og afdráttarlaust fram. Svo fór að engin mynd fannst í fórum mínum.

Mikil þörf er á því að endurnýja og bæta tækjakost til bráðaþjónustu á heilsugæslustöðvum á landsbyggðinni. Öllu getur skipt að þær séu betur tækjum búnar til greiningar bráðavanda og slysa. Þá verður að vera til staðar vel þjálfað starfsfólk til að sinna fyrstu viðbrögðum.

„Jæja, hún er komin í hús blessunin, sjötta bókin í ritröðinni Skagfirskar skemmtisögur,“ segir Björn Jóhann Björnsson, skemmtisagnasafnari og Moggamaður, á Facebook-síðu sinni. Fram kemur að nú bætast um 200 sögur í sarpinn en alls eru sögurnar á prenti orðnar um 1.300 talsins.

Íslenska karlalandsliðið í körfuknattleik leikur tvo landsleiki í landsliðsglugganum sem nú er hafinn í undankeppni HM 2023. Liðið hefur æft saman síðustu daga og í kvöld, 11. nóvember, mæta strákarnir landsliði Georgíu í Laugardalshöllina. Leikurinn hefst kl. 19:30 og verður í beinni á RÚV en uppselt er á leikinn. Einn leikmaður Tindastóls, Arnar Björnsson, var valinn í landsliðshóp Íslands og fær vonandi að láta ljós sitt skína.

Vegna umræðu í fjölmiðlum og á samfélagsmiðlum um velferð búfjár á tilteknum bæ í Borgarfirði, hefur Matvælastofnun sent út fréttatilkynningu til að árétta að stofnunin sé með málið til meðferðar. Þar kemur fram að á meðan vinnslu málsins stendur mun stofnunin sjá til þess að allir gripir búsins hafi aðgang að nægu heyi og vatni.

Það voru glaðir krakkar sem tóku formlega við aparólunni, sem Kiwanisklúbburinn Freyja stóð fyrir að komið yrði upp í fyrirhuguðum leikvelli sunnan Eyrartúns í Túnahverfi á Sauðárkróki í hádeginu í dag. Verkefnið er unnið í samstarfi við Skagafjörð og segir Freyja Rut Emilsdóttir, forseti klúbbsins, það einkar ánægjulegt að taka fyrsta leiktækið í notkun.