Fréttir

Á vef Selasetursins er sagt frá því að starfsmenn hafi nýlega lagt leið sýna á Strandir í þeim tilgangi að koma fyrir gervihnattasendum á útselskópum. Eiga sendarnir að gefa upplýsingar um hegðun selanna og hvort þeir ferðist milli svæða eða landa.

Helgina 4.-5. nóvember sl. tóku 25 körfuboltakrakkar frá Tindastóli þátt í minniboltamóti Fjölnis í Grafarvogi fyrir 10-11 ára, Sambíómótinu. Í þessu móti og sambærilegum fyrirtækjamótum er gleðin og samveran í fyrirrúmi stigin ekki talin og allir vinna.

Ferðastúdentar við Fjölbrautaskóla Norðurlands vestra verða með Bingó í kvöld í sal bóknámshússins á Sauðárkróki. Spjaldið kostar 500,- krónur og hefst kúludrátturinn kl 20:00.

Skraflfélag Íslands ætlar að mæta á Sauðárkrók og standa fyrir spilakvöldi á Kaffi krók og kynna um leið nýja útgáfu skraflsins sem ber heitið Krafla. Útgefandi spilsins er Skagfirðingurinn Reynir Hjálmarsson í félagi við Jóhannes Benediktsson.

Það skeður á þessu hausti að riða kemur upp á tveimur bæjum hér í sveit og það þarf að skera allt féð niður. Menn hafa glímt við það að komast að einhverri niðurstöðu sem er sú að skera bara allt niður á þeim bæjum sem hún kemur upp á. Hver er árangurinn eftir öll þessi ár sem liðin eru frá því að riðan fór að koma upp eftir fjárskipti. Mér er sagt að það sé allt á fullu í þeim efnum, ég sé hann ekki, það virðist allt vera eins og það var fyrir 50-60 árum. Það er slæmt í allri þeirri tækni og vísindum sem til eru í dag. Bændum er bara sagt að slátra, það á að vera lausnin. Þetta er ekki sársaukalaust. Það er mikil vinna að sótthreinsa og hreinsa öll hús og umhverfi og er ekki bjóðandi bændum. Og sjá engan árangur í þessum málum. Það er útlit fyrir að þetta geti gengið frá sauðfjárbúskap dauðum, haldi þetta svona áfram.

Veðurstofa Ísland hefur gefið út stormviðvörun en strekkings suðvestanátt með skúrum eða slydduéljum er væntanleg sunnan og vestanlands í dag. Bjart verður NA-til en einhver rigning verður um tíma S- og V-lands seint í kvöld.

Nemendur Fjölbrautaskóla Norðurlands vestra hafa undanfarnar vikur æft af krafti söngleikinn Rocky Horror sem frumsýndur verður miðvikudaginn 16. nóvember klukkan 20:00. Leikstjóri er Guðbrandur Ægir og aðstoðarleikstjóri er Heiða Jonna.

Ríííínnnnng! „Já, halló!“ „Góðan daginn, þetta er hjá kjararáði. Ég þarf því miður að tilkynna yður að við hækkuðum laun yðar upp í rúma milljón.“

Sameiginleg uppskeruhátíð hestamannafélagsins Skagfirðings og Hrossaræktarsambands Skagafjarðar var haldin í Ljósheimum sl. föstudagskvöld. Veitt voru verðlaun í hinum ýmsu flokkum.

Stjórn Félags ungra framsóknarmanna í Skagafirði hefur fundið sig knúna til að birta yfirlýsingu með óánægju sína með þá miða sem dreift var í nokkur hús á Sauðárkróki á dögunum, þar sem íbúar voru sagðir aumingjar og þakkað fyrir ekkert eins og það var orðað. Mátti ætla að Píratar hefðu sent út bréfið (sem þeir gerðu ekki) en einhverra hluta vegna var gjörningurinn hermdur upp á ungu Framsóknarmennina (sem þeir frömdu ekki) á Facebook.