Aðsent efni

Þau ánægjulegu tímamót urðu í tengslum við setningu atvinnulífssýningar fyrir um hálfum mánuði síðan að mennta- og menningarmálaráðherra og formaður byggðarráðs Sveitarfélagsins Skagafjarðar undirrituðu viljayfirlýsingu um byggingu menningarhúss á Sauðárkróki.

Eins og aðrir flokkar fór Sjálfstæðisflokkurinn af stað í kosningabaráttu fyrir fjórum árum og er nú vert að skoða hvað hefur tekist og hvað ekki.

Snemma í vor kom mér nokkuð á óvart þegar Bjarni Jónsson, oddviti Vg og óháðra, bauð mér að vera á framboðslista með sér. Vissulega höfðum við þá nýverið staðið þétt saman um áframhaldandi uppbyggingu Byggðasafns Skagfirðinga og gegn því að safnið yrði sett á hrakhóla með óábyrgri leyndarsamningagerð núverandi meirihluta við einkahlutafélagið Sýndarveruleika ehf.

Laugardaginn 26. maí fara fram sveitarstjórnarkosningar um land allt. Í flestum sveitarfélögum eru framboðslistar að kynna sín kosningamál og áherslur fyrir næstu fjögur ár. Í því samhengi er nauðsynlegt að huga að því að meta fyrir hvað þessi framboð standa, hver eru þeirra gildi og sýn á samfélagið sitt. Á hverju byggja stefnuskrár framboðanna sem liggja til grundvallar þeirra framtíðarsýn á sitt samfélag.

Góð heilsa er eitt það dýrmætasta sem við eigum og því er mikilvægt að við leggjum okkur fram um að viðhalda henni eins og kostur er. Mataræði er grunnur að góðri heilsu og þar sem börn í nútíma samfélagi verja bróðurpartinum af deginum í leik- eða grunnskólum, er sérstaklega mikilvægt að slíkar stofnanir bjóði upp á hollan og staðgóðan mat (þótt það sé ekki lagaleg skylda sveitarfélaga).

Í Sveitarfélaginu Skagafirði býr margt ungt fólk með mismunandi áhugasvið. Mitt áhugasvið liggur helst inn á svið íþrótta- og félagslífs. Sjálfur spila ég knattspyrnu með meistaraflokk Tindastóls en ég hef æft knattspyrnu frá fimm ára aldri. Á líðandi skólaári hef ég setið í stjórn nemendafélags FNV og tekið virkan þátt í öllu því félagslífi sem fram fer í skólanum og utan hans.

Það er mikilvægt að kjörnir fulltrúar okkar í sveitarstjórn leiði hugann að því að þeir eru þjónar fólksins í sveitarfélaginu. Þeir eru kosnir til að gæta hagsmuna þeirra og setja metnaðarfull verkefni af stað. Verkefni sem þjóna öllum íbúum hvar svo sem þeir velja að búa, inn til dala og út með firði sem og á Sauðárkróki.

Næstkomandi laugardag ganga íslendingar til kosninga. Þá verður kosið um hverjir skulu sitja í sveitarstjórnum um allt land. Hinsvegar snýst kosningin auðvitað um hvernig við viljum sjá framtíð sveitarfélagsins okkar þróast, hvernig við viljum að framtíð okkar allra þróist til næstu ára. En hvernig er hægt að finna út úr því hvaða lista skal kjósa? Það lítur ekki út fyrir að vera neitt sérstaklega auðvelt þar sem svo virðist sem mörg stærstu mál framboðanna séu í grunninn þau sömu. Mismunurinn á útgefnum málefnaskrám felst kannski að hluta í því hversu mikill “loforðaflaumurinn” er.

Það er öllum ljóst sem komið hafa að umræðu um búsetuskilyrði og atvinnumöguleika í dreifbýli að aðgengi að heitu vatni og góð nettenging eru lykilatriði. Þessi atriði skipta máli hvort sem verið er að byggja upp atvinnustarfsemi á viðkomandi jörð (svæði), eða að setja niður íbúðarhús á lóð.

Nú er ljóst að allnokkrar mannabreytingar verða í komandi sveitarstjórn Skagafjarðar. Allir þeir sem þar gefa kost á sér eiga þakkir skyldar fyrir að ganga fram fyrir skjöldu og sýna þann áhuga og vilja sem þarf til að stjórna okkar ágæta samfélagi. Kröfur íbúa eru mismunandi eftir aldri og búsetu og rísa þar hæst samkvæmt venju atvinnu og skólamál. En miklu fleira skapar gott samfélag og þar eru fjölbreytileiki þess, félagsvitund og metnaður fyrir heimabyggðinni mikilvægir þættir.