Skagafjörður

Þá er bikarhelgin í körfunni yfirstaðin en Valsmenn fögnuðu þar sigri gegn Stjörnumönnum eftir spennandi leik og búa því svo vel þessa dagana að geta státað af því að geyma stóru titlana tvo í körfunni. Tindastólsmenn skutlast suður í Breiðholt í dag og etja kappi við lið ÍR sem bíður þeirra í Skógarselinu. Þetta verður fyrsti leikur Stólanna undir stjórn Pavels Ermolinskij sem skrifaði undir samning um að stjórna liði Tindastóls fram á vorið hið minnsta í kjölfar þess að Vlad hvarf af sviðinu.

Árið er 1955. Hún var nítján ára við vinnu á Hólum þegar hún fékk þau skilaboð frá föður sínum að reyna að komast á Krókinn og heimsækja móður á sjúkrahúsinu. Hún vissi af ungum manni, sem átti bíl og bað hann að leyfa sér að sitja í næst þegar hann færi á Krókinn, sem var auðsótt mál. Þarna kvaddi hún móður sína sem lést stuttu síðar. Þegar henni var tilkynnt andlát móðurinnar slapp út úr henni «Æ það var gott» Og þessi orð fylgdu henni það sem eftir lifði og hún lifði í þeirri bjargföstu trú að dauðinn væri ekki það versta sem gæti hent þig í lífinu. Þegar kvölin er orðin svona mikil er dauðinn líkn. Enda lét hún gjarnan þau orð falla ef eldra fólk féll frá «Æ það var gott að hún/hann fékk að deyja». En ungi maðurinn sem átti bílinn varð síðar eiginmaður hennar til tæpra sextíu ára.

Lands­virkj­un hef­ur nú ákveðið og skráð að öll raf­orka sem fyr­ir­tækið sel­ur hér á landi sé nú fram­leidd með kol­um, olíu eða kjarn­orku. Ef smá­sal­ar, sem selja raf­magn til al­menn­ings, vilja grænt raf­magn þurfa þeir að borga fyr­ir vott­un eða bjóða not­end­um sín­um að gera það. Not­andi sem kaup­ir grænt raf­magn, fram­leitt á Íslandi, þarf því sam­kvæmt þessu að greiða sér­stak­lega fyr­ir það. Sam­kvæmt frétt­um er hér um 15% hækk­un á grænni raf­orku að ræða. Orku sem er og hef­ur alltaf verið GRÆN!

Í tilkynningu frá Skagafjarðarveitum eru íbúar á Hólum í Hjaltadal upplýstir um bilun sem varð í kaldavatnstanknum á staðnum og því megi búast við truflunum á rennsli kalda vatnsins þar.

Mygla var staðfest í úttekt EFLU á aðalbyggingu Háskólans á Hólum sumarið 2019 en lítið sem ekkert var aðhafst næstu tvö árin þar á eftir. Fram kemur í frétt RÚV af málinu að nú horfi til betri vegar og farið verði í framkvæmdir í sumar. „Málið er komið frá ráðuneyti til framkvæmdarsýslunnar sem er búin að gera samning við tvær verkfræðistofur sem eru að vinna útboðsgögn til þess að bjóða út verkið sem við kemur viðgerðum,“ er haft eftir Hólmfríði Sveinsdóttur, rektors háskólans.

Ólympíuhátíð Evrópuæskunnar, íþróttahátíð fyrir evrópsk ungmenni á aldrinum 14-18 ára, fer fram í Friuli Venezia Giulia á Ítalíu dagana 21.-28. janúar. Meðal átján keppenda frá Íslandi er Ari Eyland Gíslason, brettakappi á Sauðárkróki.

Landsnet efnir í dag til fundar um Blöndulínu 3 í Menningarhúsinu Miðgarði með landeigendum og öðrum haghöfum. Fundurinn hefst kl. 16:30 og stendur til 18:30, Blöndulína 3 er enging á milli Blöndu og Akureyrar en á fundinum verður m.a. farið yfir stöðuna á framkvæmdinni eftir að álit skipulagsstofnunar á umhverfismati línunnar liggur fyrir, sem og önnur mál sem tengjast verkefninu.

Síðastliðinn föstudag náði Andrés bóndi í Tungu í Gönguskörðum við annan mann að koma sautján kindum til byggða úr Vesturfjöllum sem voru, þrátt fyrir fannfergi og kulda, í ágætu ásigkomulagi. Nokkrum dögum áður hafði Andrés staðsett féð og náð að handsama eitt lamb og flutt með sér heim.

Loforð er eitthvað sem við gefum þegar við viljum að eitthvað gangi eftir sem við getum haft áhrif á og fylgjum eftir. Loforð er skuldbinding sem hver og einn verður að standa við og efna. Annað eru svik. Öðru máli gegnir um vilja sem er eiginleikinn til að framkvæma, ef maður nennir því eða kemur því í verk þó einhver ljón séu í veginum. Ég hef t.d. margoft sýnt vilja minn til ýmissa verkefna en aldrei framkvæmt án þess að hafa lofað því sérstaklega.

Karla- og kvennalið Tindastóls voru bæði í eldlínunni í Kjarnafæðismótinu um liðna helgi. Stelpurnar mættu Þór/KA 2 og máttu lúta í gervigras Bogans eftir 2-1 tap en strákarnir mættu í kjölfarið liði Þórs 2 og eftir að hafa lent tveimur mörkum undir náðu Stólarnir að jafna metin og lokatölur þar 2-2.