Skagafjörður

Útför Páls Ragnarssonar, tannlæknis á Króknum og formanns Umf. Tindastóls í áratugi, fer fram frá Sauðárkrókskirkju á morgun, föstudaginn 19. febrúar kl. 14:00. Þeir eru ófáir sem vildu sýna þakklætisvott með því að fylgja Páli síðasta spölinn en fjöldatakmarkanir í miðjum heimsfaraldri gera fólki erfitt um vik. Félagar í Umf. Tindastóli hafa hvatt til þess að fólk, sem ekki kemst í kirkjuna, standi heiðursvörð að athöfn lokinni.

Inga Sæland, formaður Flokks fólksins, hefur lagt fram á Alþingi frumvarp um breytingu á lögum um velferð dýra þar sem lagt er til að svokallað blóðmerahald verði bannað. Ef breytingin nær fram að ganga verður bannað að taka blóð úr fylfullum merum á Íslandi í þeim tilgangi að selja það eða vinna úr því vöru til sölu

Þriðja liðið sem kynnt er til leiks í Meistaradeild KS 2021 er lið Storm Rider en þar ríður í fararbroddi Elvar Einarsson, hrossabóndi á Syðra-Skörðugili á Langholti í Skagafirði og formaður hestamannafélagsins Skagfirðings. Elvar er útskrifaður tamningamaður og reiðkennari frá Hólaskóla.

Golfklúbbur Skagafjarðar festi nýlega kaup á golfhermi af fullkomnustu gerð. Sveitarfélagið Skagafjörður hjálpaði félaginu með myndarlegri afmælisgjöf á 50 ára afmæli GSS árið 2020. Hermirinn er kominn á sinn stað í inniaðstöðu GSS og félagsmenn þegar byrjaðir að spila. Formleg vígsla er áætluð þegar slakað verður á fjöldatakmörkunum.

Nú í síðustu viku kom út splunkunýtt lag með Ouse en hann er eins og margir vita einn niðurhlaðnasti tónlistarmaður landsins. Lagið kallast Why Did You Tell Me That You Loved Me? eða Hvers vegna sagðir þú mér að þú elskaðir mig? og er þetta fyrst einfarinn af væntanlegri breiðskífu Ouse.

Á skíðasvæði Tindastóls er nú verið að standsetja heilmikið mannvirki úr 27 gámum sem áður gegndu hlutverki vinnubúða hjá Landsvirkjun og að áliti sérfræðinga í góðu ásigkomulagi. Grunnur var steyptur síðasta sumar sem gámunum hefur verið komið fyrir á og munu þeir í framtíðinni þjóna útivistarfólki hvort heldur sem er sumar eða vetur. Vonir standa til að opna megi hinn nýja skíðaskála um páskana og hafði Feykir samband við Sigurð Bjarna Rafnsson, formann skíðadeildar Tindastóls, og forvitnaðist um málið.

Hinn frábæri öskudagur er í dag og ekki laust við að hópar misháværra krakka hafi látið ljós sín skína í arki um bæji landsins. Nefjum var stungið inn í anddyri fyrirtækja og stofnana og í skiptum fyrir söng fékkst nammi eða eitthvað annað fínt.

Hinn margrómaði Öskudagur er í dag og þrátt fyrir Covid komu margar furðuverur í afgreiðslu Nýprents á Sauðárkróki og sungu fyrir starfsfólk. Börn á öllum aldri mættu og þöndu raddböndin mismikið, einhverjir fóru styttri leiðina og sungu um gamla Nóa og Bjarnastaðabeljurnar eins og gengur en aðrir lögðu aðeins meira á sig og fóru með flóknari texta.

Tvö endurhæfingarrými á HSN Sauðárkróki verða opnuð þann 1. mars nk. en áætlað er að þeim fjölgi í fjögur næsta vetur. Að þessu verkefni hefur verið unnið í samvinnu Kristsnesspítala, endurhæfingardeildar SAk, og HSN með stuðningi heilbrigðisráðherra. Á heimasíðu Heilbrigðisstofnunar Norðurlands kemur fram að um sé að ræða rými fyrir eldri einstaklinga þar sem slitgigt er aðalvandamálið og ekki er þörf á sérhæfðri endurhæfingu.

Á fundi atvinnu-, menningar- og kynningarnefndar Svf. Skagafjarðar var tekið fyrir erindi frá Þórdísi Friðbjörnsdóttur, héraðsbókaverði um rekstur bókasafna í framhéraði Skagafjarðar og samþykkt að leggja niður starfsstöð bókasafnsins á Steinsstöðum og sameina starfsstöð bókasafnsins í Varmahlíð frá og með 1. mars nk.