Skagafjörður

RANNÍS hefur tilkynnt um niðurstöðu fyrri úthlutunar úr Nýsköpunarsjóði námsmanna fyrir árið 2020. Alls var sótt um rúmlega 243 milljónir króna eða laun í 811 mannmánuði og bárust 189 umsóknir í ár fyrir 281 háskólanema. Að þessu sinni hafði sjóðurinn um 105 milljónir króna til úthlutunar og hlutu alls 73 verkefni styrk. Í styrktum verkefnum eru 125 nemendur skráðir til leiks í alls 350 mannmánuði.

Sannarlega hefur stórum áfanga verið náð í Covid baráttunni á Norðurlandi vestra þar sem allir 35 sem smituðust af kórónaveirunni hafa náð bata og því enginn skráður í einangrun á svæðinu, samkvæmt upplýsingum frá aðgerðastjórn almannavarna á Norðurlandi vestra.

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, hefur ráðstafað 200 milljóna króna viðbótarframlagi til Framkvæmdasjóðs ferðamannastaða á árinu 2020 með hliðsjón af vinnu stjórnar sjóðsins frá úthlutun ársins 2020 í mars síðastliðinn.

Fyrir helgi var gengið frá kaupum á pökkunarróbót sem FISK Seafood ráðgerir að taka í notkun í vinnslusal sinn á Sauðárkróki undir haustið. Róbótann þróaði hátæknifyrirtækið Valka sérstaklega fyrir FISK Seafood sem segir á heimasíðu þess það fyrsta sinnar tegundar sem flokkar, vigtar og pakkar frosnum flökum.

Uppbygging nýrrar kynslóðar byggðalínu er hafin og er fyrsti áfanginn í þeirri uppbyggingu þrjár nýjar 220 kV háspennulínur á Norður- og Austurlandi. Þær eru Kröflulína 3 frá Kröfluvirkjun í Fljótsdalsstöð, en framkvæmdir við lagningu hennar eru þegar hafnar.

Króksarann Huga Halldórsson þekkja margir sem Ofur-Huga í skemmtiþáttunum 70 mínútum sem vinsælir voru á Popptíví á árunum 2000 til 2004 en eftir skólaárin á Króknum flutti kappinn suður og býr nú í Garðabæ. Lengi vel rak hann Stórveldið og síðar Heimsveldið sem framleiddi mikið af innlendu sjónvarpsefni en nú einbeitir hann sér að sportþætti sínum á hlaðvarpi, eða podcast, sem enginn íþróttaáhugamaður ætti að láta framhjá sér fara. Hann er hægt að finna undir nafninu Fantasy Gandalf. Hugi segir okkur frá því hvernig dagurinn líður frá morgni til kvölds.

Samkvæmt tölum aðgerðastjórnar almannavarna á Norðurlandi vestra frá því í gær eru tveit einstaklingar í einangrun vegna Covid-19 í umdæminu, báðir á Hvammstanga, og sami fjöldi sem situr í sóttkví, annar á Hvammstanga en hinn á Sauðárkróki. Þar með hafa 33 af 35 náð bata af veikinni og 468 manns lokið sóttkví.

„Diskurinn Bláir kossar er kominn út, loksins. Við erum búin að vera að vinna að þessu í rólegheitum í tvö ár núna,“ segir Árni Gunnarsson, kvikmyndagerðar- og tónlistarmaður á Sauðárkróki. Diskurinn er gefinn út á netinu í gegnum efnisveituna Tune Core, sem dreifir honum áfram til efnisveitna eins og Spotify, Youtube og Apple Store. Að sögn Árna verður síðar framleitt lítið upplag af diskinum fyrir búðir.

Matgæðingar Feykis í 17. tbl. FEykis árið 2018 voru Kristín Guðbjörg Snæland og Sigurður Leó Snæland Ásgrímsson á Sauðárkróki. Þau deildu með lesendum uppskrift að kryddleginni folaldasteik og skúffuköku.

Farskólinn, miðstöð símenntunar á Norðurlandi vestra, bauð nýlega íbúum Norðurlands vestra upp á fimm gerðir fjarnámskeiða í samstarfi við Samtök sveitarfélaga á Norðurlandi vestra og stéttarfélögin Ölduna, Verslunarmannafélag Skagafjarðar, Sameyki, Samstöðu og Kjöl. Námskeiðin, sem voru öllum opin og gjaldfrjáls fyrir íbúa landshlutans, vöktu mikla lukku og heppnuðust þau vel en alls sóttu 165 manns þessi námskeið. Því hefur verið ákveðið að endurtaka leikinn og bjóða upp á fimm ný námskeið.