V-Húnavatnssýsla

Á heimasíðu Húnaþings vestra er vakin athygli á íbúafundi sem Vegagerðin boðar til á Hótel Hvítserki þann 10. september nk. kl. 17:00. Fundarefnið er fyrirhugaðar framkvæmdir á Vatnsnesi, frá Skarði í vestri að Hringvegi í austri.

Matgæðingurinn í tbl. 14 á þessu ári var Stella Hrönn Jóhannsdóttir og ólst hún upp í Keflavík í Hegranesi. Eins og fleiri fluttist hún úr firðinum eftir framhaldsskóla og settist að sunnan heiða og hefur búið í Hveragerði í rúm 20 ár.

Á Íslandi greinist að meðaltali eitt barn í hverjum mánuði með krabbamein. Á Treyjudeginum klæðist fólk uppáhaldstreyjunni sinni til stuðnings börnum með krabbamein og fjölskyldum þeirra. Dagurinn hefur verið haldinn í Danmörku, Svíþjóð og Noregi um árabil en þetta mun vera í fyrsta sinn sem haldið er upp á daginn á Íslandi.

Árskóli á Sauðárkróki hýsir setningu Göngum í skólann þetta skólaárið. Setningin verður á íþróttavellinum á Króknum nú á eftir, föstudaginn 4. september kl. 10:20, og væntanlega er öllum velkomið að mæta. Skólastjóri býður gesti velkomna, fulltrúi frá ÍSÍ segir nokkur orð, sveitarstjóri ávarpar samkomuna og lögreglan flytur stutt erindi um umferðaröryggi.

Alls bárust 47 umsóknir í Startup Landið, viðskiptahraðal fyrir frumkvöðla og nýsköpunarverkefni á landsbyggðinni en umsóknarfrestur var til miðnættis þriðjudaginn 1. september. Umsóknir bárust víðs vegar að af landinu og endurspeglar fjöldinn þann kraft sem býr í nýsköpun og frumkvöðlastarfi á landsbyggðinni.

Feykir birti nýverið lista yfir fjárréttir í Skagafirði og Húnavatnssýslum sem var fenginn að láni úr Bændablaðinu góða. Listinn var birtur með fyrirvara um villur og í morgun hringdi sími Feykis og ungleg kvenmannsrödd tilkynnti að tímasetning á Staðarrétt væri röng í listanum. Staðarrétt er nú sunnudaginn 6. september og hefst kl. 11:00.

Það getur verið skemmtilegt sport að gera smá grín að Vegagerðinni enda um ríkisfyrirtæki að ræða sem flestum finnst að ætti að vera svo gott sem óskeikult - í það minnsta þegar verið er að nota reiknivél. Á Facebook-síðu sinni bendir Gísli Rúnar Jónsson hjá Suðurleiðum á ósamræmi á vegvísum hvað verðar kílómetrafjöldann frá Borgarnesi til Reykjavíkur eftir því hvort þú ert á Blönduósi eða í Borgarnesi.

Facebook síðan: Lögreglan á Norðurlandi vestra, segir frá: Dagana 26. og 27. ágúst sl. fóru lögreglumenn á Norðurlandi vestra í umfangsmikið vinnustaðaeftirlit ásamt fulltrúum Skattsins og Vinnueftirlitsins. Eftirlitið er liður í samstarfi stjórnvalda um eftirlit með brotastarfsemi á vinnumarkaði.

Hildur Arna Magnúsdóttir hefur verið ráðin framkvæmdastjóri Eims og tekur til starfa 1. október næstkomandi. Hildur hefur yfir tíu ára reynslu af stjórnun, stefnumótun, nýsköpun, verkefnastjórnun og stjórnun verkefnasafna, einkum innan orku- og innviðageirans. Hún hefur á ferli sínum leitt fjölbreytt þróunar- og umbótaverkefni, stýrt teymum og unnið að því að þróa hugmyndir og koma þeim í framkvæmd.

Nýjasti liðsmaður Slagarasveitarinnar er Aldís Olga Jóhannesdóttir en hún býr á Hvammstanga og er árgangur 1976. „Ég ólst upp á Hvammstanga, eða sko fyrstu tvö þrjú árin bjó ég í Víðihlíð og síðan fluttum við á Hvammstanga þar sem ég ólst upp. Foreldrar eru Kiddý og Nanni, ef það segir einhverjum eitthvað. Pabbi er einmitt frá Ægissíðu í Vesturhópi svo það eru ýmsar tengingar,“ segir hún áður en Feykir spyr um hljóðfæri.