Fréttir

Kominn er upp leki í heita vatninu á Víðigrundinni á Sauðárkróki. Vegna þess þarf að loka fyrir heita vatnið meðan á viðgerð stendur. Íbúar eru beðnir að sýna biðlund meðan gert er við, truflanir geta orðið eitthvað fram eftir degi.

Björgunarsveitin Skagfirðingasveit á Sauðárkróki hefur haft í nógu að snúast undanfarna daga en meðal verkefna var að aðstoða við gámaflutningavagn, fylgja sjúkrabíl í ófærð og leita að rjúpnaskyttu.

Byggðaráð Blönduósbæjar fjallaði fundi í síðustu viku um hækkun launa kjörinna fulltrúa í sveitarstjórn, nefndum og ráðum, sem er tilkomin vegna ákvörðunar kjararáðs þann 29. október síðastliðinn um hækkun þingfararkaups um 44%.

Íslenska fjarskiptafyrirtækið Hringdu hefur ákveðið að bjóða viðskiptavinum sínum upp á „Roam Like Home“ í Skandinavíu og ótakmörkuð símtöl til Evrópu, Bandaríkjanna og Kanada frá og með deginum í dag.

Á föstudaginn var greint frá því á vef Húnahornsins að veturinn væri mættur í Húnavatnssýslur og líklega kominn til að vera. Þar var, eins og víða annars staðar, vonskuveður á fimmtudaginn og einnig á föstudag.

Fótbolti.net segir frá því að úrvalsdeildarlið ÍBV hefur fengið Króksarann og miðjumanninn Atla Arnarson til liðs við sig frá Leikni Reykjavík. Samningur Atla við Leikni rann út í síðasta mánuði en hann hefur nú gert tveggja ára samning við ÍBV.

Leikferð Kómedíuleikhússins með hið vinsæla leikrit Gísli á Uppsölum heldur áfram út árið og nú er sýningin væntanleg á Sauðárkrók. Verður sýnt þar á sunnudaginn eftir viku.Er þetta önnur leikferðin á Norðurland.

Kennarar standa í kjarabaráttu. Í gegnum tíðina hefur það komið illa við samfélagið þegar kennarar berjast fyrir sínum kjaramálum og skildi engan undra, kennarar koma við sögu á mörgum heimilum og eru oft mikilvægar persónur í daglegu lífi margra fjölskyldna.

Erla Jónsdóttir og Jóhann Ingi Ásgeirsson frá Kambakoti í fyrrum Vindhælishreppi voru matgæðingar vikunnar í 32. tölublaði Feykis árið 2012. „Hérna koma mjög bragðsterkir og einfaldir réttir, það fer lítill tími í matreiðsluna sem er e-ð sem hentar mér mjög vel að minnsta kosti,“ sögðu þau Erla og Jóhann um uppskriftirnar sínar.

Leik Stjörnunnar og Tindastóls var frestað vegna ófærðar á fimmtudaginn en strákarnir héldu ákveðnir af stað suður í gær og þrátt fyrir þjálfaraskipti, splunkunýjan Kana og eitt sprungið dekk þá stigu þeir heldur betur upp í Ásgarði Garðbæinga og hirtu bæði stigin í hörkuleik gegn Stjörnumönnum sem höfðu unnið alla sína leiki fram að þessum. Lokatölur 83-91.