Fréttir

Textílmiðstöð Íslands og Myndlistaskólinn í Reykjavík hlutu nýverið styrk frá Nýsköpunarsjóði námsmanna. Styrknum, sem nemur 2,4 milljónum króna, er úthlutað vegna verkefnsins Nývinnsla í textílhönnun sem felur það í sér að núverandi og útskrifaðir nemendur úr textíldeild Myndlistaskólans, fjórir samtals, vinna saman að hönnun og rannsókn á textíl á Blönduósi sumarið 2019 og hanna úr því nýja vöru. Frá þessu er greint á vef Textílmiðstöðvarinnar.

Tindastóll heimsótti nýfallið lið Skallagríms í gærkvöldi í 21. umferð Dominos-deildarinnar og var leikið í Fjósi þeirra Borgnesinga. Leikurinn var sveiflukenndur í meira lagi en heimamenn spiluðu líkt og topplið í fyrri hálfleik, léku Stólana grátt og leiddu 45-30 í leikhléi. Í síðari hálfleik snérist dæmið við en þá gerðu Tindastólsmenn 60 stig og sigruðu að lokum 82-90.

Það var heilmikið um að vera hjá ungum júdóiðkendum um helgina þar sem æfingabúðir voru haldnar á Sauðárkróki. Iðkendur frá júdódeild UMF Selfoss og júdófélaginu Pardus á Blönduósi mættu á Krókinn og áttu skemmtilega stund með félögum sínum í júdódeild Tindastóls. Á heimasíðu Tindastóls kemur fram að undanfarin tvö ár, 2017 og 2018, hafi júdófélagið Pardus haldið æfingabúðir með svipuðu sniði þar sem þessi þrjú júdófélög hafa komið saman og æft en að þessu sinni var skipt um staðsetningu og júdódeild Tindastóls tekið á móti hópnum.

Engin tvímæli hafa leikið á því, að nafnið sje upprunalegt og óbrjálað. Þó finst ritað „Ftaugu“ í Auðunarmáldögum 1318 (DI, ll, 476. Þar eru Hvammskirkju „áskilin ítök í Flaugu í Vatnsdal“) og „Flagha“ í óvandaðri afskrift frá 1500. (DI. II. 330). Allstaðar annarsstaðar í fornbrjefum er ritað Flaga. (DI. IV. 7ll o. m. v. Sömuleiðis jarðabækurnar). Flögubæir eru 8 á landinu og hvergi hefir nafnið breyzt frá, uppruna. Flaga stendur að vestanverðu í Vatnsdal eins og menn vita. Landi þar er svo háttað, að fyrir utan og sunnan bæinn eru valllendisleiti með dældum á milli. Það eru auðsjáanlega uppgrónar skriður. Þessar öldumynduðu skriður eru hvað mestar yzt og syðst í túninu og liggja framundan allstórum giljum í hálsinum eða fellinu ofan við bæinn. Nokkuð sama má segja um Flögu í Hörgárdal.

Það er talsverð eftirvænting fyrir komandi knattspyrnusumri hjá kvennaliði Tindastóls í fótboltanum en þær munu taka þátt í Inkasso-deildinni í sumar. Líkt og strákarnir þá taka stelpurnar nú þátt í Lengjubikarnum, leika þar í riðli 1 í C-deild kvenna, og þær gerðu sér lítið fyrir og sigruðu sameinað lið Aftureldingar/Fram í sínum fyrsta leik í gær. Lokatölur 1-3. Daginn áður laut karlalið Tindastóls í gervigras gegn Skallagrími, 2-1.

Lið Tindastóls sótti Þórs-stúlkur heim í Höllina á Akureyri í gær í síðasta leik liðsins í 1. deild kvenna þennan veturinn. Stólastúlkur höfðu tapað fyrri tveimur leikjum liðanna í vetur en báðir voru þeir jafnir og spennandi en í gær náði lið Þórs upp mikilli baráttu og tóku völdin snemma leiks. Á enda hömpuðu þær 28 stiga sigri, lokatölur 86-58, og náðu því þrennunni gegn nýliðum Tindastóls í vetur.

Æfingar standa nú yfir hjá Leikfélagi Hofsóss á leikritinu Gullregni eftir Ragnar Bragason og er áætlað að frumsýna í lok mars. Leikritið segir frá Indíönu Jónsdóttur sem býr í blokk í Breiðholtinu og er umkringd fólki af erlendum uppruna sem hún fyrirlítur. Indíana er svokallaður kerfisfræðingur, hún lifir á bótum frá hinu opinbera þótt hún sé fullkomlega heilbrigð. Stolt Indíönu er planta, fjallagullregn, sem hún hefur ræktað og sinnt af alúð.

Skrifað var undir samstarfssamning milli Flugakademíu Keilis og Fjölbrautaskóla Norðurlands vestra sl. fimmtudag en þá opnaði flugskólinn starfsstöð fyrir nemendur í verklegu atvinnuflugnámi á Alexandersflugvelli í Skagafirði. Í tilefni dagsins mætti skólinn með þriðjung flugvéla sinna, þar af stolt flotans DA42 NG New Generation, fjögurra sæta kennslu- og einkaflugvél en sú kennsluvél er hin fullkomnasta á landinu og eina vélin í þeim flokki sem hefur vottun til flugs í ísingarskilyrðum. Gestir og gangandi var boðið að skoða vélarnar og flugnámið kynnt fyrir áhugasömum. Veðurguðirnir voru í sínu besta skapi því sólin skein glatt og veðrið stillt.

Karlakórinn Heimir er á faraldsfæti um þessar mundir. Á sunnudaginn var hélt kórinn tvenna tónleika, í Siglufjarðarkirkju og á Hofsósi og var aðsókn með ágætum. Efnisskrá tónleikanna var að hluta til afmælisdagskrá sem flutt var á síðasta ári í tilefni af 90 ára afmæli kórsins þar sem þeir Agnar Gunnarsson og Björn Björnsson röktu feril kórsins á gamansömum nótum og nokkrir kórfélagar ásamt leikurum úr Leikfélagi Hofsóss túlkuðu nokkur atriði úr sögu hans.

Sigfríður Eggertsdóttir og Guðjón Valgeir Guðjónsson á Hvammstanga voru matgæðingar Feykis í 10. tbl. 2017. Þau buðu upp á uppskriftir að orkuskoti inn í daginn og bestu ídýfunni, auðveldum fiskrétti og baunarétti. Það er Sigfríður sem hefur orðið: „Þó ég sé nú stolt bóndadóttir og meiri hluti fjölskyldunnar stundi fjárbúskap, elda ég sjaldan rautt kjöt núorðið. Það er þó ekki gert af ásettu ráði, heldur er nú bara smekkur mannanna misjafn. Fiskur, kjúklingur, grænmetis- og baunaréttir og súpur eru oftast í boði á minu heimili.