Skagafjörður

Góðan daginn Norðlendingar og gleðilegt sumar. Ég heiti Jónína Björg Magnúsdóttir, 55 ára og er í 2. sæti á lista Samfylkingar í Norðvesturkjördæmi til Alþingiskosninga sem fara fram 25. sept. 2021. Mig langar til að kynna sjálfa mig í kjördæminu og fyrir hvaða skoðanir og lífsgildi ég stend en fyrst ber að kynna hverra manna ég er.

Vegagerðin stendur fyrir málþingi um þjóðvegi á hálendinu í beinu streymi í dag frá klukkan 9.00 til 12.30. Eitt af verkefnum Vegagerðarinnar samkvæmt samgönguáætlun 2020-2034 er að móta stefnu um hönnun vega á hálendi Íslands í samræmi við áherslur í landsskipulagsstefnu. Í tilkynningu frá Vegagerðinni segir að hún stígi nú sín fyrstu skref í þessa átt en vill fyrst af öllu heyra skoðun ólíkra hópa á málefninu. Hvernig þeir sjái fyrir sér vegi á hálendinu, hvar þeir eigi að vera, hvernig og hverjum þeir skuli þjóna.

Flokkur Guðmundar Franklíns Jónssonar, Frjálslyndi lýðræðisflokkurinn, hefur opnað heimasíðu, x-o.is, en þar er hægt að finna ítarlega stefnuskrá flokksins í 66 liðum auk tveggja glærukynninga með Landbúnaðarstefnu og Sjávarútvegsstefnu flokksins.

Vegna ástandsins sem ríkir nú í Skagafirði í kjölfar Covid smita í samfélaginu hefur sveitarfélagið vakið athygli á því á heimasíðu sinni að eldra fólk og aðrir sem tilheyra viðkvæmum hópum, sem hingað til hafa ekki fengið félagslega heimaþjónustu og/eða heimsendan mat, geti haft samband við afgreiðslu Ráðhússins og óskað eftir símtali.

Síðasta umferðin í Dominos-deildinni var spiluð í kvöld og fengu Tindastólsmenn lið Stjörnunnar í heimsókn í galtómt Síkið. Sigur hefði tryggt heimamönnum spennandi einvígi við lið Þórs Þorlákshöfn í úrslitakeppninni en úrslit kvöldsins fóru á þann veg að lið Tindastóls endaði í áttunda sæti deildarinnar og spilar því við Keflavík í átta liða úrslitum. Það þýðir auðvitað að leikurinn gegn Stjörnunni tapaðist og þrátt fyrir að leikurinn hafi verið ágæt skemmtun og spennandi þá var þetta undarlega andlaust hjá heimamönnum. Lokatölur 96-102 eftir framlengingu.

Vegna Covid-ástands í Skagafirði hefur afgreiðslutími Skagfirðingabúðar á Sauðárkróki verið lengdur og opnar því fyrr á morgnana þessa viku. Í tilkynningu frá KS kemur fram að opið verður sem hér segir:

Nú er komið í ljós hverjir gefa kost á sér í framvarðasveit Sjálfstæðisflokksins í Norðvesturkjördæmi fyrir komandi kosningar en kjörnefnd flokksins í kjördæminu kom saman í gærkveldi og fór yfir þau framboð sem bárust. Alls bárust níu framboð og voru þau öll úrskurðuð gild. Tveir þeirra eru búsettir á Norðurlandi vestra.

Svandís Svavarsdóttir, heilbrigðisráðherra, hefur sett reglugerð sem kveður á um svæðisbundnar takmarkanir á samkomum í sveitarfélaginu Skagafirði og Akrahreppi. Á vef ráðuneytisins kemur fram að reglugerðin feli í sér að þær afléttingar á landsvísu sem tóku gildi í dag eigi ekki við á því svæði. Þar gilda áfram sömu takmarkanir og verið hafa undanfarnar vikur, tímabundið til og með 16. maí næstkomandi.

Alls eru átta manns í einangrun á Sauðárkróki eftir að hópsmit kom upp fyrir helgi. Mikil ös hefur verið við sýnatökur á heilsugæslunni í bænum og eru alls 316 í sóttkví í Skagafirði en 332 ef Norðurland vestra er allt talið. Yfirhjúkrunarfræðingur biður fólk um að spara hringingar nema mikið liggi við.

Sjöunda erindi vetrarins í fyrirlestarröð Háskólans á Hólum, Vísindi og grautur, verður haldið miðvikudaginn 12. maí nk. Þar mun Antje Neumann, lektor við Háskólann á Akureyri, flytja erindið: „Protecting Polar Wilderness and Tourism: Two sides of a coin?“ sem utleggja má sem „Verndun víðernis heimskauta og ferðamennsku: Tvær hliðar sömu myntar?“