Fréttir

Eins og flest allir hafa tekið eftir þá var jarðskjálfti í nótt. Hér fyrir neðan má sjá fréttatilkynningu frá Veðurstofu Íslands.

Hátíðin Eldur í Húnaþingi verður sett á morgun, fimmtudaginn 25. júlí, og kennir þar margra grasa eins og endranær en þetta er í 17. sinn sem hátíðin er haldin. Hún stendur til sunnudags og rekur hver viðburðurinn annan á dagskránni sem er stútfull af spennandi atriðum.

Knattspyrnudeild Tindastóls hefur samið við enska framherjann Kyen Nicholas til að spila með liðinu út leiktíðina.

Laugardaginn 20. júlí klukkan 14:00 mættust ÍR og Tindastóll í 2. deild karla í knattspyrnu. Heimamenn úr Breiðholti sigruðu leikinn 2-0 og eru komnir í sjötta sæti í deildinni en Tindastóll situr enn á botninum með fimm stig.

Á fjölsóttri Húnavökukvöldvöku sem haldin var í blíðskaparveðri Fagrahvammi sl. laugardagskvöld voru umhverfisverðlaun Blönduósbæjar veitt.

Krista Sól Nielsen leikmaður meistaraflokks kvenna Tindastóls í knattspyrnu varð fyrir því óhappi 12. júlí í leik á móti ÍR að meiðast illa. Atvikið gerðist í seinni hálfleik þegar leikmaður ÍR rak hnéð í hnéð á Kristu sem endaði með því að Krista Sól þurfti að fara útaf og upp á sjúkrahús.

Í 27. tölublaði fengum við miðjumanninn Jackie Altschuld til þess að svara nokkrum spurningum í Erlendir leikmenn í boltanum. Jackie er 24 ára stúlka sem spilaði á síðustu leiktíð í Svíþjóð en vegna meiðsla þurfti hún að fara heim þar sem hún byrjaði að þjálfa en er komin sterk til baka.

Á laugardaginn fengu Kormákur/Hvöt (K/H) lið Afríku í heimsókn í 4. deild karla á Blönduósvelli. Fyrri hálfleikurinn var mjög rólegur miðað við seinni hálfleikinn því það voru aðeins skoruð þrjú mörk í fyrri hálfleik en í þeim síðari komu mörkin á færibandi og voru skoruð sex mörk í seinni hálfleik. Leikurinn endaði 8-1 fyrir K/H.

Á fundi byggðarráðs Húnaþings vestra þann 15. júlí sl. var samþykkt að auglýsa tillögu að deiliskipulagi skólasvæðisins Hvammstanga og til samræmis breytingu á deiliskipulagi austan Norðurbrautar Hvammstanga.

Sigríður Bjarney Aadnegard svaraði spurningum Bók-haldsins í 32. tbl. Feykis árið 2018. Sigríður hefur búið á Blönduósi frá barnsasldri og starfað þar lengst af, fyrst sem leikskólakennari en síðar sem grunnskólakennari og aðstoðarskólastjóri. Nú er hún að hefja sitt áttunda ár sem skólastjóri við Húnavallaskóla. Hún hefur alltaf verið áhugasömum lestur og segist hafa lært að lesa með því að fylgjast vel með þegar bróðir hennar, tveimur árum eldri, lærði þá list. Frá því að Sigríður var fimm ára og las Gagn og gaman spjaldanna á milli hefur hún farið höndum um allnokkrar bækur, bæði til eigin ánægjuauka og einnig segir hún að áhugasviðið í námi hennar til kennsluréttinda hafi verið læsi og lestrarkennsla. „Áhugi á bóklestri hefur þó sveiflast,“ segir Sigríður, „það hafa verið tímabil sem ég hef lítið lesið en með aldrinum gef ég lestri og bókagrúski meiri tíma.“ Sigríður á tvö barnabörn sem búa erlendis. „Við notum Skype mikið til samskipta sem er dásamleg uppfinning fyrir ömmur, ég kalla mig stundum ömmu-Skype,“ segir Sigríður sem les stundum fyrir barnabörnin í gegnum Skype og hefur bók Vilborgar Dagbjartsdóttur, Alli Nalli og tunglið, verið afar vinsæl í þeim sögustundum.