V-Húnavatnssýsla

Á dögunum komu fulltrúar félagsmálaráðuneytisins sem halda utan um verkefnið Gott að eldast í heimsókn í Snælduna heimaþjónustu á Hvammstanga. Aðgerðaáætlunin Gott að eldast var samþykkt á Alþingi í maí árið 2023 og tekur til 19 aðgerða sem á að vera búið að ljúka í árslok 2027. Aðgerðirnar eru mismunandi, sumar ívið umfangsmeiri en aðrar en allar eiga það sameiginlegt að stuðla að bættum lífsgæðum eldra fólks. Sex heilbrigðisumdæmi og tuttugu og tvö sveitarfélög taka þátt í verkefninu.

Á fundi byggðarráðs Skagafjarðar þann 5. október síðastliðinn var samþykkt samhljóða að sveitarfélagið Skagafjörður gerðist aðili að Samtökum landbúnaðarsveitarfélaga. Fyrir fundinum lá boð á stofnfund samtakanna sem fram fór tveimur dögum síðar á Hilton í Reykjavík en 26 sveitarfélög tóku þátt í stofnun samtakanna. Var sveitarstjóra falið að sitja fundinn fyrir hönd Skagafjarðar og fara með fullt og ótakmarkað umboð sveitarfélagsins á fundinum.

Varað er við slæmu veðri á Norðurlandi vestra sem og víðast hvar á landinu nk.miðvikudag. Veðurstofan hefur gefið út appelsínugula veðurviðvörun fyrir Vestfirði og Norðurland vestra síðla dags og fram á fimmtudagsmorgun. Reikna má með töluverðri ofankomu og ófærð og þá sérstaklega á fjallvegum. Skýrist betur á morgun en eins og er lítur þetta ekkert spennandi út. Ferðalangar eru beðnir að flýta sínum ferðum eða bíða þar til þetta gengur yfir.

Feykir skýrði frá því í síðustu viku að flytja þyrfti starfsemi ráðhússins á Hvammastanga tímabundið í félagsheimilið þar sem loftgæði í húsingu reyndust óviðunandi. Nú liggja fyrir frekari niðurstöður rannsókna á innra byrði ráðhússins en tekin voru bæði stroksýni og efnissýni á nokkrum stöðum á öllum hæðum hússins. Niðurstöður þeirra leiddu í ljós að ástand hússins er mun verra en talið var.

Á fjármálaráðstefnu sveitarfélaga þann 8. október 2026 lagði Eyjólfur Ármannsson innviðaráðherra áherslu á mikilvægi þess að standa vörð um lítil hjúkrunarheimili með 10–12 íbúum. Þetta eru mikilvæg orð sem ber að fagna. En þau vekja jafnframt áleitnar spurningar um framtíð þessara heimila þegar heilbrigðisstofnanir landsins standa frammi fyrir miklum kröfum um niðurskurð og hagræðingu.

Á næsta ári er stóra verkefni landsliðsins HM íslenska hestsins í Rieden í Þýskalandi. Sigvaldi Lárus Guðmundsson landsliðsþjálfari U21 landsliðs Íslands í hestaíþróttum hefur valið landsliðshóp sinn fyrir starfsárið 2026-2027. Hópurinn var kynntur í húsakynnum Icelandair Cargo við Flugvelli í Hafnarfirði. „Þangað ætlum við með okkar allra sterkustu keppnispör. Einungis fimm sæti eru í boði á HM í ungmennaflokki þannig að baráttan um sæti á HM er hörð. U21-landsliðshópurinn er skipaður knöpum sem verða 17-21 árs á keppnisárinu 2027, yngstu knapar hópsins verða því á síðasta ári í unglingaflokki en aðrir knapar í ungmennaflokki,“ segir í tilkynningu frá LH

Eitt af mörgu í umæðunni þessa dagana er endurupptaka tölustafa í stað bókstafa í námsmati í grunnskólum. Eitthvað finnst sumum þetta ruglingslegt en gerður er greinarmunur á mati á verkefnum og prófum yfir skólaárið en þar eru skólar hvattir til að nota skalann 1 – 10, og svo mati við brautskráningu en þar skal nota kvarðan 4 til 10. Brautskráningarmatið skal byggt á verkefnum og prófum yfir allan veturinn.

Markaðsstofa Norðurlands og Samtök sveitarfélaga á Norðurlandi vestra (SSNV) hafa á undanförnum mánuðum unnið að verkefni sem miðar að því að byggja upp aðdráttarafl og leggja grunn að nýrri markaðssókn í ferðaþjónustu. Í verkefninu hefur verið unnið með samráðshópi hagaðila, skipuðum fulltrúum ferðaþjónustu á Norðurlandi vestra, Íslandsstofu og Háskóla Íslands á Hólum.

Vakin er athygli á því að enn er opið fyrir umsóknir í Uppbygginarsjóðinn. Umsóknarfrestur fyrir árið 2027 er 16. september – 21. október kl. 14:00. Verkefnin geta verið af ýmissi stærðargráðu og er fólk hvatt til að sækja um. Sótt er um í gegnum umsóknarkerfi Rannís: Sæktu um hér.

Íslenskur landbúnaður verður í aðalhlutverki á samnefndri sýningu í Laugardalshöll helgina 9.-11. október næstkomandi. Það er fagsýningarfyrirtækið Ritsýn sem stendur að sýningunni og er þetta þriðja landbúnaðarsýning þess. Sýningarrými seldust upp fyrir nokkrum mánuðum en sýnendur eru hátt í 100 bæði innan og utan dyra í Laugardalnum.