A-Húnavatnssýsla

Undanfarna mánuði hefur verið unnið að sameiningu Undirfells- og Þingeyrasóknar vegna fámennis í báðum sóknum. Í Húnahorninu segir að í kjölfar þeirrar vinnu hafi legið fyrir að þörf væri aðeins fyrir eina kirkju innan sameinaðs safnaðar og var ákveðið að Þingeyrakirkja yrði sóknarkirkja.

Stórkostlegur atburður er í vændum síðdegis í dag, 12. ágúst, þegar sólmyrkvinn gengur yfir. Hann mun sjást vel úr Skagafirði og Húnavatnssýslum en á Norðurlandi vestra verður fallegur deildarmyrkvi þar sem tunglið hylur mest ríflega 98% sólar. Myrkvanum fylgir að það mun kólna og dimma. Deildarmyrkvinn hefst um kl. 16:45 og nær hámarki kl. 17:46, áður en honum lýkur um kl. 18:44. Myrkvinn stendur því yfir í um tvær stundir. Samkvæmt veðurspá frá í morgun gæti farið svo að aðstæður til að fylgjast með þessu sjónarspili verði hvað bestar á Norðurlandi vestra.

Búast má við mikilli umferð á morgun, miðvikudaginn 12. ágúst, vegna sólmyrkvans. Íbúar og vegfarendur eru hvattir til að forðast óþarfa ferðalög frá því síðdegis á morgun og fram á fimmtudag.

Kormákur/Hvöt tók á móti Þrótti úr Vogum í gær, sunnudaginn 9. ágúst. Lítið var um tilþrif í leiknum en heimamenn höfðu á endanum 2-0 sigur og tryggðu sér mikilvæg þrjú stig, þótt þeir sitji enn sem fastast í fimmta sæti 2. deildar.

Nú á dögunum fékk Bárður SH-81 frá Skagaströnd bátsflak í veiðarfærin. Þarna var á ferð Frami HU-25 [5997]. Báturinn var smíðaður í Hafnarfirði úr furu og eik 1979, 2,4 brl. með 23 ha. Volvo Penta vél.

Víða á túnum meðfram þjóðvegum landsins má sjá uppstilltar heyrúllur með skilaboðum um verðandi kosningar um aðildarviðræður að ESB. Eitthvað ber á að reynt sé að eiga við boðskapinn eftir á og er það auðvitað ekki lögum samkvæmt heimilt að fara leyfislaust inn á eignarlönd annarra. Erla Jónsdóttir á Skagaströnd segir svo frá á facebook síðu sinni:

Helgina 15.-16. ágúst fer fram hin árlega Hólahátíð að Hólum í Hjaltadal. Hólahátíð barnanna verður á laugardeginum og er þá dagskrá fyrir börn og fjölskyldur.Lydía Einarsdóttir svæðisstjóri æskulýðsmála og Karl Lúðvíksson íþróttakennari sjá um dagskrána.

Formaður Hollvinasamtaka HSB fékk heldur betur góða heimsók þann 5. ágúst síðastliðinn. Þarna voru mættar þær Ingibjörg á Auðólfsstöðum formaður Kvenfélags Bólstaðarhlíðarhrepps og Guðrún á Auðkúlu formaður Kvenfélags Svínavatnshrepps. Afhentu þær Sigurlaugu Þóru gjafabréf að upphæð kr: 737.800 upp í kaup á höggbylgjutæki í aðstöðu sjúkraþjálfara.

Atkvæðagreiðsla utan kjörfundar vegna þjóðaratkvæðagreiðslu um aðildarviðræður við ESB er hafin. Greiða má atkvæði utan kjörfundar á kjörstöðum innan umdæmisins sem hér segir: Blönduósi, aðalskrifstofu, Hnjúkabyggð 33, Blönduósi, virka daga, kl. 09:00 - 15:00. Sauðárkróki, sýsluskrifstofu, Suðurgötu 1, Sauðárkróki, virka daga, kl. 09:00 - 15:00. Hvammstanga, ráðhúsi Húnaþings vestra að Hvammstangabraut 5, Hvammstanga, mánudaga - fimmtudaga kl. 10:00 - 14:00 og föstudaga kl. 10:00 - 12:00. Skagaströnd, stjórnsýsluhúsi að Túnbraut 1-3, Skagaströnd, mánudaga - fimmtudaga kl. 09:00 - 12:00 og 13:00 - 15:00, frá og með mánudeginum 17. ágúst 2026.

Á heimasíðu Húnabyggðar kemur fram að á morgun fimmtudaginn 6. ágúst verður rof á ljósleiðarasambandi í Vatnsdal vegna tengingar nýrrar ljósleiðaralagnar. Ljósleiðarasambandið verður rofið á morgun fimmtudag klukkan 9:00 í vestanverðum Vatnsdal.