A-Húnavatnssýsla

Riðufundur sem sauðfjárbóndinn Karólína Elísabetardóttir hélt í Húnaveri fyrir hönd alþjóðlegs rannsóknarhóps 30. júní var afar vel sóttur, bæði af gestum á staðnum og í streymi. Í umfjöllun á vef SSNV segir að á fundinum kynntu fremstu vísindamenn Evrópu á sviði riðurannsókna nýjustu niðurstöður rannsókna á riðu á Íslandi sem hafa verið yfirstandandi síðan 2021 og ræddu hvaða þýðingu þær geta haft fyrir framtíð íslenskrar sauðfjárræktar.

Í síðustu viku fagnaði Spákonuhof á Skagaströnd 15 ára afmæli en safnið var opnað 30. júní 2011. Af því tilefni buðu tveir af stofnendum safnsins, þær Sigrún Lárusdóttir og Dagný Sigmarsdóttir, ásamt Ástrósu Elísdóttur og joj til afmælisveislu. Fram kemur á vefsíðu Skagastrandar að um 80 manns mættu til að fagna þessum merka áfanga og nutu gestir sín í góðum félagsskap.

Tvær af ástsælustu söngröddum þjóðarinnar leiða nú saman krafta sína á tónleikaþrennu sem kallast Við syngjum tvö en þar er um að ræða hin síungu Óskar Pétursson og Diddú. Þau hafa hvort um sig átt einstakan feril og glatt landsmenn um áratugaskeið með söng sínum, hlýju og einstakri sviðsframkomu. Tónleikarnir verða í Miðgarði í Skagafirði, Hofi á Akureyri og í Hörpu Reykvíkinga mánaðamótin september og október.

Landmótið á Hólum er í fullum gangi og hefur gengið vel. Landsmótshaldarar hvert sinn hafa ákveðið svigrúm til að bjóða upp á nýjar greinar sem sýningargreinar. Á tveimur síðustu mótum hefur verið boðið upp á greinar sem tilheyra íþróttakeppnishluta keppnisflórunnar. Hestamannafélagið Skagfirðingur sem er mótshaldari á Hólum ákvað að breyta til og bjóða uppá B-flokk áhugamanna og A-flokkungmenna.

Lið Kormáks/Hvatar skaust suður yfir Holtavörðuheiðina á þjóðhátíðardegi Bandaríkjanna og alla leið á Extra-völlinn í Grafarvogi en þar biðu Fjölnismenn Húnvetninga en þeir hafa upplifað eftirminilegri tíma í boltanum. Leikurinn var víst ekki heldur eftirminnilegur en liðin gerðu 1-1 jafntefli og eru sem fyrr um miðja 2. deild.

Helga María Ingimundardóttir er af Holts-ættinni. Hún er dóttir þeirra Dómhildar og Ingimundar. Helga ólst upp á Blönduósi og hefur búið þar alla sína tíð. Hún á fimm systkini, einn bróður og fjórar systur og eins og hún segir sjálf hefur sjaldan verið rólegt á heimilinu. Helga á labrador/border collie blending sem heitir Ronja. Ronja er ellefu ára gömul en enn í fullu fjöri. Eins og gengur og gerist hefur hún safnað að sér ýmsum gælunöfnum í gegnum árin en algengast er að hún sé kölluð Ronjí eða Monsa.

„Landsmót hestamanna 2026 er formlega hafið á Hólum í Hjaltadal og fyrstu keppendur hafa þegar riðið inn á keppnisvöllinn,“ segir í frétt á heimasíðu Landsmóts. Keppni í barnaflokki hófst klukkan hálf níu í morgun á aðalvellinum þar sem efnilegir knapar sýndu glæsilega takta. „Sólin skín og bjart yfir mótssvæðinu. Létt er yfir keppendum og áhorfendum sem njóta þess að Landsmót sé loksins hafið í fallegu umhverfi Hóla,“ segir á síðunni.

Matgæðingar vikunnar í tbl. 8 voru Steinunn Valdís Jónsdóttir og Sigurður Ingi Ragnarsson og eiga þau fjögur börn; Brynjar Loga, Kristinn Frey, Ingu Sólveigu, Veigar Þór og tengdabörnin eru tvö, Almar Atli og Kristín Lilja. Steinunn og Sigurður búa á Sauðárkróki og Steinunn vinnur í sundlauginni á Króknum og Siggi vinnur sem raflagnahönnuður á Tengli og kennir líka við Fjölbrautaskóla Norðurlands vestra.

Tveir bílar skullu saman á Norðurlandsvegi um klukkan þrjú í dag og voru fjórir voru fluttir með sjúkrabíl til aðhlynningar. Samkvæmt frétt mbl.is er lögregla enn að störfum á vettvangi að sögn Péturs Björnssonar aðalvarðstjóra hjá Lögreglunni á Norðurlandi vestra og stýrir umferð um veginn.

Lára Halla Sigurðardóttir flutti ásamt fjölskyldunni sinni á Sauðárkrók sumarið 2022. Áður höfðu þau búið í Reykjavík og er Lára Halla alin upp í Hafnarfirði. Hún er nýútskrifaður kennari og er umsjónarkennari 5. bekkjar í Árskóla, er gift Tjörva Björnssyni, byggingarverkfræðingi hjá Eflu verkfræðistofu en hann ólst upp á Hólum í Hjaltadal og eiga þau þrjú börn. Lára Halla hleypur eins oft og hún getur, hjólar næstum alltaf í vinnuna og núna þegar hún hefur loksins lokið við meistaraprófið hefur hún góðan tíma til að sinna prjónunum.