V-Húnavatnssýsla

Sagt var frá því nýlega í Feyki að til stæði að gera skurk í aðgengismálum og þjónustu við ferðamenn í nágrenni við Hvítserk og vitnað í samtal Vísis við Knút Óskarsson ferðaþjónustubónda á Ósum sem stendur fyrir uppbyggingunni með aðstoð sveitarfélagsins. Feykir lagði nokkrar spurningar fyrir Unni Valborgu Hilmarsdóttur sveitarstjóra Húnaþings vestra af þessu tilefni.

Í gærkvöldi fór fram leikur Kormakar/Hvatar og Kára í 16-liða úrslitum í Gatoradebikarnum. Óhætt er að segja að leikurinn á Blönduósvelli hafi verið dramatískur og spennuÞrunginn. Honum lauk með sigri heimamanna eftir tvær framlenginar og vítaspyrnukeppni.

Það er stórleikur fram undan á Blönduósvelli klukkan 19:00 í kvöld þegar Kormákur/Hvöt fær lið Kára frá Akranesi í heimsókn í 16-liða úrslitum Gatoradebikarsins. Eftir dramatískan leik í seinustu umferð keppninnar eru Kormákur/Hvöt tilbúnir í slaginn.

Tíminn flýgur áfram og árið 2026 þegar ríflega hálfnað. Það styttist því í Unglingalandsmótið sem verður á Króknum um verslunarmannahelgina, dagana 30. júlí til 2. ágúst, og nokkuð er síðan opnað var fyrir skráningu á mótið. Skagfirðingar geta nú átt von á að rekast á eldhressa starfsmenn mótsins, Ómar Braga og Pálínu Hraundal, hvar sem þeir eru staddir og mögulega smitast af íþróttaanda. Feykir spurði út í mótið.

Fyrrverandi aðstoðarmaður dómsmálaráðherra, Jakob Birgis, þeytist nú um landið með uppistand en ekkert vesen. Hann verður væntanlega í miklu stuði næstu daga þegar hann heimsækir Skagaströnd, Hvammstanga og Krókinn og áður en vikan er úti verður hann búinn að stinga stóru tánni inn í næsta kjördæmi því hann hyggst einnig heimsækja Sigló. Feykir sendi Jakobi nokkrar spurningar í gær sem hann svaraði eftir að hann var búinn að fara út með hundinn.

Riðufundur sem sauðfjárbóndinn Karólína Elísabetardóttir hélt í Húnaveri fyrir hönd alþjóðlegs rannsóknarhóps 30. júní var afar vel sóttur, bæði af gestum á staðnum og í streymi. Í umfjöllun á vef SSNV segir að á fundinum kynntu fremstu vísindamenn Evrópu á sviði riðurannsókna nýjustu niðurstöður rannsókna á riðu á Íslandi sem hafa verið yfirstandandi síðan 2021 og ræddu hvaða þýðingu þær geta haft fyrir framtíð íslenskrar sauðfjárræktar.

Tvær af ástsælustu söngröddum þjóðarinnar leiða nú saman krafta sína á tónleikaþrennu sem kallast Við syngjum tvö en þar er um að ræða hin síungu Óskar Pétursson og Diddú. Þau hafa hvort um sig átt einstakan feril og glatt landsmenn um áratugaskeið með söng sínum, hlýju og einstakri sviðsframkomu. Tónleikarnir verða í Miðgarði í Skagafirði, Hofi á Akureyri og í Hörpu Reykvíkinga mánaðamótin september og október.

Landmótið á Hólum er í fullum gangi og hefur gengið vel. Landsmótshaldarar hvert sinn hafa ákveðið svigrúm til að bjóða upp á nýjar greinar sem sýningargreinar. Á tveimur síðustu mótum hefur verið boðið upp á greinar sem tilheyra íþróttakeppnishluta keppnisflórunnar. Hestamannafélagið Skagfirðingur sem er mótshaldari á Hólum ákvað að breyta til og bjóða uppá B-flokk áhugamanna og A-flokkungmenna.

Landsmót hestamanna er komið á fullt. Mikið líf og fjör er á Hólum í Hjaltadal núna og búast má við frábærri stemningu alla vikuna. Sigríður Emma Magnúsdóttir hóf keppni í gær, á fyrsta degi Landsmótsins, og tryggði sér sæti í milliriðli með Abel frá Flagbjarnarholti. Hún keppir fyrir hönd Hestamannafélagsins Þyts.

Lið Kormáks/Hvatar skaust suður yfir Holtavörðuheiðina á þjóðhátíðardegi Bandaríkjanna og alla leið á Extra-völlinn í Grafarvogi en þar biðu Fjölnismenn Húnvetninga en þeir hafa upplifað eftirminilegri tíma í boltanum. Leikurinn var víst ekki heldur eftirminnilegur en liðin gerðu 1-1 jafntefli og eru sem fyrr um miðja 2. deild.