V-Húnavatnssýsla

Samtök sveitarfélaga á Norðurlandi vestra og Farskólinn - miðstöð símenntunar á Norðurlandi vestra standa fyrir málþingi um stöðu og framtíð smáframleiðenda laugardaginn 18. apríl næstkomandi klukkan 10-15 í Miðgarði í Varmahlíð. Nánari dagskrá málþingsins er inni í fréttinni og skráningarlinkur.  

Lið Kormáks/Hvatar spilaði sinn síðasta leik í Lengjubkarnum síðastliðið föstudagskvöld og var leikið í Akraneshöllinni. Andstæðingurinn var lið Kára en liðin hafa eldað grátt silfur síðustu árin og alls konar dramatík dúkkað upp. Nú voru aftur á móti allir upp á sitt prúðasta, engin spjöld fóru á loft en mörkin urðu sex og gerðu heimamenn fjögur þeirra. Lokatölur því 4-2 og rétt eins og lið Tindastóls þá fóru Húnvetningar stigalausir í gegnum Lengjubikarinn.

Tuttugasta og sjötta kjördæmisþing Kjördæmasambands Framsóknarmanna í Norðvesturkjördæmi fór fram að Laugum í Sælingsdal dagana 11.-12. aptíl. Sendi þingið frá sér stjórnmálaályktun þar sem skorað er á ríkisstjórnina að hætta árásum á landsbyggðina.

Samtök sveitarfélaga á Norðurlandi vestra og Farskólinn - miðstöð símenntunar á Norðurlandi vestra standa fyrir málþingi um stöðu og framtíð smáframleiðenda laugardaginn 18. apríl næstkomandi klukkan 10:00 - 15:00 í Miðgarði í Varmahlíð. Nánari dagskrá málþingsins er hér.

Þann 16. júlí 2009 sendi Ísland Evrópusambandinu umsókn um aðild að sambandinu. Umsóknin var lögð fram á grundvelli 49. greinar sáttmálans um Evrópusambandið.

Birgir Jónasson, fráfarandi fangelsismálastjóri, fer aftur í starf sitt sem lögreglustjóri á Norðurlandi vestra eftir að hann lætur af störfum sem yfirmaður fangelsismála en þetta kemur fram í frétt á mbl.is. Að sögn Birgis er gert ráð fyrir að hann taki aftur við embætti lögreglustjóra 1. júní næstkomandi.

Ársþing SSNV fór fram við góðar undirtektir og var vel sótt af fulltrúum sveitarfélaga og öðrum gestum. Þingið einkenndist af málefnalegum umræðum og fróðlegum erindum.

Tveir vinningsmiðar í Páskaleik Íslenskrar getspár, sem keyptir voru á sölustöðum, eru ósóttir. Er eigenda þeirra leitað.

Ársþing Samtaka sveitarfélaga á Norðurlandi vestra var haldið á Hótel Laugarbakka nú á miðvikudaginn. Þar fór meðal annars fram afhending Byggðagleraugnanna 2026 en handhafar þeirra eru tvö fyrirtæki á Norðurlandi vestra, Borealis Data Center á Blönduósi og FISK Seafood á Sauðárkróki. „Bæði fyrirtækin hafa sýnt, hvort með sínum hætti, hvernig atvinnulíf getur stutt við jákvæða byggðaþróun og eflt samfélög í landshlutanum,“ segir í frétt á vef SSNV.

Í gamla bænum á Blönduósi stendur nú yfir sýning sem hvetur gesti til að staldra við og velta fyrir sér því sem er bæði kunnuglegt og oft gleymist. List á pappír, sem er í Hillebrandtshúsi dagana 10.–19. apríl, sameinar listamenn sem vinna með eitt elsta og einfaldasta efni sem við þekkjum: pappír.