V-Húnavatnssýsla

Þessa dagana eru starfsmenn Landgræðslunnar á ferð um landið og bjóða öllum áhugasömum til kynningar- og samráðsfunda um verkefnið GróLind – mat og vöktun á gróður og jarðvegsauðlindum Íslands. Næstu fundir verða á Norðurlandi vestra í dag - fimmtudaginn 21. mars. Sá fyrri hefst klukkan 14 og haldinn í Víðihlíð í V-Húnavatnssýslu en kl. 20 í Miðgarði í Skagafirði.

Þriðja mótið í Norðlensku mótaröðinni fór fram sl. laugardag í Þytsheimum á Hvammstanga en keppt var í tölti, T4 og T7. Hér fyrir neðan má sjá úrslit mótsins en öll úrslit og tölur úr forkeppni eru einnig inn á LH kappa appinu. Fjórða mót Norðlensku mótaraðarinnar verður haldið laugardaginn 30.mars, kl 13:00 í reiðhöllinni á Sauðarkróki og stnedur skráning til miðnættis fimmdudagsins 28. mars en keppt verður í tölti T3, T7 og skeiði.

Björgunarsveitin Húnar á Hvammstanga fékk útkall um klukkan eitt eftir miðnætti vegna ferðafólks í hrakningum á Holtavörðuheiði. Á Facebook-síðu sveitarinnar kemur fram að farið hafi verið á bílunum Húna 1 og 4 til móts við félaga þeirra í Björgunarsveitinni Heiðari úr Borgarfirði í verkefnin á heiðinni. egir í færslu Húna að ekkert ferðaveður hafi verið á heiðinni en vel hafi gengið að aðstoða og koma fólki til byggða þó það tæki lengri tíma en oft áður.

Á fundi sveitarstjórnar Húnaþings vestra þann 14. mars sl. var samþykkt að að leita umsagnar á sameiginlegri skipulagslýsingu fyrir nýtt skipulag. Skipulagslýsingin nær annars vegar til nýs deiliskipulags fyrir skólasvæði Hvammstanga og hins vegar breytingar á deiliskipulagi austan Norðurbrautar til samræmis við nýtt deiliskipulag.

Á dögunum var tilkynnt um úthlutun styrkja úr Húsafriðunarsjóði fyrir árið 2019. Alls bárust 267 umsóknir en 202 verkefnum voru veittir styrkir, alls 301.499.000 kr. en sótt var um tæplega einn milljarð króna. Heildarúthlutun fyrir Norðurland vestra, var 26,5 milljónir. Styrkirnir eru í nokkrum flokkum og skiptist þannig á Norðurlandi vestra í þúsundum króna: Friðlýstar kirkjur 9.500, friðlýst hús og mannvirki 1.200, friðuð hús og mannvirki 12.700, önnur hús og mannvirki 350, rannsóknir 0 og loks verndarsvæði í byggð 2.750.

Helgina 14.-16. mars fór fram Íslandsmót iðn- og verkgreina ásamt framhaldsskólakynningu í Laugardalshöll. Fjöldi nemenda tók þátt en keppnisgreinar voru hátt í þrjátíu. Keppendur tókust á við krefjandi og raunveruleg verkefni sem reyndu á hæfni, skipulagshæfileika og fagmennsku. „Keppnin er liður í því að kynna iðn- og verknám fyrir grunnskólanemum og starfsmöguleikum í spennandi greinum. Gaman var að fylgjast með unga fólkinu sýna rétt handbrögð og tækni í sinni grein ásamt því að takast á við spennuna sem fylgir því að keppa,“ segir í tilkynningu frá FNV.

Byggðasafnsnefnd Húnvetningafélagsins í Reykjavík stendur fyrir fyrirlestraröð í Húnabúð í Reykjavík dagana 19., 21., og 28. mars og hefjast allir fundirnir klukkan 17. Allir tengjast fundirnir hákarli með einhverjum hætti. Vill Húnvetningafélagið með þeim reyna að breyta kuldalegu viðmóti Íslendinga til hákarlsins og vingast við hann og rétta hlut hans, að því er segir í tilkynningu á fréttavefnum Húna.is.

Árið 2017 hófst samstarfsverkefni Landssamtaka sauðfjárbænda, Landgræðslunnar, Atvinnuvega- og nýsköpunarráðuneytisins og Bændasamtaka Íslands um að vakta og meta ástand gróður- og jarðvegsauðlinda landsins. Verkefnið fékk nafnið GróLind og er markmið þess að gera reglulega heildarmat á ástandi gróður- og jarðvegsauðlinda landsins og þróa sjálfbærnivísa fyrir nýtingu auðlindanna.

Vegna móttöku flóttafólks frá Sýrlandi býður Rauði krossinn í Húnavatnssýslu til fræðslufunda um menningu, sögu landsins og átökin þar undanfarin ár. Guðrún Margrét Guðmundsdóttir mannfræðingur og menningarmiðlari segir frá. Fyrri fundurinn verður mánudaginn 18 mars, kl. 20.00 í Félagsheimilinu á Blönduósi. Síðari fundurinn verður þriðjudaginn 19. mars, kl. 17.00 í Safnaðarheimilinu á Hvammstanga.

Árleg byssusýning Veiðisafnsins á Stokkseyri, sem í ár verður í samvinnu við verslunina Hlað, verður haldin um helgina í húsakynnum Veiðisafnsins á Stokkseyri. Fjölbreytt úrval skotvopna verður til sýnis, haglabyssur, rifflar, skammbyssur, herrifflar ásamt ýmsu tengdu skotveiðum m.a úr einkasöfnum.